Lúkɑ́shi 8:1 - Kɑɑ Fí

¹ Yɛ́su ɡɛ ḿbɔ́ ńnɛn tsɛt mɛtʉ́sɔŋ mbɑ tsɛt mɛlɑ́Ꞌ ɛ́sɑ́Ꞌ Ŋkʉʉ sʉ́Ꞌnɛ ńdɔk ńdɛꞋlɛ pɑꞋ nu-nɛfɔɔ-Sɛ́ pɔ́nɛ. Pɔ́p pɛ́ ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́nɛ.

Lúkɑ́shi 8:1 ပူးပေါင်းရင်းမြစ်များ

Mɑtʉ̈ɔ 11:1

Yɛ́su kɑ cú yɔ nu mbɔ̌ ɡɑŋku pɛ́ ntsɔ̌ppɑ́ nɛ́ nɛɡɛ́m tɛ ḿbɔ́tnɛ ńnɑ́ŋ, ɛ́fú zúꞋu ŋ́ɡʉ, ńnɛn ńzíꞋ pʉɔ nɛ́ yúu ḿbɛn ɛ́sɑ́Ꞌ Ŋkʉʉ sʉ́Ꞌnɛ tsɛt mɛtʉ́sɔŋ nǔu yîyɑ́ pɑk-ŋɡɔŋ.

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑ́lɛ́kúshi 1:39

A cú pɔ́Ꞌɔ, ḿbɔ́ ńnɛn zʉꞋ tsʉʉ tsɛt pɑk-ŋɡɔŋ-Ŋɡɑlilɛɛ, ŋ́kúu tsɛt mɛndɑ́-cúꞋlɛ, ńcẅi Ŋkʉʉ Sʉ́Ꞌnɛ-Sɛ́, ḿbɛn ńzuŋ mɛzẅikŋɛ kɛpɔŋ nǔu pʉɔ.

Lúkɑ́shi 1:80

Ŋ́ɡʉ nǔu Mɔ́ɔ-Sɑkɑlíyɑ, ɑ pɔ́tnɛ ŋ́ɡúꞋ nǔu mbɑp-mbʉʉ mbɑ nɛ́ jínu yɛ́. Pɔ́Ꞌɔ, ŋ́ɡɛ ŋ́ɡʉ ńnɑ́ŋ kɔ̂ŋtɛt, ńdɑ́Ꞌ ńtswɛ́ pɔ zúꞋu tɛ ŋ́kúu lɛ́Ꞌ yinɛ ɑ kɑ nyɛtnɛ shʉ́ wɛ́ mbɔ̌ pʉɔ-Íslɑyɛ̂l.

Lúkɑ́shi 20:1

Yɛ́su pɔ́ yɛcɔ́ lɛ́Ꞌ, ḿbɛ́t ḿbɔ́ pɔ tsɛt ndɑ́-nɛnɔŋpɔꞋ ḿbɔ́ ńzíꞋ pʉɔ nɛ́ yúu ńdɔk ɛ́sɑ́Ꞌ Ŋkʉʉ sʉ́Ꞌnɛ mbɔ̌ lɑ́Ꞌ, pɛtɑ́tndɑ́ pɑnɔŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m tsɛt lɑ́Ꞌ tɔ́.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Lúkɑ́shi 9:6

Yɛ́su cú pɔ́Ꞌɔ pɔ́p ɡɔ́ɔ ŋ́kɛ́ ŋ́ɡʉ, ŋ́kɑ́t mɛlɑ́Ꞌ mɛlɑ́Ꞌ, ńnɛn ɛ́sɑ́Ꞌ Ŋkʉʉ sʉ́Ꞌnɛ ẅi ɛ́ fúnɛ mbɔ̌ Sɛ́, ḿbɛn ḿbɔ́ ŋ́ɡɛ ɡɑŋɡɔɔ fíitɛ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 13:32

Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»