Lúkɑ́shi 7:13 - Kɑɑ Fí

¹³ Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»

Lúkɑ́shi 7:13 ပူးပေါင်းရင်းမြစ်များ

Mɑ́lɛ́kúshi 8:2

«Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞌŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t pɑꞋ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ ḿbɔɔ ḿbɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́,

Lúkɑ́shi 10:1

Yɔ nu lɛɛ, Yɛ́su tsɔ́Ꞌ pɛcɔ́ ɡɑŋku pɛ́ ntsɔ̌ppɑ́ mɛɡɛ́m sɑɑmbɑ́, ńtúu wɔ́p pɛ́pɑ́ pɛ́pɑ́ ŋɡɔ pɔ́p piitɛ ḿbɔ́ mbi ńnɛn tsɛt mɛtʉ́sɔŋ pɔ́p mɛzʉꞋ mi ɑ ŋ́ɡɛ ńdɛɛ zúꞋu.

Lúkɑ́shi 11:1

Yɛ́su pɔ́ yɛcɔ́ lɛ́Ꞌ, ḿbɔ́ yɛcɔ́ zʉꞋ ḿbɔ́ ńcɛꞋlɛ Sɛ́, ńcɛꞋlɛ wɛ́ tɛ ḿbɔ́tnɛ ńnɑ́ŋ, wɛcɔ́ ŋɡɑŋku wɛ tɔ́ ńcú mbɔ̌ wɛ́ ŋɡɔ: «Tsɑpʉɔ, Jɑ̂ŋ kɑ zíꞋ ɡɑŋku pɛ́ nɛcɛꞋlɛ Sɛ́, zíꞋ wɛk ɡúu nɛcɛꞋlɛ Sɛ́ lɑ.»

Lúkɑ́shi 11:39

Yɛ́su jí, ńtsɔ́Ꞌ mbɔ̌ wɛ́ ŋɡɔ: «Pʉʉ Pɑfɑlísɑy pʉʉ nɑ́ tsɛt ntúꞋ, pɔ́p tsɛt kɑ́ŋ, ɛ́suk yʉ́ʉ pɔ mbʉʉ yɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ kɑ́ suk sɔ́ɔ yi ɛ́ tʉ́m pʉʉ pɔ́, ḿbɛn ńnɑ́ŋ ŋ́kwɑŋɛ pɔ nɛɡẅɛɛ yúu pʉɔ ńcẅɛ́ɛ ńjʉ́.

Lúkɑ́shi 12:42

Yɛ́su tsɔ́Ꞌ mbɔ̌ wɛ́ ŋɡɔ: «ŊɡɑŋfɑꞋ wɛ nɛ́nẅín, ẅi ɑ ɡẅɛɛnɛ jínu, ɑ pɛꞋnɛ ḿbɔ́ wɛ́t? ŊɡɑŋfɑꞋ ẅi tɑ̌ɑfɑꞋ ŋ́ɡɛ ŋ́ɡɔ́ ŋ́ɡʉ, ńcú mbɔ̌ wɛ́ ŋɡɔ: FɑꞋ yi n nyɛtnɛ mbɔ̌ ɡu pʉ́ɔ lɑɑ, tsʉ́Ꞌ ŋ́ɡɑ́ yúujʉ́ mbɔ̌ pɛcɔ́ ɡɑŋfɑꞋ nǔu ŋkɑ́ yi ɛ́ sɛ́ ḿbíkŋɛ?»

Lúkɑ́shi 13:15

Lɑ́ Yɛ́su tsɔ́Ꞌ mbɔ̌ wɛ́ ŋɡɔ: «Pʉʉ ɡɑŋcɔtnu, wɔ̌ nǔu pʉʉ kɑ́ pɔ́ ŋ́ɡʉ lɛ́Ꞌnji wɛkŋɛ, ŋ́kíɛꞋ fɔŋ wɛ, kɛ pɔ Njɑkɑ́ɑshi wɛ pɔ́, ńdɔk ŋ́ɡʉ ɑ nɔ́ ŋki pɔ́ ɔɔ?

Lúkɑ́shi 17:5

Gɑŋntúu-Yɛ́su cú mbɔ̌ wɛ́ ŋɡɔ: «Tsɑpʉɔ, cẅɛ́lɛ́ wɛk nɛkẅiꞋ ńzɑ́p tʉ́m yɛk nǔu Sɛ́!»

