Lúkɑ́shi 24:32 - Kɑɑ Fí

³² Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lɔk ḿbɔ́ yúu mi ɛ́ lɑ́Ꞌnɛ ŋ́ɡɛ lɑ́ sẅiŋɛ yɛ́ kúutɛ wǔu ŋkɑ́ yi pɛkŋɛ lɑ́Ꞌnɛ ḿbɔ́ sɛ̂ndúŋ ɑ pɔ́ ŋ́kyɛ́Ꞌtɛ nu-Sɛ́ ɛ́sẅíi wǔu lɑ́!»

Lúkɑ́shi 24:32 ပူးပေါင်းရင်းမြစ်များ

Mɑ́lɛ́kúshi 4:34

A ŋ́kɑɑ pɔ́ ɛ́sẅíi wɔ́p nɛ́ nu kɛ́ lɔk pɔ́ sɑknɛkɛt pɔ́, ḿbɔ́ ŋkɑ́ yi pɔ́p ɡɑŋku pɛ́ tsʉ́Ꞌnɛ ḿbɔ́, ɑ ŋ́kyɛ́Ꞌtɛ ɛ́sẅíi wɔ́p pɑꞋ ɛ́ lɔknɛ ńcú.

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.