Lúkɑ́shi 9:45 - Kɑɑ Fí

⁴⁵ Lɑ́ ɡɑŋku pɛ́ pɔɔ tsúŋ ńzúꞋ yɔ nu sʉ́Ꞌnɛ pɔ́, mbɔ yɛcɔ́ yúu jʉ́ɔꞋ jínu yɔ́p nɛpɔ́ yi pɔ́p kɛ́ zúꞋ pɔ́. Wɛcɔ́ ŋu wɔp kɛ́ ḿbɔɔ sʉk tɛ ḿbíkŋɛ wɛ́ ŋɡɔ ɔ lɔɔ nɛcú ŋɡɔ kʉ̈ɔ́ pɔ́, mbíꞋŋɡɔ pɔ́p kɑ tsʉꞋ ḿbɔ́k pɔ́knɛ.

Lúkɑ́shi 9:45 ပူးပေါင်းရင်းမြစ်များ

Mɑtʉ̈ɔ 16:22

Pyɛ̂ ɡɔ́ɔ ŋ́kɛ́ ɛ́fúŋ wɛ́ ntsɛm, ńzɛ nɛkɑkŋɛ wɛ́, ńcú mbɔ̌ wɛ́ ŋɡɔ: «Tsɑpʉɔ, kɔɔ Sɛ́ pɛ́m yîyɑ́ ntɛ́ nu ɡɛ wú! Mbɔ ɛ́ pɔɔ pɔ́ pɔ́Ꞌɔ pɔ́.»

Mɑtʉ̈ɔ 17:22

Ɛ́ pɔ́ yɛcɔ́ lɛ́Ꞌ, ɡɑŋku-Yɛ́su tɛmtɛ ńcúꞋlɛ Ŋɡɑlilɛɛ, Yɛ́su cú mbɔ̌ pɔ́p ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ.

Mɑ́lɛ́kúshi 9:10

Pɔ́p pɛ́m pɑꞋ ɑ cúnɛ pɔ́Ꞌɔ, ŋ́kɛ́ ḿbɔ́ ḿbíkŋɛ tsɛtsɛt pɔ́p pɔ ŋɡɔ: «A cú ŋɡɔ ńzẅíimɛ nǔu nɛvú, ńzẅíimɛ nǔu nɛvú ńdɔk ńcú ŋɡɔ kʉ̈ɔ́?»

Mɑ́lɛ́kúshi 9:32

A cú pɔ́Ꞌɔ, ɡɑŋku pɛ́ kɛ́ mbɔɔ zúꞋ sʉ́Ꞌnɛ pɔ́, lɑ́ ḿbɛn ḿbɔ́ ḿbɔ́k nɛ́ píkŋɛ wɛ́ nɛ́ nu nǔu.

Lúkɑ́shi 18:34

Lɑ́, Yɛ́su cú pɑꞋɑ, ɡɑŋku pɛ́ pɔɔ zúꞋ yɛcɔ́ yúu nǔu nu yi ɑ cúnɛ pɔ́, sẅiŋɛ yɛ́ kɛ ńtɛplɛ wɔ́p tɛplɛnɛ, pɔ́p pɔɔ zúꞋ nu yí ɑ lɔknɛ ńcú sʉ́Ꞌnɛ pɔ́.

Lúkɑ́shi 2:50

A kɑ pʉ̈ɔt pɔ́Ꞌɔ, pɔ́p pɔɔ ɡɔ́ɔ ńzúꞋ nu yi ɑ lɔknɛ ńcú pɔ́.

Lúkɑ́shi 9:46

Yɛcɔ́ fɛꞋ nɑ́ŋ tɛ ɛ́sɑ́Ꞌ tsɛtsɛt ɡɑŋku-Yɛ́su, pɔ́p pɔ́ ńdɔ́ɔ ŋu ẅi ɑ tsɛtsɛt pɔ́p ḿbɔ́ mɑ́ŋu.

Jɑ̂ŋ 12:16

Gɑŋku-Yɛ́su jʉ́ɔ yɔ nu, ḿbɔɔ ɡɔ́ɔ ɛ́fɛ́Ꞌnɛ ńzúꞋ pɔ́. Lɑ́, Yɛ́su ɡɛ ḿbɔ́ tɛ ŋ́kúu tsɛt nɛɡúꞋ wɛ tʉ́nɛpú, lɑ pɔ́p ɡɔ́ɔ ŋ́kɛ́ ŋ́kẅíitɛ ŋɡɔ pɛ́ kɑ zɑ́Ꞌ njí ŋ́ŋwɑꞋnɛ yîyɑ́ nu ntɛ́ wɛ́, ḿbɛn ŋ́kẅíitɛ ŋɡɔ lɑ́Ꞌ kɑ ɡɛ nǔu wɛ́ pɔ pɑ́Ꞌ pɛ́ kɑ ŋwɑꞋnɛ́nɛ.

Jɑ̂ŋ 12:34

Lɑ́Ꞌ tsɔ́Ꞌ mbɔ̌ wɛ́ ŋɡɔ: «Pɛk kɑ zúꞋ tsɛt ŋwɑꞋnɛ-nɛpʉ́ʉ ŋɡɔ: Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ḿbɔ́ pɔ ɡú. Ɔ pɛn ŋ́ɡɛ pɑ́Ꞌɑ lɑ ńcú ŋɡɔ, pɛ́ ɡʉ ŋ́kɑꞋ Mɔ́ɔ-ŋu nǔu tʉ́ mɛkʉ́Ꞌ ŋ́ɡɑ́ tʉ́ ɔɔ? Mɔ́ɔ-ŋu ɛ̂wɑ́ wɔ̌?»

Jɑ̂ŋ 14:5

Tɔmɑ́shi cú mbɔ̌ wɛ́ ŋɡɔ: «Tsɑpʉɔ, pɛk kɑ́ pɔ́ ńjí zʉꞋ yí ɔ ɡʉnɛ nɛ́ zúꞋu pɔ́. Pɛk ɡʉ ŋ́ɡɛ pɑ́Ꞌ lɑ́ ńjí sɛ̂ndúŋ?»

Jɑ̂ŋ 4:33

Gɑŋku pɛ́ zúꞋ pɔ́Ꞌɔ, ɛ́shɔtnɛ ḿbíkŋɛ tsɛtsɛt pɔ́p ŋɡɔ: «Wɛcɔ́ ŋu tsʉ́Ꞌ ńdɔk yúujʉ́ ńtɔ́ ŋ́ɡɑ́ mbɔ̌ wɛ́ kɛkʉ̈ɔ́?»