Lúkɑ́shi 5:30 - Kɑɑ Fí

³⁰ Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»

Lúkɑ́shi 5:30 ပူးပေါင်းရင်းမြစ်များ

Mɑtʉ̈ɔ 5:46

Pʉʉ lɑɑ ŋ́kɔŋ pɔ ńdɑ́Ꞌ pʉɔ pinɛ pɔ́p kɔŋnɛ wʉ́ʉ, mbɔ pɛ́ ɡʉ ḿbɛn ŋ́ɡɑ́ pɑꞋlɑ́ mbɔ̌ pʉʉ nǔu kʉ̈ɔ́? Pɑcẅɛ́ɛ ntsup-pɑlɔ́mɑ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

Mɑtʉ̈ɔ 9:11

Pɑfɑlísɑy jʉ́ɔ pɔ́Ꞌɔ, ḿbíkŋɛ ɡɑŋku-Yɛ́su ŋɡɔ: «Tɑ̌ɑ wʉʉ kwɛ́t yúu pɔ́p pɑcẅɛ́ɛ ntsup-Pɑlɔ́mɑ ŋ́ɡɛ pɛcɔ́ pʉɔ kɛpɔŋ mɛlɑ́Ꞌ kʉ̈ɔ́?»

Mɑ́lɛ́kúshi 2:16

Pɛcɔ́ Pɑkyɛ́Ꞌtɛ nɛpʉ́ʉ-Mɔ̌sɛ̂ɛ pi pɔ́p ḿbɔ́nɛ tsɛtsɛt pʉɔ-fɑlísɑy, jʉ́ɔ pɑꞋ Yɛ́su pɔ́p pʉɔ ɛ̂pɑ́ sɛ́ ńjʉ́ yúu, ḿbíkŋɛ ɡɑŋku pɛ́ ŋɡɔ: «Ɛ́ ɡɛ ŋɡɔ́ku lɑ pʉʉ pɛ́ ntɛ́ pʉɔ pɔ tɛmtɛ kɑ́ŋ ńjʉ́ yúu?»

Mɑ́lɛ́kúshi 7:3

Pɑfɑlísɑy pɔ́p pɑyúdɑ tsʉʉ lɔɔ kwɛ́t yúu kɛ́ piitɛ ńzɑtɛ ŋki nǔu mbɔ́ mɔ́p tɛ ŋ́kúu nǔu ŋkwɛn-pɔ́ yɔ́p, pɑꞋ ńnɔŋ pʉɔ-ŋkɑ́mbi sɛ́ ḿbíkŋɛ pɔ́,

Mɑ́lɛ́kúshi 9:16

A pɛn ḿbíkŋɛ ɡɑŋku pɛ́ ŋɡɔ pɔ́p zɔŋ kʉ̈ɔ́ ɔɔ?

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Lúkɑ́shi 19:7

Lɑ́Ꞌ kɑ jʉ́ɔ pɑꞋ pɔ́pmɛ́ ɡʉnɛ, ɛ́sẅíitɛ ŋɡɔ: «A pʉ́ɔ liinɛ, ɑ ɡʉnɛ ndɑ́-ŋu kɛpɔŋ ńdɛ́ lii!»

Lúkɑ́shi 5:17

Yɛ́su pɔ́ yɛcɔ́ lɛ́Ꞌ, ḿbɔ́ ńdɛꞋlɛ nu-Sɛ́, pʉɔ-Fɑlísɑy pɔ́p pɑkyɛ́Ꞌtɛ nɛpʉʉ-Sɛ́ tɔ́ ńnɑ́ŋ nɛjɔ́ŋ yɛ́, ɛ́fú nǔu mɛlɑ́Ꞌ mi ɛ́ tsɛt ŋɡɔŋ Ŋɡɑlilɛɛ pɔ́p Jẅidɛ̂ tɛ mbɑ tʉ́sɔŋ Yɛlúsɑlɛm. Mɛtʉʉ-Tsɑpʉɔ Sɛ́ pɔ́ nǔu Yɛ́su, ɑ lɔk ńzɔŋ mɛɡɔɔ.

Lúkɑ́shi 5:21

Pɑkyɛ́Ꞌtɛ nɛpʉʉ-Mɔ̌sɛ̂ɛ pɔ́p pʉɔ-Fɑlísɑy zúꞋ, ńzɛ nɛpíkŋɛ ŋɡɔ: «Yɔ wɔ̌ ẅí ɑ ɡwɑ́knɛ Sɛ́? Sɛ́ zɛ́nɛ́ jʉ́ kuꞋnɛ nɛlikŋɛ mɛnu kɛpɔŋ-ŋu.»

Lúkɑ́shi 7:34

Mɔ́ɔ-ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu, ḿbɛn ḿbɔ́ ńnɔ́ mɛluꞋ, pʉʉ cú ŋɡɔ pɛ́ líŋɛ wɛ́ lɑ́ ńjʉ́ɔ, ŋu wɑ́lɑ́ pɔ́ ŋ́kwɛ́t yúu, ḿbɔ́ nɛ́nɔ́mɛluꞋ, ḿbɔ́ súu pɑcẅɛ́ɛ ntsup-Pɑlɔ́mɑ, mbɑ wɛ pɛcɔ́ pʉɔ kɛpɔŋ.

Lúkɑ́shi 7:39

Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 23:9

Pʉɔ tsʉʉ zɛ nɛsẅíi nɛsẅii. Pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ tsɛtsɛt Pɑfɑlísɑy lɔ sɛ́ ńcú nɛ́ mɛtʉʉ ŋɡɔ: «Pɛk kɑ́ jʉ́ɔ nu kɛpɔŋ yi ŋu wɑ́ ɡɛnɛ pɔ́. Lɛ́Ꞌcɔ́, tɛ yɛcɔ́ Zẅikŋɛ kɛ pɔ́ wɛcɔ́ Cʉ̈ɔꞋ-Sɛ́ kɑ́nɛ cú nu mbɔ̌ wɛ́ pɔ́ ɔɔ?»