Lúkɑ́shi 6:23 - Kɑɑ Fí

²³ Yɔ nu lɑɑ ḿbɔ́ tɛ ḿbɔ́ ŋ́ɡɛ wʉ́ʉ, pʉʉ tsɑ́ɑtɛ, ńzɔp ńnʉŋ, ńjí ŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pɛtɑ̌ɑ pɔ́p kɑ pɔ́ ŋ́ɡɛ yɔ́p nǔu pɛŋɡɛ́mndʉ̈ɔ́Ꞌ-Sɛ́.

Lúkɑ́shi 6:23 ပူးပေါင်းရင်းမြစ်များ

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Lúkɑ́shi 1:41

Lísɑpɛ zúꞋ cɛꞋlɛ-Mɑlíyɑ, mɔ́ɔ ŋɑtnɛ nɛpɛm yɛ́, Zẅikŋɛ Lɛ́ɛnɛ́nɛ ńcúŋ ŋ́kúu nǔu wɛ́.

Lúkɑ́shi 1:44

Jʉ́ɔ pɑ́Ꞌ n dɛɛnɛ tɛ ńzúꞋ cɛꞋlɛ yú, mɔ́ɔ ŋɑtnɛ, ńtsɑ́ɑtɛ nɛpɛm mɔ.

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

ŊwɑꞋnɛ-Gɑŋntúu Yɛ́su Kɛlístɔ 14:10

Pɔ̂l lɔk ŋɡi tɛnnɛ ńcú mbɔ̌ wɛ́ ŋɡɔ: «Lɔ sɛ́, ńdɔk mɛku mú ńtʉ́ʉ tʉ́ʉnɛ.» ŊɡɑŋkẅíꞋlɛ ɛ̂wɑ́ zúꞋ, ŋ́ɡúꞋ sɛ́ ŋɡɔ ɡúp, ńzɛ nɛnɛn.

ŊwɑꞋnɛ-Gɑŋntúu Yɛ́su Kɛlístɔ 3:8

A lɔ sɛ́ ńtʉʉ, ńzɛ nɛnɛn. Pɔ́p ɡɑŋntúu-Yɛ́su tɛmtɛ ńdɛɛ ŋ́ɡʉ tsɛt ZʉꞋ-nɔŋpɔꞋ. A nɛn ŋ́kítɛ, ḿbɔ́ ŋ́ɡɛ́mtɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

Ɛ́bɛlʉʉ 11:26

A kɑ pɔ́ ńjʉ́ɔ ŋɡɔ pɛ́ lɑɑ ŋ́ɡwɑ́k wɛ́ pɑ́Ꞌ pɛ́ kɑ ɡɛnɛ ŋ́ɡwɑ́k Nzɑ́Ꞌŋkʉ, mbɔ ɛ́ ɡʉ ḿbɔ́ mbɔ̌ wɛ́ ḿbɔŋ ńdɛɛ fuꞋ yi ɛ́ Ɛ́ɡíptɔ, mbíꞋŋɡɔ mík mɛ́ kɑ tʉ́ʉ pɔ nǔu tsɔ́Ꞌ fɑꞋ yi ɑ ɡʉ ńdɑ́Ꞌ ŋ́ɡẅɛɛ.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:26

Ɛ́ ɡʉ nǔu ŋu ẅí ɑ ɡʉ ŋ́ɡɛ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ɑ ŋu ẅí ɑ ɡʉ ŋ́ɡɛ ŋ́kɛ́ ḿbɔ́ ŋ́ɡɛ pɔ yúu mi ŋ kɑ cúnɛ ŋɡɔ pɛ́ pɔ́ ŋ́ɡɛ, ɛ́ nɛɡɛ pɔ pɔ́Ꞌɔ, tɛ ŋ́kúu ndẅiknzʉʉ lɛ́Ꞌ, mbɔ mɔ, ŋ ɡʉ ńdɑ́Ꞌ ŋ́ɡɑ́ mɛtʉʉ mbɔ̌ wɛ́, ɑ lɔk ɛ́sɑ́Ꞌ pɑkɛ́jí Sɛ́.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.

Mɛnu ɛ́ ńdɑ́Ꞌ ńcẅɛt 3:12

Ŋu ẅí ɑ ɡʉ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ŋ ɡʉ ŋ́ɡɛ ńdɔk ŋɡɑŋ tík ntɔ́ɔ nǔu zʉꞋ-nɔŋpɔꞋ-Sɛ́ wɑɑ, ŋɡɑŋ pɔɔ lɑ́Ꞌ ɛ́fú zúꞋu, ŋ́ɡʉ nǔu yɛcɔ́ zʉꞋ pɔ́. Ŋ ɡʉ ŋ́ɡɛ ŋ́ŋwɑꞋnɛ lík-Sɛ́ wɑɑ nǔu ŋɡɑŋ, ḿbɛn ŋ́ŋwɑꞋnɛ lík-tʉ́sɔŋ-Sɛ́ wɑɑ nǔu ŋɡɑŋ. Yîyɑ́ tʉ́sɔŋ pɔ́ Yɛlúsɑlɛm yɛ fí yi ɛ́ fúnɛ tʉ́nɛ́pú, nɛjɔ́ŋ Sɛ́ wɑɑ, ńcúŋ. Ŋ ɡʉ ḿbɛn ŋ́ŋwɑꞋnɛ mbɑ lík yɑ́ɑ yi fí nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 3:5

Ɛ́ pɑ́Ꞌ ŋu ẅí ɑ ɡʉ ńdɑ́Ꞌ ńdʉ̈ɔ́Ꞌ ntsɔ tɛ ńdɛɛ nu kɛpɔŋ ɡʉ ńdɑ́Ꞌ ḿmɑꞋ mɛfúfú ndẅí pɔ́Ꞌɔ. Mɔ, m bɛn ḿbɔɔ lɑ́Ꞌ ńzɑ́Ꞌ lík yɛ́ tsɛt ŋwɑꞋnɛ yi Sɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́. Ŋ ɡɛ tʉ́ʉ mbi Tɑ̌ɑ mɔ pɔ́p pɛcʉ̈ɔ́Ꞌ pɛ́, ńcú ŋɡɔ ɑ wɑɑ ŋu.