Lúkɑ́shi 8:18 - Kɑɑ Fí

¹⁸ N dɔk ɛ́sẅíi wʉ́ʉ ŋɡɔ pʉʉ lɑk tú yʉ́ʉ nǔu ntɛ́ yi pʉʉ lɔknɛ ńzúꞋ sẅíŋɛ-Sɛ́, ŋu lɑɑ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ yí ɑ kwɑŋɛ́nɛ ŋɡɔ ɑ ɡẅɛɛ lɑ.

Lúkɑ́shi 8:18 ပူးပေါင်းရင်းမြစ်များ

Mɑtʉ̈ɔ 13:12

Ŋu ɡẅɛɛ yúu, mbɔ pɛ́ ɡʉ ŋ́kẅiꞋ yɛcɔ́ mbɔ̌ wɛ́ ɑ lɔk ŋ́ɡẅɛɛ tɛ ɛ́ zɑ́ɑ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ ẅí ɑ zɛɛnɛ ŋ́ɡẅɛɛ.

Mɑtʉ̈ɔ 25:29

mbíꞋŋɡɔ ŋu lɑɑ ɛ́sɑ́Ꞌ tʉʉ lɑ́ ŋ́ɡẅɛɛ yúu, mbɔ pɛ́ ɡʉ ŋ́kẅiꞋ, ɑ ɡẅɛɛ ɛ́ zɑ́ɑ, lɑ́ ŋu kɛ́ mbɔɔ sɑ́Ꞌ tʉʉ pɔ́, mbɔ pɛ́ ɡʉ ɛ́fú mbɔ̌ wɛ́ cẅɛ́ɛ mbɑ mɔ́zʉꞋ yí ɑ ɡẅɛɛnɛ.

Mɑ́lɛ́kúshi 13:14

«Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ yúu pʉ́ʉnɛ yí pɛ́ fúŋnɛ ŋɡɔ ŋkʉꞋnɛ tɑ́k tɔ́ ńtʉ́ʉ zʉꞋ yí ɛ́ ńdɑɑ ḿbɔ́ ɛ́ pɔɔ zɛɛ ńtʉ́ʉ zúꞋu pɔ́. (Ŋu fúŋ zʉꞋ-ŋwɑꞋnɛ yɔ, sɑ́Ꞌ tʉʉ nɛniitɛ ńzúꞋ). Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pi pɔ́p Judɛ̂ ŋ́kʉɔ ńdɔk wɛ mɛŋkɔꞋ ŋ́ɡʉ ńdʉɔmɛ.

Lúkɑ́shi 19:26

Fɔɔ tsɔ́Ꞌ ŋɡɔ: «“Ɛ sẅíi wʉ́ʉ, ŋu lɑɑ ɛ́sɑ́Ꞌ tʉʉ tɛ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋu kɛ́ ḿbɔɔ sɑ́Ꞌ tʉʉ pɔ́, mbɔ pɛ́ ɡɛ ɛ́fú mbɔ̌ wɛ́ ńcẅɛ́ɛ mbɑ mɔ́zʉꞋ yúu minɛ ɑ ɡẅɛɛnɛ.”»

Lúkɑ́shi 9:44

«Pʉʉ tsúŋ ńzúꞋ nu yi ŋ ɡɛ ńcú lɑɑ sʉ́Ꞌnɛ, ḿbɛn ŋ́kẅíitɛ. Pɛ́ sɛ́ ŋ́ɡʉ nɛfɛn mɔ́ɔ-ŋu mbɔ̌ pʉɔmɛ́sɔŋ.»

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

1 Kɔlɛ̂ŋtɛ 14:37

Ŋu lɑɑ ḿbɔ́ ŋ́kwɑŋɛ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, kɛ pɔ mbɔ̌ Zẅikŋɛ Lɛ́ɛnɛ́nɛ ɔɔ, mbɔ ɑ ɡẅɛɛ nɛjí ŋɡɔ yɔ nu yi ŋ wɑꞋnɛ́nɛ ŋ́ɡɑ́ mbɔ̌ pʉʉ lɑɑ ɛ́ nɛpʉ́ʉ ni ɛ́ fúnɛ mbɔ̌ Tsɑpʉɔ.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Kɔlɛ̂ŋtɛ 8:2

Ŋu lɑɑ ḿbɔ́ ŋ́kwɑŋɛ ŋɡɔ ɑ sɛ́ ńjí yɛcɔ́ yúu, mbɔ ɑ pɛ́t kɛ́ jí pɑ́Ꞌ ɛ́ lɑ́Ꞌ ḿbɔ́ ḿbíkŋɛ ŋɡɔ ɑ jí.

Filipɛ 3:4

Lɑ́ m bɔ́ ŋu ẅí n dɑ́Ꞌ ḿbɔ́ pɛ́Ꞌnɛ ŋkɔŋ, mbɔ ɛ́ lɑɑ ḿbɔ́ n dɔk yúu mi pɛ́ ɡɛnɛ mbíꞋ mɑt-lɑ́Ꞌ wɛk ńdɔk ńtsɑ́ɑtɛ. Tɛ ḿbɔ́ yi ŋu lɑɑ ɛ́sẅíi wɑ́ɑ ŋɡɔ ɑ jí nu nǔu, ɛ sẅíi wɛ́ ŋɡɔ n jí nu nǔu ńdɛɛ wɛ́.

Ɛ́bɛlʉʉ 2:1

Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,