Lúkɑ́shi 7:7 - Kɑɑ Fí

⁷ Ɛ́ yúu mi ɛ́ ɡɛnɛ, lɑ kwɑꞋ jʉ́ pɔɔ tsɔ́Ꞌ mɛku mɛ́ ńtɔ́ ńjʉ́ɔ wú pɔ́. Ŋ́ɡɔ sɛ́sẅíi, tʉ́ʉ pɑ́Ꞌ, ńcú nɛ́ ntsu, mɔ́ŋkʉ̈ɔ́ wɛ fíitɛ;

Lúkɑ́shi 7:7 ပူးပေါင်းရင်းမြစ်များ

Mɑ́lɛ́kúshi 1:27

Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.

Lúkɑ́shi 4:36

Pʉɔ pɛtsʉʉ kɑ jʉ́ɔ pɔ́Ꞌɔ, ńcʉ̈ɔꞋ, ńzɛ nɛshɔtnɛ ḿbíkŋɛ tsɛtsɛt pɔ́p ŋɡɔ: «Sẅiŋɛ-ndʉ́m wɔ pɑ́Ꞌɑ ḿbɔ́ ŋɡɔ ku lɑ́ɑ? A tʉ́ʉ tɛ ńcú nu mbɔ̌ mɛzẅikŋɛ kɛpɔŋ pɔ́p fú nǔu ŋu ńcẅɛt.

Lúkɑ́shi 5:13

Yɛ́su zúꞋ, ńcɑklɛ pɔ́, ŋ́kuplɛ wɛ́, ńcú ŋɡɔ: «Ŋ kɔŋ pɔ́Ꞌɔ, fíitɛ!» Ńdɛɛ pɔ́Ꞌɔ, ŋkɑꞋ ɡɔ́ɔ ḿmɛ nǔu wɛ́.

Lúkɑ́shi 7:6

Yɛ́su zúꞋ, ńdɔ sɛ́, pɔ́p pɛ pɔ́p ɡʉ, ŋ́ɡʉ tɛ ńtsʉ́Ꞌ nɛkúu njɛ́Ꞌ-tɑ́tndɑ́-ntsɔ ɛ̂wɑ́, ḿbuutɛ pɛcɔ́ pʉɔ pinɛ tɑ́tndɑ́-ntsɔ túunɛ. Pɔ́p cú mbɔ̌ wɛ́ ŋɡɔ: «Tsɑpʉɔ, tɑ́tndɑ́-ntsɔ mbɑɑ ŋ́ɡɔ, kɔɔ pɑ́klɛ mbʉʉ yu ŋɡɔ ɔ ɡɛ ŋ́ɡʉ ndɑ́ yɛ, ŋɡɔ ɑ kɑ́ kuꞋ ŋu ẅí ḿbɔ́ ɔ tɔ́k tɛ ŋ́kúu ndɑ́ yɛ pɔ́.»

Lúkɑ́shi 7:8

ŋɡɔ ɑ cú pɑ́Ꞌɑ ḿbɔ́ yɛ́ nzʉʉ ŋu, ńzúꞋ ntsu wɛ, ḿbɛn ŋ́ɡẅɛɛ yɛ́ pɑlʉ̈ɔ́Ꞌntsɔ nzʉʉ yɛ́, pɔ́p pɔ́ ńzúꞋ wɛ́, ŋɡɔ ɑ lɑɑ ńcú mbɔ̌ wɛcɔ́ ŋɡɔ: «Gʉ», ɑ ɡʉ, ŋɡɔ: «Tɔ́», ɑ tɔ́, ḿbɛn ńcú nɛ́ ŋkwɑɑ wɛ́ ŋɡɔ: «Gɛ pɑ́ꞋɑꞋ, ɑ ɡɛ.»