Lúkɑ́shi 4:35 - Kɑɑ Fí

³⁵ Yɛ́su cɔ́k yîyɑ́ zẅikŋɛ kɛpɔŋ, ńcú mbɔ̌ wɛ́ ŋɡɔ: «NɑꞋ, fú nǔu ŋu wɔ ńcẅɛt!» Zẅikŋɛ kɛpɔŋ ɛ̂yɑ́ ɛ́shɔt ŋu ɛ̂wɑ́, ḿmɑꞋ sɛ́ tsɛtsɛt pʉɔ ŋ́ɡɔ́ɔ ŋ́kɛ́ ɛ́fú nǔu wɛ́ ńcẅɛt kɛ́ ɡɛ yúu kɛpɔŋ nǔu wɛ́.

Lúkɑ́shi 4:35 ပူးပေါင်းရင်းမြစ်များ

Mɑtʉ̈ɔ 17:18

Pɔ́p lɔk wɛ́ ńtɔ́, Yɛ́su cʉ́ɔk zẅikŋɛ kɛpɔŋ ɛ̂yɑ́, ɑ cẅɛt nǔu mɔ́ɔ ɛ̂wɑ́, ɑ ɡɔ́ɔ ɛ́fíitɛ pɔ ŋkɑ́ yîyɑ́.

Mɑtʉ̈ɔ 8:26

A cú mbɔ̌ pɔ́p ŋɡɔ: «Pʉʉ pɔ́k kʉ̈ɔ́? Pʉʉ lɔɔ ńzɑ́p tʉ́m nǔu Sɛ́ ŋkɑ́ tsʉʉ pɔ́!» Ńcú pɔ́Ꞌɔ, ńdɔ sɛ́, ńcʉ̈ɔ́k fɛ́m pɔ́p ŋki. ZʉꞋ nɑꞋ ŋ́ɡɔ kɛ̂m.

Mɑ́lɛ́kúshi 1:26

Zẅikŋɛ kɛpɔŋ ɛ̂yɑ́ puu ńtsʉꞋnɛ wɛ́ tsʉ́Ꞌnɛnɛ, tɛ ŋ́ɡɔ́ ɛ́fú nǔu wɛ́ ńcẅɛt, ńtɔɔ ŋɡuŋ tɛꞋ.

Mɑ́lɛ́kúshi 4:39

A jʉɔmɛ, ńcʉ̈ɔ́k fɛfʉ̈ɔt pɔ́p ŋki, ńcú ŋɡɔ: «Ɛ́ kuꞋ pɑꞋɑ, pʉʉ nɑ́Ꞌ!» Fɛ́m ɡɔ́ɔ ńzɑ́Ꞌnɛ, ŋki pɔɔ pɛn ńtsʉ́Ꞌnɛ pɔ́.

Mɑ́lɛ́kúshi 9:26

Zẅikŋɛ kɛpɔŋ ɛ̂wɑ́ tíi mɔ́ɔ ḿmɑꞋ sɛ́ ńtsʉꞋnɛ wɛ́, ŋ́ɡɛ ɑ kíi nɛ́ ŋɡi tɛnnɛ́, ɛ́fú nǔu wɛ́ ńcẅɛt. A tsʉꞋ ńnɔɔ sɛ́ ŋ́ɡɛ pɔ pɑꞋ pfú-ŋu lɑ́, tɛ pɛ́ pɔ́ ńcú pɔ ŋɡɔ ɑ pfú.

Lúkɑ́shi 11:22

Lɑ́ wɛcɔ́ ŋu ẅí ɑ pɛn ńtɛn ńdɛɛ wɛ́ lɑɑ ńtɔ́, mbɔ wɛcɔ́ nɛɡɛ kɛ́ pɛn ḿbɔ́ ɡú ŋkɑ́ ɛ̂yɑ́ pɔ́. Mbɔ wîwɑ́ ŋu ɡɛ ńtɔ́ ŋ́ɡẅɛɛ wɛ́, ńcẅɛ́ɛ yúu ntsɔ pɛ́ pi ɑ ḿbɔ́ ńdɔk ńtɛn lɑ́. Ḿbuu ńtúꞋ yúu pɛ́, pɔ́p pɛ́ pʉɔ ɡɑptɛ.

