Lúkɑ́shi 23:7 - Kɑɑ Fí

⁷ Pɔ́p cú ŋɡɔ ɔ́ɔŋ. A túu Yɛ́su ŋ́ɡɑ́ mbɔ̌ fɔɔ Ɛlɔ̂dɛ, mbíꞋŋɡɔ jʉ́ kɑ pɔ́nɛ ɛ́sɑ́Ꞌ yîyɑ́ pɑk-ŋɡɔŋ, ŋ́ɡɔ ḿbɔ́, mbɔ ɑ kɑ tɔ́ tɛ ḿbɔ́ Yɛlúsɑlɛm nǔu mîmɑ́ mɛlɛ́Ꞌ.

Lúkɑ́shi 23:7 ပူးပေါင်းရင်းမြစ်များ

Mɑtʉ̈ɔ 14:1

Ɛ́ pɔ́ ŋkɑ́ ɛ̂yɑ́, Ɛlɔ̂dɛ ẅí ɑ kɑ pɔ́ ɛ́sɑ́Ꞌ pɑk-ŋɡɔŋ-Ŋɡɑlilɛɛ zúꞋ pɑ́Ꞌ pɛ́ kẅíinɛ lík-Yɛ́su ntɛ́ mɛnu mi ɑ sɛ́ ŋ́ɡɛ,

Mɑtʉ̈ɔ 14:3

Ɛlɔ̂dɛ cú pɔ́Ꞌɔ, mbíꞋŋɡɔ ɑ kɑ ɡɛ pɛ́ ɡẅɛɛ Jɑ̂ŋ, ŋ́kút wɛ́ ńníꞋ wɛ́ ndɑ́tsɑ́ŋ, mɛlɑ́Ꞌ Ɛlɔ̂díyɑ ẅí ɑ m̄bɔ́nɛ nzwɛ́-Fílîp, mɔ́ɔmɑ́ pɛ́ Ɛlɔ̂dɛ ɛ̂wɑ́.

Mɑtʉ̈ɔ 14:6

Ɛ́ ɡɛ ḿbɔ́ lɛ́Ꞌ-ndínɑ, nɛlɔk ŋ́kẅíitɛ lɛ́Ꞌ yi pɛ́ kɑ pínɛ fɔɔ Ɛlɔ̂dɛ. Mɔ́ɔ-Ɛlɔ̂díyɑ wɛ mɑŋɡɛ́ nʉŋ mbi pɛɡʉʉ-ndínɑ. Nu pɔŋ fɔɔ Ɛlɔ̂dɛ,

Mɑ́lɛ́kúshi 6:14

Fɔɔ Ɛlɔ̂dɛ zúꞋ yɛ́ pɑꞋ pɛ́ cúnɛ mɛnu mi Yɛ́su ɡɛnɛ, mbíꞌŋɡɔ lík-Yɛ́su kɑ sɑt zʉꞋ. Pɛcɔ́ pʉɔ pɔ́ ńcú ŋɡɔ Jɑ̂ŋ Mbɑptíshi zẅíimɛ! Ɛ́ yúu mi ɛ́ ɡɛnɛ lɑ ɑ kuꞋ nɛɡɛ mɛŋkʉꞋnɛ mɛnu.

Lúkɑ́shi 13:31

Yɛ́su pɔ́ ńcú pɔ́Ꞌɔ, pɛcɔ́ pʉɔ-Fɑlísɑy tɔ́ ńcú mbɔ̌ wɛ́ ŋɡɔ: «Fú zɑ́Ꞌnɛ ŋ́ɡʉ, mbíꞋŋɡɔ fɔɔ Ɛlɔ̂dɛ sɛ́ ńdɔ́ɔ nɛjẅí wú.»

Lúkɑ́shi 23:6

Pilɑ́tu zúꞋ pɔ́Ꞌɔ, ḿbíkŋɛ ŋɡɔ: «A ŋu-ŋɡɑlílɛɛ pɔ?»

Lúkɑ́shi 3:1

Jɑ̂ŋ mɔ́ɔ Sɑkɑlíyɑ lɑ́Ꞌ ńtswɛ́ kɔ̂ŋtɛt tɛ Sɛ́ túu wɛ́ ŋɡɔ ɑ ɡʉ ɛ́sẅíi nu yɛ́. Ɛ́ pɔ́ ŋɡuꞋ ɛ̂yɑ́, mbɔ Kɑ́sɑ Tíbɛɛ ẅi ɑ m̄bɔ́nɛ ɛ́sɑ́Ꞌ ŋɡɔŋ nɛ́ ŋɡɔŋ, mbɔ ɑ nɑ́ŋ nǔu kɔꞋ ŋɡuꞋ ntsɔ̌pɛ́tɑɑ nɛ́ nɛɡɛ́m. Pɔ́ŋnti Pilɑ́tɔ pɔ́ ŋɡɔ́mnɑɑ ŋɡɔ́ŋ-Jẅidɛ̂, Ɛlɔ̂dɛ pɔ́ sɑ́Ꞌ ŋɡɔ́ŋ-Ŋɡɑlilɛ́, mɔ́ɔmɑ́ wɛ Filîp pɔ́ sɑ́Ꞌ Itẅílíyɑ pɔ́p Tɛ́lɑkɔnît, Lisɑníyɑs pɔ́nɛ ɛ́sɑ́Ꞌ Abilɛ̂n. Ánɑ pɔ́p Kɑyífɑ pɔ́ pɛtɑ́tndɑ́-pɑnɔ́ŋpɔꞋ.

Lúkɑ́shi 9:7

Fɔɔ Ɛlɔ̂dɛ ẅi ɑ ḿbɔ́ ɛ́sɑ́Ꞌ pɑk-ŋɡɔŋ-ŋɡɑlíliyɑ zúꞋ pɛ́ kẅíi nu nǔu mɛfɑꞋ mi pɛ́ sɛ́ ɛ́fɑꞋ nǔu lík-Yɛ́su, ɛ́ ɡɑ́ɑnɛ wɛ́ tɛꞋ, ńzɛɛ ŋ́ɡɔ ḿbɔ́, pʉɔ pɔ́ ńcú ŋɡɔ Yɛ́su ɛ̂wɑ́, ɑ Jɑ̂ŋ ẅi ɑ kɑ zẅíimɛnɛ.

ŊwɑꞋnɛ-Gɑŋntúu Yɛ́su Kɛlístɔ 4:27

Ɛ́ kwɑꞋ nu. Ɛlɔ̂dɛ pɔ́p Pɔ́ŋntí Pilɑ́tu cúꞋlɛ tsɛt tʉ́sɔŋ yɔ pɔ́p pɑtúu tɛ mbɑ mɛcɔ́ mɛtsɛ́nndɑ́-Íslɑyɛ̂l, ńcúꞋlɛ pɔ́Ꞌɔ, nɛlʉ̈ɔ́Ꞌ Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ, ńzɔ́Ꞌ wɛ́.