Lúkɑ́shi 3:23 - Kɑɑ Fí

²³ Yɛ́su kɑ ɡɔ ńzɛ nɛsɑ́Ꞌ Ŋkʉʉ sʉ́Ꞌnɛ, ɛ́ ńtsʉ́Ꞌ mɔ́yúu ɑ ɡẅɛɛ ŋɡuꞋ mɛɡɛ́mɛ́ntɑ́t, pɛ́ pɔ́ ŋ́kwɑŋɛ ŋɡɔ ɑ mɔ́ɔ-Yɔsɛ̂p. Yɔsɛ̂p pɔ́ mɔ́ɔ-Ɛlîi.

Lúkɑ́shi 3:23 ပူးပေါင်းရင်းမြစ်များ

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Mɑtʉ̈ɔ 1:16

Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.

Mɑtʉ̈ɔ 1:6

Jɛsɛ́ pí fɔɔ Ndɑvît, fɔɔ Ndɑvît kɑ pí Sɑlɛ́mɔ, mbɔ mɑ́ pɛ́ Sɑlɛ́mɔ kɑ pɔ́ nzwɛ́ Ẅílí.

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Lúkɑ́shi 2:48

Yɔsɛ̂p pɔ́p Mɑlíyɑ pɔ́ tɛ ńjʉ́ɔ wɛ́, ḿmɑɑ tɛꞋ. Mɑ́ wɛ cú mbɔ̌ wɛ́ ŋɡɔ: «Mɔ́ɔ wɑɑ, ɔ ɡɔ ŋ́ɡɛ yɔ nu nǔu pɛk pɑ́Ꞌɑ, mbíꞋku? Ɔ tsɔ́Ꞌ lɛ́m yɛk tɑ́t wu. Pɛk júk nɛlɔ́ɔ wú, ḿbɔ́ ḿbɔ́k ŋɡɔ kɛ yɛcɔ́ yúu ɡɛnɛ wú ɔ́ɔ?»

Lúkɑ́shi 3:31

Ɛlíyɑkim pɔ́ mɔ́ɔ-Mɛlɛ́yɑ. Mɛlɛ́yɑ pɔ́ mɔ́ɔ-Mɛ́nɑ. Mɛ́nɑ pɔ́ mɔ́ɔ-Mɑtɑtɑ. Mɑtɑtɑ pɔ́ mɔ́ɔ-Nɑtɑ̂ŋ. Nɑtɑ̂ŋ pɔ́ mɔ́ɔ-Ndɑvît,

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 6:42

Pɔ́p pɛn ḿbɔ́ ńcú ŋɡɔ ŋu wɑ́ kɑ́ pɔ́ Yɛ́su mɔ́ɔ-Yɔsɛ̂p pɔ́ ɔɔ! Pɛkŋɛ kɑ́ pɔ́ ńjí tɑ́t wɛ pɔ́p mɑ́ wɛ pɔ́ ɔɔ! Ɛ́ pɛn ŋ́ɡɛ ŋɡɔ́ku lɑ ɑ sẅíi wɛkŋɛ ŋkɔ̂ɔnɛ ŋɡɔ ɑ kɑ fú tʉ́nɛ́pú ńcúŋ?

ŊwɑꞋnɛ-Gɑŋntúu Yɛ́su Kɛlístɔ 1:1

Tʉ́ʉndɛn Tɛɔfîl! Mɔ, ŋ kɑ ŋwɑꞋnɛ nduŋmbi ŋwɑꞋnɛ, ŋ́ɡɑ́ mbɔ̌ ɡu ńdɔk ḿbɛ́ɛtɛ mɛnu mi Yɛ́su kɑ ɡɛnɛ, mbɑ mi ɑ kɑ zíꞋnɛ mbɔ̌ pʉɔ tɛ ɛ́fú nzɛnɛ fɑꞋ yɛ́,