Lúkɑ́shi 4:23

Yɛ́su pʉ̈ɔt mbɔ̌ pɔ́p ŋɡɔ: «Pʉʉ ɡʉ ŋ́ɡẅɛɛ kwɑŋɛ-sɑknɛkɛt nɛcú ŋɡɔ: Ŋɡɛmɛfu zɔŋ tú mbʉʉ yu! Pɛk zúꞋ ndɑɑkɑ́jʉ́ɔ mɛnu ɔ ŋ́ɡɛnɛ Kɑpɛɛnɑwûm, pɛn ŋ́ɡɛ zɑꞋnɛ lɑ́Ꞌ pʉʉ lɑ́.»

Lúkɑ́shi 4:39

A tɔ́ ŋ́ŋɔ́Ꞌnɛ mbʉʉ kúu, ńdɔk tʉʉ ńcú nu, ɡɔɔ ɡɔ́ɔ ńzɑ́Ꞌnɛ. Mɑ́kẅiꞋ-Simɔ̂ŋ ɛ̂wɑ́ ɡɔ́ɔ ńdɔ sɛ́, ńniitɛ yúujʉ́ ŋ́ɡɑ́ mbɔ̌ pɔ́p.

Lúkɑ́shi 4:41

Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.

Lúkɑ́shi 8:24

ńjʉɔmɛ wɛ́, ńcú ŋɡɔ: «Tsɑpʉɔ, Tsɑpʉɔ, pɛkŋɛ pfú tɛ ńdɛm.» Yɛ́su jʉɔmɛ, ńdɔ sɛ́, ńcʉ̈ɔ́k fɛ́m pɔ́p ŋki. Fɛ́m zɑ́Ꞌnɛ, ŋki tʉ́ʉ, zʉꞋ nɑꞋ ŋɡɔ kɛm.

Lúkɑ́shi 9:39

Yɛcɔ́ zẅikŋɛ kɛpɔŋ lɔ ńnɑ́ŋ tɛ ŋ́ɡẅɛɛ wɛ́, ɑ kíi, ŋ́ɡwɛt, ńtsʉꞋnɛ wɛ́, ɑ ŋ́kwɛ́t ntsu wɛ́, ɛ́fuꞋ mɛtẅɛ. Ɛ́ ɡẅɛɛ wɛ́, ńdɑ́Ꞌ ŋ́ɡɔ ńnɑ́ wɛ́, mbɔ ɑ pʉ̈ɔ́Ꞌtɛ mɔ́ wɛ́ tɛꞋ.

Lúkɑ́shi 9:42

Tɑ́-mɔ́ɔ pɔ́ ńdɔk wɛ́ ńtɔ́, zẅikŋɛ kɛpɔŋ ɛ̂yɑ́ pɛn ŋ́ɡẅɛɛ wɛ́ ńtɛ́m sɛ́, ɛ́ tsʉ́Ꞌnɛ wɛ́ nɛ́ tʉʉ. Yɛ́su cɔ́k zẅikŋɛ kɛpɔŋ ɛ̂yɑ́, ɑ nɑ́ mɔ́ɔ ɑ fíitɛ. Yɛ́su ɡẅɛɛ pɔ́ yɛ́, ŋ́ɡɑ́ wɛ́ mbɔ̌ tɑ́t-wɛ.

Mɛnu ɛ́ ńdɑ́Ꞌ ńcẅɛt 12:12

Pɔ́Ꞌɔ lɑ́, tʉ́nɛ́pú nɛ́ pɑnɑ́ŋ zúꞋu, pʉʉ tsɑ́ɑtɛ. Lɑ́ ŋ́ɡʉ nǔu ndǔ tsɛ́tsɑ́Ꞌ mbɑ ŋki kɛ́ nɛpɑt, nu pʉɔlɑ́ yi ɛ́ ɡɛnɛ wʉ́ʉ lɑ́. MbíꞋŋɡɔ ndɛɛbɛlɛ pfúu ńtɔ́ ńtsɛ́t wʉ́ʉ, lɔ́ŋ wɛ sɛ́ ńzɑ́ŋ tɛꞋ. A sɛ́ ńjí ŋɡɔ ɑ kɛ́ pɛn ɛ́fɑꞋ yɛ́ fɑꞋ tɛ ntí sɑk pɔ́.