Lúkɑ́shi 7:47 - Kɑɑ Fí

⁴⁷ Ɛ́ lɛɛ pɔ́Ꞌɔ, lɑ́ ɛ sẅíi wú ŋɡɔ, mɑŋɡɛ́ wɔ ńnyɛt yɔ ntɛ́ kɔŋɛ pɑꞋɑ, mbíꞋŋɡɔ pɛ́ ńdikŋɛ mɛnu kɛpɔŋ mɛ́ mi ɛ́ kɑ zɑ́ɑ mɔ́ tɛꞋ, ŋ́ɡɑ́ mbɔ̌ wɛ́. Lɑ́ ŋ́ɡʉ nǔu ŋu ẅi ɑ jʉ́ɔ ŋɡɔ mɛnu kɛpɔŋ mɛ́ mi pɛ́ likŋɛ́nɛ kɛ́ ḿbɔɔ zɛɛ ńzɑ́ɑ tɛꞋ pɔ́, mbɔ yɛ́ ŋkɔŋɛ ɡʉ ḿbɛn ḿbɔ́ pɔ mɔ́zʉꞋ.

Lúkɑ́shi 7:47 ပူးပေါင်းရင်းမြစ်များ

Mɑtʉ̈ɔ 10:37

Ŋu kɔŋ tɑ́t wɛ kɛ pɔ mɑ́ wɛ ɔɔ, tɛ ńdɛɛ wɑ́ɑ, mbɔ ŋɡɑŋ kɑ́ kuꞋ nɛpɔ́ wɑɑ ŋu pɔ́. Ŋu kɔŋ mɔ́ɔ nɛ wɛ mbɛ́ɛnɛ kɛ wɛ mɑŋɡɛ́ ɔɔ tɛ ńdɛɛ wɑ́ɑ, mbɔ ɑ kɑ́ kuꞋ nɛpɔ́ wɑɑ ŋu pɔ́.

Lúkɑ́shi 7:39

Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

Lúkɑ́shi 7:46

Ɔ lɑ́Ꞌ ḿbɔɔ lɔk mɔ́zʉꞋ mɛɡwɛ́t ńzɔ́Ꞌ tú yɑ́ɑ pɔ́, lɑ́ ɑ lɑ́Ꞌ ńdɔk lɑmɛ́ndɑɑ ńzɔ́Ꞌ mɛku mɑ́ɑ.»

Lúkɑ́shi 7:48

Yɛ́su ɡɔ́ɔ ŋ́kɛ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛ́ likŋɛ mɛnu kɛpɔŋ mú ŋ́ɡɑ́ mbɔ̌ wu.»

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Filipɛ 1:9

Yúu mi mɔ sɛ́ ḿbɛn ńnɑ́ŋ ḿbúꞋ mbɔ́ mbɔ̌ Sɛ́ ńtsɑ́ɑ ŋɡɔ ɑ ɡɑ́ mbɔ̌ pʉʉ ɛ́ ŋɡɔ jʉ́ Sɛ́ ɡɛnɛ pʉʉ kẅiꞋ ŋ́ɡẅɛɛ ŋkɔŋɛ ńdɔk ŋ́ɡʉ nɛ́ mbi, ḿbɔ́ ńtsuŋ ńjí wɛ́ sʉ́Ꞌnɛ, ḿbɔ́ ńjí tɔŋ yi ɛ́ nǔu nu sʉ́Ꞌnɛ pɔ́p yi kɛpɔŋ.

1 Timɔtɛ́ɛ 1:14

Tsɑpʉɔ wɛkŋɛ Yɛ́su Kɛlístɔ, kɑ ɡɛ nu sʉ́Ꞌnɛ yɛ́ nǔu mɔ tɛ ɛ́ jɛ́Ꞌ. A kɑ ɡɛ n zɑ́p tʉ́m nǔu wɛ́, m bɛn ŋ́kɔŋ pɛcɔ́ pʉɔ. Ɛ́ fú nǔu pɑ́Ꞌ n dɑtnɛ mbʉʉ nǔu wɛ́.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

1 Jɑ̂ŋ 5:3

MbíꞋŋɡɔ nɛkɔŋ Sɛ́ ɛ́ píkŋɛ nɛtík ku nǔu mbʉ́ʉ mɛ́, nɛpʉ́ʉ nɛ́ pɛn ŋ́kɛ́ mbɔɔ tɛn ńdɛɛ wɛkŋɛ pɔ́.