Lúkɑ́shi 9:12 - Kɑɑ Fí

¹² TúꞋ ɡɛ ḿbɔ́ sʉ́ʉ, ɡɑŋku-Yɛ́su ntsɔ̌ppɑ́ nɛ́ nɛɡɛ́m tɔ́ ńcú mbɔ̌ wɛ́ ŋɡɔ: «Pɛkŋɛ zɑ́Ꞌnɛ pɑꞋɑ kɔ̂ŋtɛt, cú pʉɔ, Gʉ tsɛt mɛnjɛ́Ꞌ kɛmbɑ tsɛt mɛlɑ́Ꞌ kɛmbɑ tsɛt mɛtʉ́sɔŋ mi ɛ́ zɑꞋnɛ ńdɔ́ɔ yúu ŋ́kwɛ́t, ḿbɛn ńdɔ́ɔ zʉꞋ nɛlɛ́!»

Lúkɑ́shi 9:12 ပူးပေါင်းရင်းမြစ်များ

Mɑtʉ̈ɔ 14:13

Yɛ́su zúꞋ yɔ nu, ŋ́kúu tsɛt kɑnúꞋ ḿbɔ́ ŋ́ɡʉ nɛ́ zʉꞋ yi ŋu kɑ́ pɔ́ zúꞋu pɔ́. Lɑ́Ꞌ jí, ɛ́fú tsɛt mɛtʉ́sɔŋ ńcẅɛt, ńnɛn mbʉʉ-mɛkʉŋ ŋki ḿbiitɛ ńzɑ́Ꞌ wɛ́.

Mɑtʉ̈ɔ 15:23

Lɑ́ Yɛ́su zúꞋ, mbɔɔ pʉ̈ɔt. Gɑŋku pɛ́ tɔ́ nɛjɔ́ŋ yɛ́, ḿbúꞋ mbɔ́ mbɔ̌ wɛ́, ḿbúꞋ mbɔ́ ŋɡɔ: «Gɛ mɑŋɡɛ́ wɑ́ ɡʉ, ɑ sɛ́ ńtsuꞋ tú yɛkŋɛ nɛ́ ɡwɑ́t yɛ́.»

Mɑtʉ̈ɔ 15:32

Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.»

Lúkɑ́shi 9:11

Lɑ́Ꞌ jí, ńcʉ́ɔ nzʉʉ yɛ. A mɛɛ ḿbɛ́m, ńnɛn ɛ́sẅíi wɔ́p nɛ́ nu nǔu nɛfɔɔ-Sɛ́, ḿbɛn ŋ́ɡɛ pʉɔ pɛ́tsʉʉ pinɛ pɔ́p kɑ pɔ́ ńtsɑ́ɑ nɛfíitɛ fíitɛ.

Lúkɑ́shi 9:13

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ ɡʉnɛ ŋ́ɡɑ́ yúu pɔ́p kwɛ́t.» Pɔ́p cú ŋɡɔ: «Pɛk ɡẅɛɛ mbɛlɛ̂ɛt zɑ́Ꞌnɛ ndɑꞋ ntɑ́Ꞌ yɛ́tɑɑ, ŋ́ɡɛ shú mbɑŋ yɛ́pɑ́, kɛ ɔ lɔɔ ŋɡɔ pɛk ɡʉ ńzúu yúu ŋ́ɡɑ́ mbɔ̌ pɔ́p?»

Jɑ̂ŋ 6:1

Mɔ mɛnu lɛɛ, Yɛ́su túu yɛcɔ́ mɑ́mɑ́ pɔ̂lfúꞋ-ŋki ni ɛ́ Ŋɡɑlilɛɛ, pɛ́ pɛn ɛ́fúŋ ŋɡɔ mɑ́mɑ́-pɔ̂lfúꞋ-Tibɛ́liyɑ́dɛ ŋ́ɡʉ nɛ́ yɛcɔ́ njʉ́n.

Filipɛ 1:19

N zɛɛ ḿbɔ́ ńjí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ ɡʉ ńtɔ́ ńtsʉ́Ꞌ ŋ́ɡɛ n duk luknɛ. N duk pɔ́Ꞌɔ, ńdúꞋnɛ ntɛ́ yi pʉʉ sɛ́ ńdɔk ḿbúꞋ mbɔ́ mbɔ̌ Sɛ́, ḿbɛn ńdúꞋnɛ Zẅikŋɛ-Yɛ́su Kɛlístɔ yi ɛ́ sɛ́ ńtɔ́ɔtɛ wɑ́ɑ.