Lúkɑ́shi 17:6

Yɛ́su cú ŋɡɔ: «Nɛsɑɑ-sɛ́súk yúu ŋ́kʉ̈ɔ́k tɛꞋ, ŋu wʉʉ lɑɑ ńzɛɛ ńzɑ́p tʉ́m yɛ́ nǔu Sɛ́ mbɑ mɔ́zʉꞋ pɔ́Ꞌɔ, mbɔ ɑ ɡɛ ńcú mbɔ̌ tʉ́ yi ɛ́ tʉ́ʉnɛ lɑɑ ŋɡɔ: Tsɔ́Ꞌnɛ ŋ́ɡʉ ńtʉ́ʉ tsɛt Mí, mbɔ ɛ́ ńzúꞋ ntsu wɛ́.»

Lúkɑ́shi 18:6

Yɛ́su fú nǔu ŋɡɔ: «Pʉʉ tsúŋ ńzúꞋ yi nu yi ŋɑkntsɑŋ wɔ cúnɛ, lɑ́ ḿbɔ́ kɛ́ pɔ́k Sɛ́.

Lúkɑ́shi 19:8

Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»

Lúkɑ́shi 22:61

Yɛ́su shɔtnɛ ńdíŋɛ Pyɛ̂, mík mɔ́pnɛ puutɛ. Pyɛ̂ ɡɔ́ɔ ŋ́kẅíitɛ nu yi Tsɑpʉɔ lɑ́Ꞌnɛ ńcú mbɔ̌ wɛ́ ŋɡɔ: «Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»

Lúkɑ́shi 24:3

Pɔ́p jɛ́Ꞌ ŋ́kúu tsɛtú, ŋ́kɛ́ ḿbɔɔ pfú-Tsɑpʉɔ Yɛ́su jʉ́ɔ.

Lúkɑ́shi 24:34

Ŋ́kẅɛ́ɛtɛ wɔ́p pɔ́Ꞌɔ, pɔ́p sẅíi wɔ́p ŋɡɔ: «Ɛ́ nɛ́nẅín ŋɡɔ Ndɛ zẅíimɛ nǔu nɛvú, Símɔ̂ŋ lɑ́Ꞌnɛ ńjʉ́ɔ wɛ́.»

Lúkɑ́shi 7:12

Pɔ́p ɡʉ tɛ ńtsʉ́Ꞌ nɛkúu tʉ́sɔŋ, ńjʉ́ɔ, mbɔ pɛ́ tíi pfú-wɛcɔ́ mɔ́ɔ mbɛ́ɛnɛ, ńdɔk ŋ́ɡʉ nɛtẅíi. Mbɔ ɑ ḿbɔ́ ndɑꞋ mɔ́ɔ mbɔ̌ mɑ́ wɛ, ɑ pɔ́ mpfúk. Lɑ́Ꞌ pɔ́ nzʉʉ yɛ́ tɛ ńzɑ́ɑ.

Lúkɑ́shi 7:14

Ńcú pɔ́Ꞌɔ, ŋ́kẅɛ́Ꞌlɛ, ńtɔ́ ŋ́kúu ŋkɔp-pfú, pʉɔ pinɛ pɔ́p kɑ tíinɛ tʉ́ʉ, Yɛ́su cú ŋɡɔ: «Mɔ́ɔsuu, n cú ŋɡɔ ɔ jʉɔmɛ.»

Lúkɑ́shi 7:19

ńtúu wɔ́p ŋɡɔ pɔ́p ɡʉ ḿbíkŋɛ Yɛ́su ŋɡɔ ɑ Nzɑ́Ꞌŋkʉ ẅí pɛ́ kɑ pɔ́ ńzẅíꞋlɛ lɑ́, kɛ pɛ́ ḿbɛn ńzẅíꞋlɛ pɔ wɛcɔ́ ŋu ndɛꞋ ɔ́ɔ?

Lúkɑ́shi 8:52

Lɑ́Ꞌ kɑ ɡɔ́ ḿbɔ́, mbɔ pɔ́p zɛ nɛlɑɑ nɛvú. Yɛ́su cú ŋɡɔ: «Kɔɔ pɛ́ pɛn ŋ́kíi, mɔ́ɔ kɑ́ pfú, ɑ lɛ́ lɛ́nɛ.»

