Lúkɑ́shi 6:21 - Kɑɑ Fí

²¹ Pʉʉ pɛpɔ́ttú pʉʉ pi pʉʉ sɛ́ ḿpfú nji ŋkɔ̂ɔnɛ, mbíꞋŋɡɔ pʉʉ ŋ́ɡɛ ńzwɛ́t. Pʉʉ pɛpɔ́ttú pʉʉ pi pʉʉ ŋkɔ̂ɔnɛ ḿbɔ́ ŋ́kíi, mbíꞋŋɡɔ pʉʉ ŋ́ɡɛ ŋ́ɡwɛ.

Lúkɑ́shi 6:21 ပူးပေါင်းရင်းမြစ်များ

Mɑtʉ̈ɔ 5:4

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

Mɑtʉ̈ɔ 5:6

Pɛpɔ́ttú pʉɔ pinɛ pɔ́p sɛ́ ńtsuŋ ńtsɑ́ɑ nɛɡɛ yúu mi Sɛ́ kɔŋnɛ, mbíꞋŋɡɔ Sɛ́ ɡʉ ŋ́ɡɛ pɔ́p ɡɛ yúu mi pɔ́p tsuŋnɛ ńtsɑ́ɑ.

Lúkɑ́shi 1:53

A lɔk yúu sʉ́Ꞌnɛ ńzẅík ɡɑŋnji kuꞋ, ńzuŋ ɡɑŋyúu pɔ́p ɡʉ mbɔ́ fɛ̌ɛ

Lúkɑ́shi 6:20

Yɛ́su kɑ pʉꞋ mík mɛ́, ńdíŋɛ ɡɑŋku pɛ́, ńcú mbɔ̌ pɔ́p ŋɡɔ: «Pʉʉ pɛpɔ́ttú, pʉʉ pínɛ pʉʉ pɛpúŋ, mbíꞋŋɡɔ nɛfɔɔ-Sɛ́ ɛ́ mbɔ̌ pʉʉ.

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Lúkɑ́shi 6:25

Pʉʉ pɛpɛktú, pʉʉ pinɛ pʉʉ ŋkɔ̂ɔnɛ ŋ́kwɛ́t ńzwɛ́t, mbíꞋŋɡɔ pʉʉ ɡʉ ńdɑ́Ꞌ ḿpfú nji. Pʉʉ pɛpɛktú pʉʉ pinɛ pʉʉ sɛ́ ŋ́ɡwɛ ŋkɔ̂ɔnɛ, mbíꞋŋɡɔ pʉʉ ɡʉ ńdɑ́Ꞌ ńtsʉ́ꞌ ńnɑ́ŋ pɔ tsɛt nɛmʉk ḿbɛn ḿbɔ́ ŋ́kíi.

Jɑ̂ŋ 11:35

Yɛ́su lɑɑ.

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

1 Kɔlɛ̂ŋtɛ 4:11

Nji júk nɛzɑ́ŋ wɛ́k. Gɑ́k yɛ́k júk ɛ́shí. Ndẅí mɑꞋnɛ pɔɔ ɡú pɔ́. Pɛ́ júk pɔ nɛtswɑ́ɑ wɛ́k. Wɛcɔ́ nɛpɔ́ ẅi mbɔ pɛk pɔ́tnɛ ńnɑ́ŋ tɑ́Ꞌ zʉꞋ pɔɔ ɡú pɔ́.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Mɛnu ɛ́ ńdɑ́Ꞌ ńcẅɛt 21:3

N zúꞋ yɛcɔ́ ŋɡi tɛnnɛ fú zʉꞋ-kɔꞋ-nɛfɔɔ ḿbɔ́ ńcú ŋɡɔ: «Ɛ́ ŋkɔ̂ɔnɛ, mbɔ zʉꞋ yí Sɛ́ nɑ́ŋnɛ zúꞋu, ɛ́ pɔ́ tsɛtsɛt pʉɔmɛsɔŋ. Pɔ́p pɛpɔ́p ɡʉnɛ ńtsʉ́Ꞌ ńnɑ́ŋ, pɔ́p pɔ́ mbɔ̌ wɛ́, ɑ pɔ́ Sɛ́ wɔp.

Mɛnu ɛ́ ńdɑ́Ꞌ ńcẅɛt 7:16

Nji pɔɔ pɛn ńzɑ́ŋ wɔ́p pɔ́, ɡɑ́k yɔ́p pɔɔ pɛn ɛ́shí pɔ́. Nɛm pɔɔ pɛn ńtɔɔ ndǔ yɔp pɔ́. Yɛcɔ́ yúu pɔɔ pɛn ŋ́ɡɛ mbʉʉ yɔp tɔɔnɛ pɔ́.