Lúkɑ́shi 8:16 - Kɑɑ Fí

¹⁶ Mbɔ ŋu pɔɔ lyɛt kyɛꞌ ńdɔk kɛ́kɔ́ɔ ŋ́kẅíipɛ pɔ́, ndʉŋndʉŋ pɑꞋ ɛ́ lɑɑ ḿbɔ́ pɛ́ pɔɔ lyɛt kyɛꞌ ńtík ntsɛnŋkúu pɔ́. Pɛ́ lyɛt kyɛꞌ ńtík ndǔ tɑ́pɛlɛ, lɑ ŋu ɡɔ́ ŋ́kúu ndɑ́ ḿbɔ́ ńjʉ́ɔ kyɛꞌ.

Lúkɑ́shi 8:16 ပူးပေါင်းရင်းမြစ်များ

Lúkɑ́shi 11:33

Pɛ́ kɑ́ lyɛt kyɛꞌ pɑ́Ꞌɑ nɛɡʉ ńtík zʉꞋ lʉɔmɛ́nɛ pɔ́, [ḿbɛn ḿbɔɔ kɛ́ ńdyɛt tɛ ɛ́ kuꞋ pɛ́ tíi luŋɡɑ́ɑ ńdɔk ŋ́kẅíipɛ pɔ́.] Pɛ́ lyɛt kyɛꞌ, ńtíi ńtík pɔ ndǔ tɑ́pɛlɛ, zʉꞋ yi ɛ́ ŋɑ́Ꞌnɛ́nɛ nɛ́ tʉ́, nɛpɔ́ yi pʉɔ ɡɛ ŋ́ɡɔ ŋ́kúu ndɑ́, ńjʉ́ɔ ɛ́ pɔ́ ŋ́kyɛꞋ zʉꞋ.

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Mɛnu ɛ́ ńdɑ́Ꞌ ńcẅɛt 1:20

Ɛ́ ɡʉ nǔu nɛjí yúu mi pɛcʉ̈ɔ́Ꞌ-sɑŋ sɑɑmbɑ́ pi ɔ jʉ́ɔnɛ ŋ ɡẅɛɛ nǔu pɔ́ yɑ́ɑ yi tʉʉ, mbɑ nǔu mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ, mbɔ ŋ ɡʉ ɛ́sẅíi wú ŋɡɔ: Pɛcʉ̈ɔ́Ꞌ-sɑŋ sɑɑmbɑ́ lɔk ḿbɔ́ pɛcʉ̈ɔ́Ꞌ-Sɛ́ pi pɔ́p pyɛ́pnɛ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́, mɛkyɛꞌ sɑɑmbɑ́ lɔk ḿbɔ́ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́.

Mɛnu ɛ́ ńdɑ́Ꞌ ńcẅɛt 11:4

Pîpɑ́ pɑjʉ́njʉ́ɔ pɛ́pɑ́ pi pɔ́p cúnɛ nu yí pɔ́p jínɛ nǔu mɔ, ɛ́ mɛtʉ́-mɛɡwɛ́t-Ɔliivɛ mɛmbɑ́, ŋ́ɡɛ mɛkyɛꞋ mɛmbɑ́ mí ɛ́ tʉ́ʉnɛ mbi Tsɑpʉɔ ẅí ɑ sɑ́Ꞌnɛ mbí tsʉʉ.