Lúkɑ́shi 7:30 - Kɑɑ Fí

³⁰ Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Lúkɑ́shi 7:30 ပူးပေါင်းရင်းမြစ်များ

Mɑtʉ̈ɔ 22:35

Wɛcɔ́ ŋu tsɛtsɛt pɔ́p, pɔ́ ŋkyɛ́Ꞌtɛ nɛpʉ́ʉ-Sɛ́ tɛ ḿbɔ́ wɛ́t, tɔ́ ŋ́kwɑꞋlɛ Yɛ́su, ḿbíkŋɛ wɛ́ ŋɡɔ:

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Lúkɑ́shi 20:6

Ḿbɛn ŋ́ɡɔ, ɛ́ fú mbɔ̌ pʉɔmɛsɔŋ, mbɔ lɑ́Ꞌ ɡʉ ńdɔk mɛŋɡɔꞋ ńtɛ́m wɛkŋɛ ńjẅí, mbíꞋŋɡɔ pɔ́p tsɛt yɔ́p tú ḿbɔ́ ńjí ŋɡɔ Jɑ̂ŋ kɑ pɔ́ ŋɡɛ́mndʉ̈ɔꞋ-Sɛ́.»

Lúkɑ́shi 7:31

Yɛ́su pɛn ńcú ŋɡɔ: «Tɛ mɔ ńdɔk kʉ̈ɔ́ ḿbɛ́ɛ fʉꞋ nǔu pʉɔ pinɛ pɔ́p ndǔ mbí ŋkɔ̂ɔnɛ? Pɔ́p pɛꞋnɛ fí pɛwɔ̌?

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

Pʉɔ-Lɔ́mɑ 10:21

Lɑ́ ŋ́ɡʉ nǔu pɑíslɑyɛ̂l, Sɛ́ cú ŋɡɔ: «N júk lɛ́Ꞌ tsʉʉ pɔ nɛcɑklɛ pɔ́ ńdɔk ɛ́fúŋ wɔ́p, pɔ́p tʉʉ tú tʉʉnɛ, ɛ́shɔt shʉ́-nu yi n cúnɛ shɔtnɛ.»

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.