Lúkɑ́shi 6:13 - Kɑɑ Fí

¹³ Njí kiɛ, ɑ fúŋ ɡɑŋku pɛ́, ŋ́ɡʉ tsɛtsɛt pɔ́p, ńtsɔ́Ꞌ pʉɔ ntsɔ̌ppɑ́ nɛ́ nɛɡɛ́m, ńcẅi lík yɔ́p ŋɡɔ ɡɑŋntúu pɛ́.

Lúkɑ́shi 6:13 ပူးပေါင်းရင်းမြစ်များ

Mɑtʉ̈ɔ 10:2

Mɛlík-ɡɑŋntúu-Yɛ́su ntsɔ̌ppɑ́ nɛ́ nɛɡɛ́m ɛ̂yɑ́ pʉ́ɔ: Nduŋmbi Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂. Wɛcɔ́ pɔ́ Ndɛlɛ́yɑ ḿbɔ́ mɔ́ɔmɑ́ pɛ́ Pyɛ̂. Pɛcɔ́ pɔ́ Jɑ̂k mɔ́ɔ-Zɛbɛ́dɛ́ɛ pɔ́p mɔ́ɔmɑ́ wɛ Jɑ̂ŋ,

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 9:36

ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞋŋɡɔ pɔ́p kɑ pɔ́ pɑ́Ꞌ nɔɔ-mɛnjinjɔ mí ntsiinɛ kɑ́ pɔ́ ɡú pɔ́. Pɔ́p pɔ́ mɛjʉ́ŋ mɛjʉ́ŋ, mbɔ pɔ́p tsɑ́ŋtɛ.

Mɑ́lɛ́kúshi 6:30

Gɑŋntúu-Yɛ́su ɛ̂pɑ́ ɡʉ tɛ ḿbɛn, ńtɔ́ ńcúꞋlɛ nɛjɔ́ŋ yɛ́, ḿbɔ́ ḿbɛ́ɛtɛ yúu tsʉʉ yi pɔ́p ɡɛnɛ, ɛ́sẅíi wɛ́ tɛ mbɑ yúu mi pɔ́p zíꞋnɛ pʉɔ.

Mɑ́lɛ́kúshi 6:7

Ɛ́fúŋ pʉɔ pɛ́ ntsɔ̌ppɑ́ nɛ́ nɛɡɛ́m. Ńtúu wɔ́p pɛ́pɑ́ pɛ́pɑ́, ŋ́ɡɑ́ mɛtʉʉ mbɔ̌ pɔ́p nɛlɔk ńzuŋ mɛzẅikŋɛ kɛpɔŋ.

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Lúkɑ́shi 6:14

Yɔ ḿbɔ́ Simɔ̂ŋ ẅí Yɛ́su kɑ cẅi yɛcɔ́ lík yɛ́ ŋɡɔ Pyɛ̂, ŋ́ɡɛ Andɛlɛ́yɑ, mɔ́ɔmɑ́ wɛ, ŋ́ɡɛ Jɑ̂k, ŋ́ɡɛ Jɑ̂ŋ, ŋ́ɡɛ Filîp, ŋ́ɡɛ Bɑtɛlɛmîi,

Jɑ̂ŋ 4:33

Gɑŋku pɛ́ zúꞋ pɔ́Ꞌɔ, ɛ́shɔtnɛ ḿbíkŋɛ tsɛtsɛt pɔ́p ŋɡɔ: «Wɛcɔ́ ŋu tsʉ́Ꞌ ńdɔk yúujʉ́ ńtɔ́ ŋ́ɡɑ́ mbɔ̌ wɛ́ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

Ɛ́fɛ̂zɛ 2:20

Pʉʉ tsʉ́Ꞌ ḿbɔ́ pɔ pɑ́Ꞌ mbɛlʉ̂k yi pɛ́ lɔknɛ ḿbɔ́ɔ ndɑ́. Cʉ́ndɑ́ pɔ́ ɡɑŋntúu-Yɛ́su pɔ́p pɑcẅiŋkʉʉ-Sɛ́, Yɛ́su Kɛlístɔ nɛ́ túmbʉʉ yɛ́ pɔ́ ŋɡɔꞋ yí ɛ́ piꞋnɛ ndɑ́.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

Mɛnu ɛ́ ńdɑ́Ꞌ ńcẅɛt 12:1

Yɛcɔ́ ŋkʉꞋnɛ yúu cẅɛt nɛfɑŋ ḿbɔ́ wɛcɔ́ mɑŋɡɛ́, ɑ mɑꞋ yɛ́ ndẅí, ɛ́ pɔ́ pɔ lík-nɛm, ńtík mɛku mɛ́ nǔu sɑŋ, ńtɔꞋ cɔꞋ-nɛfɔɔ, pɛcʉ̈ɔ́Ꞌ-sɑŋ pɔ́ yúu ntsɔ̌ppɑ́ nɛ́ nɛɡɛ́m.

Mɛnu ɛ́ ńdɑ́Ꞌ ńcẅɛt 18:20

Pʉʉ tʉ́nɛ́pú, pʉʉ tsɑ́ɑtɛ tsɑ́ɑtɛ́nɛ mbíꞋ pɑ́Ꞌ Bɑbilɔ̂n vunɛ sɛ́. Mbɑ pʉʉ pʉɔ-Sɛ́, pʉʉ ɡɑŋntúu nɛ pɑcẅiŋkʉʉ-Sɛ́, pʉʉ tsɑ́ɑtɛ yʉ́ʉ. MbíꞋŋɡɔ Sɛ́ ŋɑk wɛ́ nǔu nu kɛpɔŋ yi ɑ kɑ ɡɛnɛ nǔu pʉʉ.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.