Lúkɑ́shi 5:29 - Kɑɑ Fí

²⁹ Lɛ́vi ɡɛ ɛ́fúŋ mɑ́mɑ́ ndínɑ ndɑ́ yɛ ntɛ́ Yɛ́su. Pɑ́cẅɛ́ɛntsup tɔ́ tɛ ńzɑ́ɑ tɛ mbɑ pɛcɔ́ pʉɔ pinɛ pʉɔ-Yúdɑ kɑ pɔ́ ɛ́fúŋ wɔ́p ŋɡɔ pʉɔ kɛpɔŋ. Pɔ́p pɛ́ Yɛ́su tɛ́mtɛ ńjʉ́ yúu.

Lúkɑ́shi 5:29 ပူးပေါင်းရင်းမြစ်များ

Mɑtʉ̈ɔ 11:19

Mɔ́ɔ-Ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu ḿbɛn ńnɔ́ mɛluꞋ, pɔ́p cú ŋɡɔ pɛ́ líŋɛ wɛ́ lɑ ńjʉ́ɔ, ŋu wɑ́ pɔ́ ŋkwɛ́tyúu, ḿbɔ́ nɛ́nɔ́mɛluꞋ, ḿbɔ́ súu-pɑcẅɛ́ɛntsup-Pɑlɔ́mɑ mbɑ wɛ pɛcɔ́ pʉɔ kʉʉnɛ́nɛ. Lɑ́ pɛ́ sɛ́ ńjʉ́ɔ jínu yi ɛ́ yɛ́ Sɛ́ ńdɛɛ pɔ nǔu mɛfɑꞋ mí ɛ́ ɡɛnɛ.»

Mɑtʉ̈ɔ 5:46

Pʉʉ lɑɑ ŋ́kɔŋ pɔ ńdɑ́Ꞌ pʉɔ pinɛ pɔ́p kɔŋnɛ wʉ́ʉ, mbɔ pɛ́ ɡʉ ḿbɛn ŋ́ɡɑ́ pɑꞋlɑ́ mbɔ̌ pʉʉ nǔu kʉ̈ɔ́? Pɑcẅɛ́ɛ ntsup-pɑlɔ́mɑ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

Mɑtʉ̈ɔ 9:10

Yɛ́su ɡɛ ḿbɔ́ ndɑ́-Mɑtʉ̈ɔ ḿbɔ́ ŋ́kwɛ́t yúu, pɛcɔ́ pɑcẅɛ́ɛ ntsup-Pɑlɔ́mɑ tɛ ńzɑ́ɑ, pɔ́p pɛcɔ́ ɡɑŋ-tswɛ́ kɛpɔŋ, tɔ́ ŋ́kẅɛ́ɛtɛ Yɛ́su pɔ́p ɡɑŋku pɛ́, pɔ́p pɛ́pɔ́p nɑ́ŋ sɛ́ ḿbɔ́ ŋ́kwɛ́t yúu.

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑ́lɛ́kúshi 2:15

Yɛ́su pɔ́p ɡɑŋku pɛ́ ɡɛ ŋ́ɡʉ njɛ́Ꞌ-Lɛ́vi nɛjʉ́ yúu. Pɔ́p pʉɔ tɛ ńzɑ́ɑ pɔ́ ńjʉ́ yúu, nɛzɑ́ɑ wɔp pɔ́ pɑcẅɛ́ɛ ntsup, tɛ mbɑ pʉɔ pínɛ Pɑyúdɑ kɑ pɔ́ ɛ́fúŋ wɔ́p ŋɡɔ pʉɔ kɛpɔŋ, mbíꞋŋɡɔ ntɛ́ pʉɔ ɛ̂pɑ́ ḿbɔ́ nzʉʉ Yɛ́su tɛꞋ.

Lúkɑ́shi 15:1

Pɑcẅɛ́ɛntsup-Pɑlɔ́mɑ pɔ́p pɛcɔ́ pʉɔ pi pɛ́ kɑ pɔ́ ŋ́kʉ́ʉnɛ wɔ́p ḿbɔ́ ńtɔ́ pɛtsʉʉ, nɛjɔ́ŋ Yɛ́su nɛzúꞋ nu yɛ́.

Jɑ̂ŋ 12:2

Pɛ́ ɡɛ ɛ́fúŋ ndínɑ nǔu lík-yɛ́, Lɑzɑ̂ɑ pɔ́ wɛcɔ́ tɑ́Ꞌ ŋu nǔu pʉɔ pí pɔ́p pɛ́ Yɛ́su kɑ pɔ́ ńjʉ́ yúu, Mɑ́ktɑ pɔ́ ŋ́ɡɑp yúujʉ́.

1 Kɔlɛ̂ŋtɛ 10:27

Ŋu ẅí ɑ kɑ́ pɔ́ ŋu-Kɛlístɔ pɔ́ lɑɑ ɛ́fúŋ wʉ́ʉ ndɑ́ yɛ́ ŋɡɔ pʉʉ pɛpɔ́p jʉ́ yúu, pʉʉ pɛ́m, pʉʉ tɔ́ zúꞋu pɛ́ ɡɑ́ mbɑ kʉ̈ɔ́lɑ́ mbɔ̌ pʉʉ ɔɔ, pʉʉ jʉ́ kɛ́ ɡẅɛɛ yɛcɔ́ kwɑŋɛ, kɛ́ píkŋɛ yɛcɔ́ nu.