Lúkɑ́shi 4:23 - Kɑɑ Fí

²³ Yɛ́su pʉ̈ɔt mbɔ̌ pɔ́p ŋɡɔ: «Pʉʉ ɡʉ ŋ́ɡẅɛɛ kwɑŋɛ-sɑknɛkɛt nɛcú ŋɡɔ: Ŋɡɛmɛfu zɔŋ tú mbʉʉ yu! Pɛk zúꞋ ndɑɑkɑ́jʉ́ɔ mɛnu ɔ ŋ́ɡɛnɛ Kɑpɛɛnɑwûm, pɛn ŋ́ɡɛ zɑꞋnɛ lɑ́Ꞌ pʉʉ lɑ́.»

Lúkɑ́shi 4:23 ပူးပေါင်းရင်းမြစ်များ

Mɑtʉ̈ɔ 13:54

nɛ́ lɑ́Ꞌ pɔ́p, ŋ́kúu zúꞋu, ḿbɔ́ ńzíꞋ pʉɔ nɛ́ nu-Sɛ́ tsɛt ndɑ́-cúꞋlɛ-pɑyúdɑ. Pʉɔ pínɛ pɔ́p zúꞋu zúꞋ sẅiŋɛ yɛ́, ḿmɑɑ ńcú ŋɡɔ: «A lɔk yɔ jínu nɛ́ mɛtʉʉ nɛlɔk ŋ́ɡɛ mɛŋkʉꞋnɛ mɛnu ɛ́fú ɡɔ́?

Mɑtʉ̈ɔ 4:13

ŋ́kúu Nɑ̌ɑzɑlɛt ŋ́ɡɛ ḿbɛn ŋ́ɡʉ ńtsʉ́Ꞌ ńnɑ́ŋ pɔ Kɑpɛɛnɑwûm. Ɛ́ pɔ́ tʉ́sɔŋ ḿbɔ́ mbʉʉ nɛkʉŋ-ŋki-Ŋɡɑlilɛɛ, lɑ́Ꞌ yi Zɑbulɔŋ pɔ́p Nɛftɑlî tʉ̈ɔ́tɛ́nɛ wɛ́ ńníꞋ sɔŋ.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑ́lɛ́kúshi 6:1

Yɛ́su kɑ fú zúꞋu, ŋ́ɡʉ nɛ́ lɑ́Ꞌ yi ɑ kɑ ɡúꞋnɛ zúꞋu, pɔ́p ɡɑŋku pɛ́ pɔ́nɛ.

Lúkɑ́shi 2:39

Yɔsɛ̂p pɔ́p Mɑlíyɑ ɡɛ ɛ́sẅíi nu yi pɔ́p tɔ́nɛ nǔu tɛ ḿmɛk pɑ́Ꞌ nɛpʉ́ʉ-Tsɑpʉɔ kɑ pɔ́ ḿbíkŋɛ, ḿbɛn nzʉʉ nɛ́ Ŋɡɑlilɛɛ, tʉ́sɔŋ pɔ́p Nɑ̌ɑzɑlɛt.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

Lúkɑ́shi 4:16

Yɛ́su lɑ́Ꞌ ńnɑ́ŋ tɛ ḿbɛn Nɑ̌ɑzɑlɛt, zʉꞋ yi ɑ kɑ ɡúꞋnɛ zúꞋu. Lɛ́Ꞌ-nji yɔ́p kuꞋ, ɑ ɡʉ ndɑ́-cúꞋlɛ Pɑyúdɑ pɑ́Ꞌ ɑ lɔ ńzɛɛ ŋ́ɡʉ. Ŋkɑ́ kuꞋ, ɑ lɔ sɛ́ nɛfúŋ ŋwɑꞋnɛ-Sɛ́.

Lúkɑ́shi 4:31

Yɛ́su ɡɛ pɔ́Ꞌɔ, ńcúŋ ŋ́ɡʉ nɛ́ Kɑpɛɛnɑwûm, ɛ́ pɔ́ wɛcɔ́ tʉ́sɔŋ nǔu ŋɡɔ́ŋ-Ŋɡɑlilɛ́. Lɛ́Ꞌ-nji yɔ́p kuꞋ, ɑ pɔ́ ńzíꞋ pʉɔ nɛ́ nu-Sɛ́.

Lúkɑ́shi 4:35

Yɛ́su cɔ́k yîyɑ́ zẅikŋɛ kɛpɔŋ, ńcú mbɔ̌ wɛ́ ŋɡɔ: «NɑꞋ, fú nǔu ŋu wɔ ńcẅɛt!» Zẅikŋɛ kɛpɔŋ ɛ̂yɑ́ ɛ́shɔt ŋu ɛ̂wɑ́, ḿmɑꞋ sɛ́ tsɛtsɛt pʉɔ ŋ́ɡɔ́ɔ ŋ́kɛ́ ɛ́fú nǔu wɛ́ ńcẅɛt kɛ́ ɡɛ yúu kɛpɔŋ nǔu wɛ́.

Lúkɑ́shi 6:42

Mbɔ ɔ ŋ́ɡɛ pɑ́Ꞌ, lɑ ńcú mbɔ̌ mɔ́ɔmɑ́ wu ŋɡɔ: “Mɔ́ɔmɑ́, tsʉ́Ꞌ n cẅɛɛtɛ ŋɡʉɔ-píi yi ɛ́ lík yú lɑ́”, ŋ́ɡɔ cú ŋkɑ́ yîyɑ́ ḿbɔɔ pɔ́ ńjʉ́ɔ kɛ́m-yúu mi ɛ́ nɔɔnɛ nǔu lík yú pɔ́ ɔɔ? Ɔ ŋɡɑŋcɔtnu! Piitɛ ńcẅɛɛtɛ kɛm yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík mɔ́ɔmɑ́ wu!»

Jɑ̂ŋ 4:28

Mɑŋɡɛ́ ɛ̂wɑ́ nɑ́ tʉ́ɔ-ŋki yɛ́ zúꞋu, ḿbɛn tʉ́sɔŋ, ńcú mbɔ̌ lɑ́Ꞌ ŋɡɔ:

2 Kɔlɛ̂ŋtɛ 5:16

Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.