Lúkɑ́shi 4:41 - Kɑɑ Fí

⁴¹ Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.

Lúkɑ́shi 4:41 ပူးပေါင်းရင်းမြစ်များ

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑtʉ̈ɔ 4:3

Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»

Mɑtʉ̈ɔ 8:16

Ntsuŋkẅɛ́Ꞌ ɡɛ ḿbɔ́, pɛ́ lɔk pʉɔ tɛ ńzɑ́ɑ pínɛ mɛzẅikŋɛ kɛpɔŋ sɛ́ ŋ́ɡɑ́ɑnɛ wɔ́p ńtɔ́ mbi Yɛ́su, ɑ cú nu tɑ́Ꞌ ŋkɑ́. Mɛzẅikŋɛ kɛpɔŋ fú nǔu pʉɔ ńcẅɛt, ɡɑŋɡɔɔ pɛn ɛ́fíitɛ ɡúu.

Mɑtʉ̈ɔ 8:29

Pɔ́p kíi ńcú mbɔ̌ Yɛ́su ŋɡɔ: «Ɔ lɔɔ nɛɡɛ ŋɡɔ́ku nǔu pɛk, mɔ́ɔ-Sɛ́? Ɔ kɑ tɔ́ zɑꞋnɛ pɔ nɛzɑ́Ꞌ njí ńníꞋ wɛ́k tsɛt ŋɡʉ̈ɔ́Ꞌ kɛkʉ̈ɔ́?»

Mɑtʉ̈ɔ 8:4

Yɛ́su cú mbɔ̌ wɛ́ ŋɡɔ: «Pɑ́ɑ nɛkɛ́ ŋ́kẅíi tɛ ŋu zúꞋ, lɑ́ kɛ́ ŋ́ɡʉ ńnyɛt mbʉʉ yu, mbɔ̌ nɔŋpɔꞋ, ḿbɛn ŋ́ɡɑ́ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, pʉɔ tsʉʉ jí ŋɡɔ ɔ fíitɛ.»

Mɑ́lɛ́kúshi 1:25

Yɛ́su cʉ́ɔk yîyɑ́ zẅikŋɛ kɛpɔŋ ńcú mbɔ̌ wɛ́ ŋɡɔ: «Nɑ́Ꞌ, ɛ́fú nǔu ŋu wɑ́ ńcẅɛt!»

Mɑ́lɛ́kúshi 1:32

Ntsuŋkẅɛ́Ꞌ ɡɛ ḿbɔ́, tɛ mbɔ mɔ́nɛm pɛ́ mɔ́, pʉɔ zúꞋu zɛ nɛtíi ɡɑŋɡɔɔ tsʉʉ, mbɑ pʉɔ pinɛ mɛcɔ́ mɛzẅikŋɛ kɛpɔŋ kɑ ɡẅɛɛnɛ wɔ́p, ńdɔk ńtɔ́ ńjʉ́ɔ Yɛ́su.

Mɑ́lɛ́kúshi 1:34

Yɛ́su ɡɛ mɛɡɔɔ ntɛ́ nɛ́ ntɛ́ nǔu pʉɔ tɛ ńzɑ́ɑ mɛ, ḿbɛn ńzuŋ mɛzẅikŋɛ kɛpɔŋ tɛ ńzɑ́ɑ nǔu pʉɔ. A ŋkɑɑ pɛ́m tɛ yɛcɔ́ zẅikŋɛ kɛpɔŋ ɛ̂yɑ́ cú nu pɔ́, mbíꞌŋɡɔ pɔ́p kɑ pɔ́ ńjí ŋu ẅí ɑ jʉ́.

Mɑ́lɛ́kúshi 3:11

Pʉɔ pi mɛzẅikŋɛ kɛpɔŋ kɑ pɔ́ ḿbúunɛ wɔ́p kɑ pɔ́ tɛ ńjʉ́ɔ wɛ́, ńnɔɔ mɛku wɛ́, ńdɔk ŋɡi tɛnnɛ ńcú ŋɡɔ: «Ɔ Mɔ́ɔ Sɛ́.»

Lúkɑ́shi 4:39

A tɔ́ ŋ́ŋɔ́Ꞌnɛ mbʉʉ kúu, ńdɔk tʉʉ ńcú nu, ɡɔɔ ɡɔ́ɔ ńzɑ́Ꞌnɛ. Mɑ́kẅiꞋ-Simɔ̂ŋ ɛ̂wɑ́ ɡɔ́ɔ ńdɔ sɛ́, ńniitɛ yúujʉ́ ŋ́ɡɑ́ mbɔ̌ pɔ́p.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂k 2:19

Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.