Lúkɑ́shi 8:42 - Kɑɑ Fí

⁴² ŋɡɔ ndɑꞋ mɔ́ɔ nɛ wɛ́mɔ́Ꞌ tsʉ́Ꞌ ḿpfú pfúnɛ. Ḿbɔ́ mɔ́ɔ mɑŋɡɛ́, tɛ ŋ́ɡẅɛɛ ŋɡuꞋ ntsɔ̌ppɑ́. Yɛ́su zúꞋ pɔ́Ꞌɔ, ńdɔ sɛ́ pɔ́pmɛ́ ɡʉ. Ḿbɔ́ ŋ́ɡʉ pɔ́Ꞌɔ, lɑ́Ꞌ zɑ́ɑ nzʉʉ yɛ, ńtíi wɛ́, ńtík sɔŋ tɛ zʉꞋ tsʉꞋ kʉ́ʉpɛ kʉ́ʉpɛ́nɛ.

Lúkɑ́shi 8:42 ပူးပေါင်းရင်းမြစ်များ

Mɑ́lɛ́kúshi 5:24

Yɛ́su pɛ́m, pɔ́pmɛ́ cʉ́ɔ sɛ̂ndúŋ ḿbɔ́ ŋ́ɡʉ, lɑ́Ꞌ pɔ́ sɛ̂ndúŋ tɛꞋ, ḿbɔ́ ɛ́fyɛ́t Yɛ́su.

Lúkɑ́shi 7:12

Pɔ́p ɡʉ tɛ ńtsʉ́Ꞌ nɛkúu tʉ́sɔŋ, ńjʉ́ɔ, mbɔ pɛ́ tíi pfú-wɛcɔ́ mɔ́ɔ mbɛ́ɛnɛ, ńdɔk ŋ́ɡʉ nɛtẅíi. Mbɔ ɑ ḿbɔ́ ndɑꞋ mɔ́ɔ mbɔ̌ mɑ́ wɛ, ɑ pɔ́ mpfúk. Lɑ́Ꞌ pɔ́ nzʉʉ yɛ́ tɛ ńzɑ́ɑ.

Lúkɑ́shi 8:41

Wɛcɔ́ tɑ́tndɑ́-cúꞋlɛ-Pɑyúdɑ tɔ́, lík yɛ́ pɔ́ ŋɡɔ Yɑyɛ́lɔ, ńnɔɔ mɛku-Yɛ́su, ḿbúꞋ mbɔ́ mbɔ̌ wɛ́ ŋɡɔ ɑ tɔ́ tɛ ŋ́kúu ndɑ́ yɛ,

Lúkɑ́shi 8:43

Wɛcɔ́ mɑŋɡɛ́ pɔ́ yɛ́ tsɛtsɛt, ŋ́ɡẅɛɛ ɡɔ́ɔ mɑ́sɔ́ɔ, mbɔ ɛ́ ɡɑ́ɑnɛ wɛ́ ɡɑ́ɑnɛnɛ ŋɡuꞋ ntsɔ̌ppɑ́ nɛ́ nɛɡɛ́m, ŋ́kɛ́ ḿbɔɔ zɑ́Ꞌnɛ, mbɔ pɑɡɛ mɛfu kɑ zɔŋ mɔ́ yɔ́p kɛ́kɑ́ŋ tɛ ŋ́kɑ́ɑ. A fɛn pɛ́ yúu tsʉʉ tsʉʉ pɔ nǔu, ŋ́kɛ́ ḿbɔɔ fíitɛ.

Lúkɑ́shi 8:45

Yɛ́su píkŋɛ ŋɡɔ: «Wɔ̌ kuunɛ wɑ́ɑ?» Mbɑ wɔ̌ lɑ́ pɔ́ ḿmuŋɛ muŋɛ́nɛ. Pyɛ̂ cú ŋɡɔ: «Ndɛ, pɛ́ sɛ́ ɛ́fyɛ́t wú ndɛn pɑ́Ꞌnɛ, ɔ píkŋɛ ŋɡɔ pɛ́ cú ŋɡɔ ɑ wɔ̌?»

Pʉɔ-Lɔ́mɑ 5:12

Nu kɛpɔŋ kɑ ɡɔ́ kúu ndǔmbí, ńdɛɛ pɔ nǔu tɑ́Ꞌ ŋumɛsɔŋ wɛ́mɔ́Ꞌ, ẅi ɑ kɑ fɑɑnɛ́nɛ nu, lík yɛ́ pɔ́ ŋɡɔ Ádɑm. Nu kɛpɔŋ kɑ lɔk nɛvú ńtɔ́. Nɛvú kúu nǔu njẅɛt-ŋumɛsɔŋ tsʉʉ, mbíꞋŋɡɔ pʉɔ pɛtsʉʉ kɑ pɔ́ pɔ́Ꞌɔ, ńdɔk ɛ́fɑɑnɛ nu.