Lúkɑ́shi 7:28 - Kɑɑ Fí

²⁸ Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, wɛcɔ́ ŋu ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɑ kɛ lɑɑ ḿbɔ́, mbɔ ŋu ẅí ɑ zɛ ŋkɔ̂ɔnɛ nɛjʉ́ɔ nu nɛfɔɔ-Sɛ́, ɑ lɑɑ ŋ́kɛ́ ńzɛɛ ŋ́kʉ̈ɔ́k kʉ̈ɔ́knɛ pɔ ŋɡɔ ku ɔ́ɔ, mbɔ ɑ pɔ́ttú ńdɛɛ Jɑ̂ŋ lɑɑ.»

Lúkɑ́shi 7:28 ပူးပေါင်းရင်းမြစ်များ

Mɑtʉ̈ɔ 11:11

Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ ŋumɛsɔŋ ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɛ́ pʉ́ɔlɑɑ, mbɔ ŋu ẅí ɑ kʉ̈ɔ́knɛ nǔu nu-nɛfɔɔ-Sɛ́ ni ɛ́ zɛnɛ lɑɑ, ɡú ńdɛɛ Jɑ̂ŋ.

Mɑtʉ̈ɔ 3:1

Ɛ́ zɛ ńnɑ́ŋ, Jɑ̂ŋ Mbɑptíshi ŋwɑk kɔ̂ŋtɛt-Judɛ̂, ḿbɔ́ ɛ́sɑ́Ꞌ Ŋkʉʉ ŋɡɔ:

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Lúkɑ́shi 7:27

Jɑ̂ŋ zɛnɛ ḿbɔ́ ŋu ẅí Sɛ́ kɑ tsʉꞋ nɛcú nu nǔu wɛ́, ńcú pɛ́ ŋwɑꞋnɛ ŋɡɔ: ZuꞋu, ŋ ɡʉ ńtúu mɑ́ntúu wɑɑ, ɑ piitɛ ńtɔ́, ḿbɔ́ ńniitɛ sɛ̂ndúŋ wú lɑ́ ɔ tɔ́.»

Lúkɑ́shi 7:29

Pʉɔ pɛ́tsʉʉ kɑ zẅíꞋlɛ nu-Jɑ̂ŋ, tɛ mbɑ pɑcẅɛ́ɛntsup-Pɑlɔ́mɑ, cú ŋɡɔ: «Yu mi Sɛ́ ɡɛnɛ, pɛkŋɛ zúꞋ lɑ́, ɛ́ nɛ́nẅín!» Ńcú pɔ́Ꞌɔ, ŋ́ɡɛ Jɑ̂ŋ nuꞋ wɔ́p ŋki.

Lúkɑ́shi 9:48

ńcú mbɔ̌ ɡɑŋku pɛ́ ŋɡɔ: «Ŋu lɑɑ ńdɔk lík yɑ́ɑ, ńdɔk ńcẅɛ́ɛ mɔ́yúu mɔ́ɔ wɔ, mbɔ ŋɡɑŋ cẅɛ́ɛ pɔ wɑ́ɑ. Ŋu pɛn ńcẅɛ́ɛ wɑ́ɑ, mbɔ ɑ kɑ́ cẅɛ́ɛ pɔ wɑ́ɑ ndɑꞋ pɔ́, ɑ cẅɛ́ɛ pɔ ŋu ẅi ɑ kɑ túunɛ wɑ́ɑ.» Pʉʉ jí sʉ́Ꞌnɛ ŋɡɔ ŋu ẅi ɑ tsɛtsɛt pʉʉ ḿbɔɔ nyɛt mbʉʉ yɛ pɔ́ pɔ́nɛ kwɑꞋ mɑ́ŋu.