Lúkɑ́shi 7:29 - Kɑɑ Fí

²⁹ Pʉɔ pɛ́tsʉʉ kɑ zẅíꞋlɛ nu-Jɑ̂ŋ, tɛ mbɑ pɑcẅɛ́ɛntsup-Pɑlɔ́mɑ, cú ŋɡɔ: «Yu mi Sɛ́ ɡɛnɛ, pɛkŋɛ zúꞋ lɑ́, ɛ́ nɛ́nẅín!» Ńcú pɔ́Ꞌɔ, ŋ́ɡɛ Jɑ̂ŋ nuꞋ wɔ́p ŋki.

Lúkɑ́shi 7:29 ပူးပေါင်းရင်းမြစ်များ

Mɑtʉ̈ɔ 5:46

Pʉʉ lɑɑ ŋ́kɔŋ pɔ ńdɑ́Ꞌ pʉɔ pinɛ pɔ́p kɔŋnɛ wʉ́ʉ, mbɔ pɛ́ ɡʉ ḿbɛn ŋ́ɡɑ́ pɑꞋlɑ́ mbɔ̌ pʉʉ nǔu kʉ̈ɔ́? Pɑcẅɛ́ɛ ntsup-pɑlɔ́mɑ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

Lúkɑ́shi 20:6

Ḿbɛn ŋ́ɡɔ, ɛ́ fú mbɔ̌ pʉɔmɛsɔŋ, mbɔ lɑ́Ꞌ ɡʉ ńdɔk mɛŋɡɔꞋ ńtɛ́m wɛkŋɛ ńjẅí, mbíꞋŋɡɔ pɔ́p tsɛt yɔ́p tú ḿbɔ́ ńjí ŋɡɔ Jɑ̂ŋ kɑ pɔ́ ŋɡɛ́mndʉ̈ɔꞋ-Sɛ́.»

Lúkɑ́shi 3:12

Pɑcẅɛ́ɛntsup-Pʉɔlɔ́mɑ kɑ tɔ́ yɔ́p pɑ́Ꞌ pɛ́ ɡɛ ńnuꞋ wɔ́p ŋki, ḿbíkŋɛ ŋɡɔ: «Cícɑ, tɛ pɛk ɡʉ ŋ́ɡɛ yɛk ŋɡɔ ku?»

Lúkɑ́shi 7:28

Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, wɛcɔ́ ŋu ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɑ kɛ lɑɑ ḿbɔ́, mbɔ ŋu ẅí ɑ zɛ ŋkɔ̂ɔnɛ nɛjʉ́ɔ nu nɛfɔɔ-Sɛ́, ɑ lɑɑ ŋ́kɛ́ ńzɛɛ ŋ́kʉ̈ɔ́k kʉ̈ɔ́knɛ pɔ ŋɡɔ ku ɔ́ɔ, mbɔ ɑ pɔ́ttú ńdɛɛ Jɑ̂ŋ lɑɑ.»

Lúkɑ́shi 7:35

Lɑ́ pʉɔ pɛ́tsʉʉ pinɛ pɔ́p pɛ́mnɛ yɔ jí nu lɔk ńnyɛt ŋɡɔ ɑ ɡɛ mɛnu sʉ́Ꞌnɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 18:25

Mbɔ pɛ́ kɑ zíꞋ wɛ́ nɛ́ nu ŋ́ɡɑ́ nǔu sɛ̂ndúŋ-Tsɑpʉɔ Yɛ́su. A pɔ́ ńníꞋ tú kwɑꞋ sʉ́Ꞌnɛ ɛ́sẅíi yîyɑ́ nu ḿbɛn ńzíꞋ pʉɔ nɛ́ nu-Yɛ́su pɔ ndʉ́ŋndʉŋ pɑ́Ꞌ ɛ́ pɔ́nɛ. Lɑ́ ŋ́ɡʉ nǔu nu cẅɛ́ɛ ŋki, ɑ jí yɛ́ pɔ pɑ́Ꞌ Jɑ̂ŋ kɑ pɔ́ ńnuꞋ pʉɔ ŋki.

ŊwɑꞋnɛ-Gɑŋntúu Yɛ́su Kɛlístɔ 19:3

Pɔ́p cú pɔ́Ꞌɔ, Pɔ̂l píkŋɛ wɔ́p ŋɡɔ: «Tɛ ntɛ́ nɛnuꞋ wʉ́ʉ ŋki kɑ pɔ́ pɔ yɛ́tɛ́?» Pɔ́p pʉ̈ɔt ŋɡɔ: «Ɛ́ m̄bɔ́ yi ntɛ́ Jɑ̂ŋ kɑ pɔ́nɛ ŋ́ɡɑ́.»

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 16:5

N zúꞋ Cʉ̈ɔꞋ-Sɛ́ ẅí ɑ kɑ ɡẅɛɛnɛ nu nǔu mɛŋki pɔ́ ńcú ŋɡɔ: «Gu ẅí ɔ ɡú, mbɔ ɔ kɑ pɔ́ ɡú, ɡu ẅí ɔ Ndɛ́ɛnɛ Lɛ́ɛnɛ́nɛ, ɔ ɡɛ ɛ́ pɔ́ pɔ pɑ́Ꞌ ɛ́ ńzɛɛnɛ ḿbɔ́ pɔ́Ꞌɔ, mbíꞋŋɡɔ, ɔ ɡɛ pɔ ndʉ́ŋndʉŋ.