Lúkɑ́shi 8:13 - Kɑɑ Fí

¹³ Mbiyúu mi ɛ́ vunɛ zʉꞋ-mɛŋɡɔꞋ pɔ́ pʉɔ pinɛ pɔ́p zúꞋ sẅíŋɛ-Sɛ́, ɛ́fɛ́Ꞌnɛ ḿbɛ́m nɛ́ tsɑ́ɑtɛ lɑ́ ɛ́ pɔɔ lɑt mɛŋɑŋ pɔ́, ḿbɔ́ pʉɔ lɛ́Ꞌ lɑ́Ꞌ, ŋɡʉ̈ɔ́Ꞌ pɔ́ tɛ ńtɔ́, pɔ́p ɡɔ́ɔ mɛꞋ.

Lúkɑ́shi 8:13 ပူးပေါင်းရင်းမြစ်များ

Mɑ́lɛ́kúshi 6:20

Mbíꞌŋɡɔ fɔɔ Ɛlɔ̂dɛ kɑ pɔ́ ḿbɔ́k Jɑ̂ŋ, ḿbɔ́ ńjí ŋɡɔ ɑ ndɛ́ɛnɛ Lɛ́ɛnɛ́nɛ, ŋ́ɡɛ pɔ nu yi ɛ́ tʉ́ʉnɛ ndʉ́ŋndʉŋ, pɔ́Ꞌɔ lɑ́, ɑ pɔ́ ńtʉ̈ɔ́Ꞌlɛ wɛ́ tʉ̈ɔ́Ꞌlɛnɛ, ḿbɛn ńnɑ́ŋ ŋ́kɔŋ nɛzẅíꞋlɛ sẅiŋɛ yɛ́ tɛꞋ, mbɑ pɑ́Ꞌ ɛ́ mbɔ́ ŋ́ɡɑ́ɑnɛ wɛ́.

Lúkɑ́shi 8:12

Mbiyúu mi ɛ́ vunɛ ŋkɑŋ-sɛ̂ndúŋ, ɛ́ pɔ́ pʉɔ pinɛ pɔ́p zúꞋ sẅíŋɛ-Sɛ́, lɑ́ Sɑ́ttɑ tɔ́ ɛ́fú tʉ́m pɔ́p ńcẅɛɛtɛ, ḿbɔ́k nɛpɔ́ yi pɔ́p ɡʉ ḿbɛ́m, Sɛ́ ɡɛ pɔ́p luk.

Lúkɑ́shi 8:14

Mbiyúu mi ɛ́ vunɛ tsɛt nɛɡíi kɛpɔŋ, lɔk ḿbɔ́ pʉɔ pinɛ pɔ́p zúꞋ, ŋ́ɡɛ ńzɛ nɛmʉk mɛnu nji nji, ńzɛ nɛkwɑŋɛ ŋkɑ́p pɔ́p nɛnɑ́ŋ sʉ́Ꞌnɛ ndǔ tsɛ́tsɑ́Ꞌ, sẅíŋɛ-Sɛ́ ɡɔ́ɔ ḿbɛ́ kɛ́ ɡɛ yɛcɔ́ yúu tsɛt tʉ́m pɔ́p.

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 15:6

«Ŋu lɑɑ mbɔɔ lɑtnɛ mbʉʉ yɛ nǔu mɔ pɔ́, ɑ pɔ́ pɑ́Ꞌ pɔ́tʉ́ ẅi pɛ́ kʉ́ɔꞋnɛ, ḿmɑꞋ nzʉʉ ŋkɑ́Ꞌ ɛ́ zúu. Pɛ́ lɑk ńtɔɔ múk.»

Jɑ̂ŋ 5:35

Jɑ̂ŋ kɑ pɔ́ pɔ pɑ́Ꞌ kyɛꞌ yí pɛ́ lyɛtnɛ ńtík ɛ́ pɔ́ ŋ́kyɛꞋ zʉꞋ lɑ́. Ɛ́ kyɛꞌ zʉꞋ, nu pɔŋ wʉ́ʉ lɑ́ ɛ́ pɔɔ nɑ́ŋ.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

Ŋɡɑlɑ̂t 3:1

Pʉʉ pʉɔ-Ŋɡɑlɑ̂t, jínu yʉ́ʉ pɛ́ kɛkʉ̈ɔ́? Wɔ̌ kɑ lɔknɛ nɛkɑŋ ḿbúunɛ wʉ́ʉ pɑ́Ꞌɑ? Lɑ, mbɔ pɛ́ kɑ niitɛ ɛ́sẅíi wʉ́ʉ nɛ́ nu nǔu nɛvú tɛ ɛ́ pɔ́ pɔ pɑ́Ꞌ ŋkɑ́ yi pʉʉ sɛ́ ńdɔk mík mʉ́ʉ ńjʉ́ɔ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 3:4

Pʉʉ kwɑŋɛ ŋɡɔ mɛnu mi pʉʉ kɑ pɔ́ ńjʉ́ɔ, pʉʉ kɑ pɔ́ ńjʉ́ɔ pɔ níinɛ kîi?

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

1 Timɔtɛ́ɛ 1:19

Ɔ lɑɑ ńtsʉ́Ꞌ nɛlʉ́ɔꞋ ẅîwɑ́ ntsɔ, ɔ lɔk pɔ nɛzɑ́p tʉ́m nǔu Sɛ́, ḿbɛn ḿbɑ́ɑ nɛɡɛ yúu mi mbʉʉ yu ɡʉ ńtswɑ́ɑ wú nǔu. Mbʉʉ-pɛcɔ́ nɛlʉ́m pʉɔ kɑ tswɑ́ɑ wɔ́p, pɔ́p lʉꞋ nɛzúꞋ, wɔp nɛzɑ́p tʉ́m nǔu Sɛ́ kúu pɛ́.

Ɛ́bɛlʉʉ 10:39

Lɑ́ ɛ́ kɛ́ ŋ́ɡʉ nǔu pɛkŋɛ, mbɔ pɛkŋɛ kɑ́ pɔ́ ntɛ́ pʉɔ pi pɔ́p pɛnnɛ nzʉʉ, ŋ́kúu pɛ́ pɔ́. Pɛkŋɛ pɑzɑ́p tʉ́m nǔu Sɛ́, ɑ lɛɛtɛ pɔ́Ꞌɔ, ŋ́ɡɛ pɛkŋɛ luk.

Jɑ̂k 2:26

Ndʉ́ŋndʉŋ pɑ́Ꞌ zẅikŋɛ lɑɑ mbɔɔ nǔu mbɑp-mbʉʉ pɔ́, mbɔ ɛ́ pfú lɑ́, nɛzɑ́p tʉ́m nǔu Sɛ́, nɛzɑ́p ẅi pɛ́ kɑ́ pɔ́ ńjʉ́ɔ mɛfɑꞋ pɔ́, mbɔ yîyɑ́ nɛzɑ́p fɛ̌ɛ.

2 Pyɛ̂ 2:20

Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.

2 Pyɛ̂ 2:22

Mbɑ yúu mi ɛ́ ɡɛnɛ wɔ́p, lɔk ḿbuutɛ pɑ́Ꞌ sɑknɛkɛt kɑ cúnɛ ŋɡɔ: «Mɔ̂mvú jɛ́Ꞌ ḿbɛn ńjʉ́ jɛ́Ꞌ yɛ́. Pɛ́ suk njínɑɑ tɛ ŋ́ɡɔ́ ḿbɔ́tnɛ ńnɑ́ŋ ɑ ɡʉ ŋ́kɑtnɛ tsɛt tɛtɔp».

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,

Jẅidɛ 1:12

Pɔ́p pʉɔ pi pɔ́p cɔŋnɛ ndɛn wʉ́ʉ ŋkɑ́ yi pʉʉ pɛ́ pɔ́ɔpɛ́mɑ́ cúꞋlɛ́nɛ ḿbɔ́ ńjʉ́ yúu, pɔ́p tɔ́ ŋkɔ̂ɔnɛ ŋ́kwɛ́t yúu tɛꞋ, ńnɔ́ mɛluꞋ tɛꞋ, pɔ́p kɑ́ kɔ́ sʉ́ʉ pɔ́, ŋ́kwɑŋɛ pɔ ndɑꞋ yɔ́p tú. Pɔ́p pɑ́Ꞌ mbʉŋ yi ɛ́ kɔ́Ꞌnɛ́nɛ tɛ pɛ́ pɔ́ ńzẅíꞋlɛ ŋɡɔ ɛ́ lɔ́, fɛ́m tíi lɑ́, mɛtʉ́ mi ɛ́ kɛ́ ḿbɔɔ ńzɛ́m ntɑ́ɑ pɔ́, mbɑ ŋkɑ́ yi ɛ́ ńzɛɛ ḿbɔ́ ŋ́ɡʉ ńzɛ́m, mɛtʉ́ mi ɛ́ kɑ muꞋnɛ mɔ́ ḿpfú tɛ ḿpfú.