Jɑ̂ŋ 11:2

Wɔ Mɑlíyɑ pɔ́ ẅi ɑ kɑ lɑ́Ꞌnɛ ńdɔk lɑmɛ́ndɑɑ, ńzɔ́Ꞌ Ndɛ tɛ ɛ́ kuꞋ, ɑ pɛn ńdɔk mɛnuk-tú mɛ́ ńtuk mɛku mɛ́ lɑ́. Mɔ́ɔmɑ́ wɛ Lɑzɑ̂ɑ vu ɡɔɔ pɑ́Ꞌɑ,

Jɑ̂ŋ 11:3

pɑŋɡɛ́ ɛ̂pɑ́ pɛ́pɑ́ túu ńcú mbɔ̌ Yɛ́su ŋɡɔ: «Ndɛ, súu nɛpɛ wu sɛ́ ŋ́ɡɔɔ tɛꞋ.»

Jɑ̂ŋ 20:13

Pɔ́p cú mbɔ̌ wɛ́ ŋɡɔ: «Mɑ́mɔ́ɔ ɔ kíi kʉ̈ɔ́?» A pʉ̈ɔt mbɔ̌ pɔ́p ŋɡɔ: «Pɛ́ tíi pfú-Tsɑpʉɔ wɑɑ, m bɛn ḿbɔɔ ḿbɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Jɑ̂ŋ 20:15

Yɛ́su cú nɛ́ jʉ́ ŋɡɔ: «Mɑ́mɔ́ɔ, ɔ kíi ku? Ɔ lɔɔ wɔ̌?» Lɑ́ ɑ ŋ́kwɑŋɛ ŋɡɔ kɛ ɑ pɔ́ pɔ ŋu ẅí ɑ pyɛ́pnɛ ŋkɑ́Ꞌŋɡɑ́ɑtɛ ɔɔ, ńcú nɛ́ jʉ́ ŋɡɔ: «Ndɛ, ɛ́ lɑɑ ḿbɔ́ yi ɡu lɑ́Ꞌnɛ tíi pfú-Yɛ́su, ɔ lɛꞋlɛ wɑ́ɑ nɛ zʉꞋ yí ɔ nɔŋnɛ zúꞋu, ŋ ɡʉ, tíi.»

Jɑ̂ŋ 4:1

Pɑfɑlísɑy zúꞋ pɛ́ pɔ́ ńcú ŋɡɔ ndɛn pʉɔ pínɛ pɔ́p sɛ́ ńcʉ́ɔ nzʉʉ Yɛ́su lɛɛ pɛ́ Jɑ̂ŋ, ɑ pɛn ḿbɔ́ ńnuꞋ pʉɔ ŋki ɛ́ zɑ́ɑ ńtsɑ pɛ́ Jɑ̂ŋ. Ńzɛɛ ŋ́kɛ́ ŋ́ɡɔ ńcú pɔ́Ꞌɔ, kwɑꞋ Yɛ́su zɛɛ ḿbɔɔ ńnuꞋ pʉɔ ŋki pɔ́, ɡɑŋku pɛ́ pɔ́nɛ ńnuꞋ wɔ́p. Yɛ́su jí ŋɡɔ pɑfɑlísɑy zúꞋ, ɛ́fú tsɛt pɑk-ŋɡɔŋ-Judɛ̂ ńcʉ́ɔ sɛ̂ndúŋ nɛpɛn tsɛt pɑk-ŋɡɔŋ-Ŋɡɑlilɛɛ.

Jɑ̂ŋ 6:23

Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.

1 Kɔlɛ̂ŋtɛ 7:30

Tɛ ɛ́fú ŋkɔ̂ɔnɛ pʉɔ pí pɔ́p sɛ́ ńdɑɑ, ɡʉ ńnɑ́ŋ pɑ́Ꞌ ŋkɑ́ yi pɔ́p kɑ́ pɔ́ ḿmʉk yɛcɔ́ nu pɔ́. Pʉɔ pí pɔ́p sɛ́ ŋ́ɡwɛ nɑ́ŋ pɑ́Ꞌ ŋkɑ́ yi pɔ́p kɑ́ pɔ́ ńtsɑ́ɑtɛ pɔ́. Pʉɔ pí pɔ́p sɛ́ ńzúu yúu nɑ́ŋ pɑ́Ꞌ ŋkɑ́ yi yúu pɔ́p zúunɛ kɑ́ pɔ́ yɔ́p pɔ́ lɑ́

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.