Lúkɑ́shi 7:39 - Kɑɑ Fí

³⁹ Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

Lúkɑ́shi 7:39 ပူးပေါင်းရင်းမြစ်များ

Mɑtʉ̈ɔ 20:16

Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»

Mɑ́lɛ́kúshi 7:21

Mɛkwɑŋɛ kɛpɔŋ fú pɔ tsɛt tʉ́m ŋumɛsɔŋ, lɑ́ ńtsʉ́ʉnɛ mbɛ́ɛnɛ pɔ́p lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ńtsʉ́ʉnɛ ŋu ɑ pɔ́ ńjɔ, ńtsʉ́ʉnɛ ŋu ɑ jẅí wɛcɔ́,

Lúkɑ́shi 12:17

A zɛ nɛkwɑŋɛ ŋɡɔ: «Mɔ ŋ́ɡɛ ŋ́ɡɛ ŋɡɔ ku lɑ́ ńdẅɛꞋ yúu pɑ́ɑ pɔnɛ? ZʉꞋ kʉ̈ɔ́k mɔ́,

Lúkɑ́shi 15:2

Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ńcútɛ tsɛtsɛt pɔ́p ŋɡɔ: «Ŋu ẅi lɔ ńcúꞋlɛ pʉɔ kɛpɔŋ tɛ pɔ́p pɛpɔ́p tɛmtɛ ńjʉ́ yúujʉ́.»

Lúkɑ́shi 16:3

ŊɡɑŋfɑꞋ ɛ̂wɑ́ zúꞋ ŋ́kwɑŋɛ ŋɡɔ: «Mɔ ŋ́ɡɛ ŋ́ɡɛ ŋ́ɡɔ ku pɑꞋ tɑ̌ɑfɑꞋ wɑɑ ɡɛ ńzuŋ wɑ́ɑ lɑɑ? N dɑɑ ŋɡɔ ŋ ɡɛ ńzʉ́Ꞌ nɑŋ, n dɔk tʉʉ ɡɔ́? Ńtsʉ́Ꞌ ŋɡɑŋndɔ́ɔ, mbɔ ɛ́ ɡʉ ḿbɔ́ nu-sʉ́ʉ nǔu mɔ.»

Lúkɑ́shi 18:4

Ŋ́kɛ́ ńdɑ́Ꞌ ḿbɔ́ ńtɔ́ tɔ́nɛ ɑ pɔɔ ńdíŋɛ wɛ́ pɔ́, tɛ ńdɑ́Ꞌ yɛcɔ́ lɛ́Ꞌ ŋ́kwɑŋɛ tʉ́m yɛ ŋɡɔ: «Mɔ, ŋ kɑ́ pɔ́k Sɛ́ pɔ́, ḿbɛn ŋ́kɛ́ ḿbɔɔ líŋɛ wɛcɔ́ ŋumɛsɔŋ pɑꞋ yɛcɔ́ yúu pɔ́.

Lúkɑ́shi 3:8

Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Lúkɑ́shi 7:37

Wɛcɔ́ mɑŋɡɛ́ pɔ́ tʉ́sɔŋ, ḿbɔ́ ŋ́ɡẅɛɛ lík kɛpɔŋ, ńzúꞋ ŋɡɔ Yɛ́su ndɑ́-ŋu Fɑlísɑy, niitɛ lɑmɛ́ndɑɑ tsɛt mɔ́ɔ mɔ́ndɑ́ŋ ẅí ɛ́ pɔ́ pɔ ŋɡɔꞋ ńdɔk ńtɔ́,

Lúkɑ́shi 7:38

ŋ́kúu ndɑ́, ńtʉ́ʉ nzʉʉ Yɛ́su, nɛjɔ́ŋ mɛku mɛ́, ńzɛ nɛkíi, ŋ́kíi kíinɛ tɛ ŋki-mík mɛ́ cẅɛt ńcʉ̈ɔ́tɛ nǔu mɛku-Yɛ́su. Pɛ́ pɔ́ ńjʉ́ɔ mɑŋɡɛ́ ɛ̂wɑ́ pɔ́ ńdɔk, ńtɑ́ɑ ɛ́sɛntɛ, ńdɔk lɑmɛ́ndɑɑ yîyɑ́ ńzɔ́Ꞌ.

Lúkɑ́shi 7:40

Yɛ́su ɡɔ́ɔ ńcú mbɔ̌ wɛ́ ŋɡɔ: «Simɔ̂ŋ, puu ɡẅɛɛ sẅiŋɛ.» A cú ŋɡɔ: «Cícɑ, mɔ sɛ́ ńzúꞋ.»

Jɑ̂ŋ 4:19

Mɑŋɡɛ́ ɛ̂wɑ́ ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Ndɛ, n jʉ́ɔ ŋɡɔ ɔ ŋɡɛ́mndʉ̈ɔ́Ꞌ-Sɛ́.»

Jɑ̂ŋ 7:12

Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»