Lúkɑ́shi 9:28 - Kɑɑ Fí

²⁸ Yɛ́su cú yɔ nu, ɛ́ ɡɛ ḿbɔ́ lɛ́Ꞌ pɛ́nɛ́fɔ́m, ɑ fɑk Pyɛ̂ ŋ́ɡɛ Jɑ̂ŋ pɔ́p Jɑ̂k, pɔ́p pɛpɔ́p kɔ́Ꞌ ndǔ nɛcɔ́ nɛŋkɔ́Ꞌ pɑꞋ ɑ ɡɛ ńcɛꞋlɛ Sɛ́;

Lúkɑ́shi 9:28 ပူးပေါင်းရင်းမြစ်များ

Mɑtʉ̈ɔ 14:23

Yɛ́su tsʉ́Ꞌ ńdɛɛmɛ nɔɔ-lɑ́Ꞌ, ŋ́kɔ́Ꞌ ndǔ nɛŋkɔ́Ꞌ nɛcɛꞋlɛ Sɛ́. TúꞋ ɡɛ ŋ́ɡɔ sʉ́ʉ, ɑ tsʉ́Ꞌ ḿbɔ́ zúꞋu pɔ zɛnɛjʉ́,

Mɑtʉ̈ɔ 5:1

Yɛ́su jʉ́ɔ nɔɔ-lɑ́Ꞌ, ŋ́kɔ́Ꞌ ndǔ nɛŋkɔ́Ꞌ, ńnɑ́ŋ sɛ́, ɡɑŋku pɛ́ tɔ́ ŋ́kẅɛ́ɛtɛ wɛ́.

Mɑ́lɛ́kúshi 1:35

Njí kɑ pɔ́ ŋ́kiɛ, zʉꞋ pɛ́t ɛ́sʉ́ʉ sʉ́ʉnɛ, Yɛ́su lɔ sɛ́, ɛ́fú ndɑ́ ńcẅɛt, ŋ́ɡʉ nɛ́ ŋkɔ̂ŋtɛt, ńzɛ nɛcɛꞋlɛ Sɛ́.

Mɑ́lɛ́kúshi 6:46

Yɛ́su lɛɛmɛ lɑ́Ꞌ tɛ pʉɔ ɡɔ́ ŋ́ɡʉ, ɑ kɔ́Ꞌ ndǔ nɛcɔ́ nɛŋkɔ́Ꞌ nɛcɛꞋlɛ Sɛ́.

Lúkɑ́shi 3:21

Jɑ̂ŋ kɑ kɛ́ ŋ́ɡɔ ŋ́kúu tsɑ́ŋ, mbɔ ɛ́ m̄bɔ́ yɛcɔ́ lɛ́Ꞌ, ɑ nuꞋ pʉɔ ŋki tɛ ɛ́ mɛ, Yɛ́su tɔ́ yɛ́, ɑ nuꞋ wɛ́ ɡúu ŋki. Pɑ́Ꞌ ɑ ḿbɔ́ ŋ́ɡúꞋlɛ Sɛ́, ntsu-tʉ́ nɛpú tsɔ́Ꞌnɛ ntʉ́ʉ.

Lúkɑ́shi 5:16

Lɑ́, Yɛ́su ńnɑ́ŋ tɛ ńdɔ sɛ́ ŋ́ɡʉ zʉꞋ yi ŋu zúꞋu pɔ ḿbɔ́ ńcɛꞋlɛ Sɛ́.

Lúkɑ́shi 6:12

Yɛ́su pɔ́ yɛcɔ́ lɛ́Ꞌ, ŋ́ɡʉ ndǔ nɛŋkɔ́Ꞌ nɛcɛꞋlɛ Sɛ́, tɛ ńdɛ́ zúꞋu lɛ́nɛ.

Lúkɑ́shi 8:51

Yɛ́su ɡʉ tɛ ŋ́kúu njɛ́Ꞌ-Yɑyɛ́lɔ, ńtɔꞋ ŋɡɔ kɔɔ wɛcɔ́ ŋu ndɛꞋ kúu ndɑ́ tɛ ńdíꞋ ndɑꞋ Pyɛ̂, ŋ́ɡɛ Jɑ̂k, pɔ́p Jɑ̂ŋ, ŋ́ɡɛ Tɑ́-mɔ́ɔ pɔ́p Mɑ́mɔ́ɔ.

Lúkɑ́shi 9:18

Yɛ́su pɔ́ yɛcɔ́ lɛ́Ꞌ, pɔ́p ɡɑŋku pɛ́ fyɑkŋɛ ŋ́ɡʉ zʉꞋ yi ŋu kɑ́ pɔ́ zúꞋu pɔ́, pɑꞋ ɑ ɡɛ ńcɛꞋlɛ Sɛ́. A píkŋɛ wɔ́p ŋɡɔ: «Lɑ́Ꞌ pɑꞋɑ ḿbɔ́ ńcú ŋɡɔ mɔ pɔ wɔ̌?»

Jɑ̂ŋ 6:3

Yɛ́su ŋ́kɔ́Ꞌ ndǔ nɛcɔ́ nɛŋkɔ́Ꞌ, pɔ́p ɡɑŋku pɛ́ nɑ́ŋ sɛ́.

2 Kɔlɛ̂ŋtɛ 13:1

Mɔ ńtɔ́ njɛ́Ꞌ pʉʉ ŋkɔ̂ɔnɛ ɛ́ lɔk ḿbɔ́ ŋkɑ́ yɛ́tɑ́t, ńtɔ́ pɛ́ ɡɔ́ ŋ́ŋɑk mbɑ yɛ́tɛ́ ntsɑŋ lɑ́, ńzẅíꞋlɛ nu ntsu-pʉɔ pɛ́pɑ́ kɛ pʉɔ pɛtɑ́t ɔɔ pɑ́Ꞌ ŋwɑꞋnɛ-Sɛ́ sɛ́ ńcú.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

2 Pyɛ̂ 1:16

Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.