Lúkɑ́shi 22:61 - Kɑɑ Fí

⁶¹ Yɛ́su shɔtnɛ ńdíŋɛ Pyɛ̂, mík mɔ́pnɛ puutɛ. Pyɛ̂ ɡɔ́ɔ ŋ́kẅíitɛ nu yi Tsɑpʉɔ lɑ́Ꞌnɛ ńcú mbɔ̌ wɛ́ ŋɡɔ: «Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»

Lúkɑ́shi 22:61 ပူးပေါင်းရင်းမြစ်များ

Mɑtʉ̈ɔ 26:34

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ŋ kɛ́ ɛ́sẅíi wú, kwɑꞋ nɛ́nẅín, mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ nɛtúꞋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»

Mɑtʉ̈ɔ 26:75

Pyɛ̂ ɡɔ́ɔ ŋ́kẅíitɛ pɑ́Ꞌ Yɛ́su lɑ́Ꞌnɛ ńcú mbɔ̌ wɛ́ ŋɡɔ mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ, mbɔ ɔ muŋɛ wɑ́ɑ ŋkɑ́ yɛ́tɑ́t, ɛ́fú tɛtɑ́ɑ ńcẅɛt, ŋ́kíi tɛꞋ.

Mɑ́lɛ́kúshi 5:30

Yɛ́su ɡɔ́ɔ ńzúꞋ pɑꞋ mɛcɔ́ mɛtʉʉ cẅɛtnɛ mbʉʉ yɛ́, ɛ́shɔtnɛ ńdíŋɛ lɑ́Ꞌ, ḿbíkŋɛ ŋɡɔ: «Wɔ̌ kuunɛ ndẅí yɑɑ?»

Lúkɑ́shi 10:41

Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.

Lúkɑ́shi 22:34

Yɛ́su cú ŋɡɔ: «Pyɛ̂, tsʉ́Ꞌ ŋ kɛ́ ɛ́sẅíi wú: Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ nɛtúꞋ lɔ́Ꞌnɛ, mbɔ ɔ muŋɛ mɔ́ wɑ́ɑ ŋkɑ́ yɛ́tɑ́t.»

Lúkɑ́shi 22:60

Pyