Lúkɑ́shi 8:47 - Kɑɑ Fí

⁴⁷ Mɑŋɡɛ́ ɛ̂wɑ́ jʉ́ɔ pɑ́Ꞌ Yɛ́su píitɛnɛ ńjí, ńzɛ nɛɡwɛt, ńtɔ́ ńnɔɔ mɛku-Yɛ́su, ŋ́ɡɔ́ɔ ḿbɛ́ɛtɛ mbi lɑ́Ꞌ, ɛ́sẅíi wɛ́ yúu mi ɛ́ ɡɛnɛ lɑ ɑ kuu wɛ́, ŋ́kuplɛ wɛ́ pɔ́Ꞌɔ ɛ́fíitɛ.

Lúkɑ́shi 8:47 ပူးပေါင်းရင်းမြစ်များ

Mɑtʉ̈ɔ 28:8

Pɑŋɡɛ́ pɔ ɡɔ́ɔ ɛ́fú mbʉʉ nɛshi ŋ́ɡʉ nɛcú yɔ nu mbɔ̌ ɡɑŋku-Yɛ́su. CʉɔꞋ pɛ́t ḿbɔ́ pɔ nǔu pɔ́p, lɑ́ pɔ́p pɔ́ ńtsɑ́ɑtɛ tsɑ́ɑtɛ́nɛ,

Mɑ́lɛ́kúshi 5:33

Mɑŋɡɛ́ ɛ̂wɑ́ tsʉꞋ ŋ́ɡwɛt ɡwɛtnɛ, mbíꞌŋɡɔ ɑ kɑ jí yúu mi ɛ́ lɛɛnɛ nǔu wɛ́, ŋ́ɡɔ́ɔ ŋ́kɛ́ ńtɔ́, ńnɔɔ mɛku-Yɛ́su, ɛ́sẅíi wɛ́ kwɑꞋ nu yí ɛ́ lɛɛnɛ tsʉʉ.

Lúkɑ́shi 8:46

Yɛ́su tsúŋ ńcú ŋɡɔ: «Ŋu kuu wɑ́ɑ. N zúꞋ pɑꞋ mɛtʉʉ cẅɛtnɛ nǔu mɔ.»

Lúkɑ́shi 8:48

Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, ntɛ́ yi ɔ lɔknɛ ńzɑ́p tʉ́m nǔu mɔ ɡɛ ɔ fíitɛ, ɡʉ nɛ́ mbɔ́tnɛ!»

ŊwɑꞋnɛ-Gɑŋntúu Yɛ́su Kɛlístɔ 16:29

Mbyɛ́p ndɑ́tsɑ́ŋ zúꞋ ńcú pɛ́ lɔk kyɛꞌ ńtɔ́. A lɔk ŋ́kʉɔ ŋ́kúu tsɛt ndɑ́tsɑ́ŋ. Ḿbɔ́ ńcʉ̈ɔꞋ tɛ ŋ́ɡwɛt ɡwɛtnɛ, ńcúŋ ńnɔɔ mɛku-Pɔ̂l pɔ́p Sílɑs,

1 Kɔlɛ̂ŋtɛ 2:3

Ŋ kɑ tʉ́ʉ tsɛtsɛt pʉʉ, ńzúꞋ ḿbɔ́t pɔ́tnɛ, ńzúꞋ ḿbɔ́k pɔ́knɛ tɛ ḿbɔ́ ŋ́ɡwɛt.

2 Kɔlɛ̂ŋtɛ 7:15

Lɑ́, ɛ́ fú pɔ́Ꞌɔ, m bɛn ŋ́kẅiꞋ ŋ́kɔŋ wʉ́ʉ pɔ ndɛꞋ ndɛꞋ, ńnɑ́ŋ ḿbɔ́ ŋ́kẅíitɛ pɑ́Ꞌ pʉʉ pɛtsʉʉ kɑ tɛmtɛnɛ ńtʉ́ʉ nɛzúꞋ ntsu, mbɑ pɑ́Ꞌ pʉʉ kɑ kúkŋɛ́nɛ wɛ́, ḿbɔ́k wɛ́ pɑ́Ꞌ pɛ́ pɔ́k mɑ́ntúu, ŋ́ɡɑ́ mbʉʉ sɛ́ mbi wɛ́.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.