Lúkɑ́shi 6:8 - Kɑɑ Fí

⁸ Lɑ́ Yɛ́su piitɛ ńjí kwɑŋɛ yɔ́p, ńcú mbɔ̌ pfú pɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi lɑ́Ꞌ.» A lɔ sɛ́ ńtɔ́.

Lúkɑ́shi 6:8 ပူးပေါင်းရင်းမြစ်များ

Mɑtʉ̈ɔ 9:4

Yɛ́su jí yúu mi pɔ́p sɛ́ ŋ́kwɑŋɛ, ńcú mbɔ̌ pɔ́p ŋɡɔ: «Pʉʉ ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ kɛpɔŋ tsɛt tʉ́m yʉ́ʉ?

Mɑ́lɛ́kúshi 3:3

A cú mbɔ̌ pfúpɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi,

Lúkɑ́shi 13:12

Yɛ́su jʉ́ɔ wɛ́, ɛ́fúŋ wɛ́, ńcú mbɔ̌ wɛ́ ŋɡɔ: «Gɔɔ yú yɔ ḿmɛ, ɔ luk!»

Lúkɑ́shi 5:22

Yɛ́su ɡɔ́ɔ ńjí yúu mi pɔ́p sẅíitɛ́nɛ nǔu, ḿbíkŋɛ wɔ́p ŋɡɔ: «MbíꞋkʉ̈ɔ́ pʉʉ ɡẅɛɛ yɔ ntɛ́ kwɑŋɛ tsɛt tʉ́m pʉʉ?

Lúkɑ́shi 6:9

Yɛ́su cú mbɔ̌ pɑkyɛ́Ꞌtɛ ŋwɑꞋnɛ-Sɛ́ pɔ́p pɑfɑlísɑy ŋɡɔ: «Ŋ ɡʉ ḿbíkŋɛ wʉ́ʉ tɑ́Ꞌ nu. Ɛ́ pɛꞋnɛ nɛpʉ́ʉ nɛkŋɛ ńcú ŋɡɔ pɛ́ ɡɛ kʉ̈ɔ́ lɛ́Ꞌnji yɛkŋɛ? Ŋɡɔ pɛ́ ɡɛ nu sʉ́Ꞌnɛ kɛ nu kɛpɔŋ? Ŋɡɔ pɛ́ ɡɛ ŋu fíitɛ kɛ pɔ ŋɡɔ pɛ́ jẅí wɛ́?»

Jɑ̂ŋ 2:25

A ŋkɑɑ pɔ́ ńtsɑ́ɑ ŋɡɔ pɛ́ kyɛ́Ꞌtɛ kyɛ́Ꞌtɛ́nɛ ɛ́sẅíi wɛ́ pɔ́. KwɑꞋ jʉ́ ḿbɔ́ ńjí yúu mi ɛ́ tsɛt tʉ́m-ŋumɛsɔŋ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

Jɑ̂ŋ 9:4

Ɛ́ sɛ́ ḿbíkŋɛ ŋɡɔ, njí lɑɑ ḿbɛ́t ɡú pɑ́Ꞌɑ, pɛkŋɛ fɑꞋ mɛfɑꞋ-Sɛ́ ẅí ɑ kɑ túunɛ wɑ́ɑ. TúꞋ ɡʉ ɛ́sʉ́ʉ, wɛcɔ́ ŋu pɔɔ pɛn ŋ́kuꞋ nɛfɑꞋ fɑꞋ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 26:26

Tɛ nɑɑ kɛ́mɑꞋ Aŋɡɛlípɑ nɑ́ŋ pɑ́Ꞌɑ ḿbɔ́ ńjí pɔ tsʉʉ. Ɛ́ yúu mi ɛ́ ɡɛnɛ ɛ sɑ́ɑnɛ sɑ́ɑnɛ́nɛ ńcú nu kɛ́ pɔ́k, mbíꞋŋɡɔ n jí ŋɡɔ, yɛcɔ́ nu yi ɛ́ nǔu ɑ pɔ́ ḿmuŋɛ kɑ́ pɔ́ ɡú pɔ́. Ɛ́ zɛɛ ŋ́ɡɔ ḿbɔ́, mbɔ mîmɑ́ mɛnu ŋkɑɑ kɛ́ ńdɛɛ pɔ zʉꞋ lʉɔmɛ́nɛ pɔ́.

Filipɛ 1:28

Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.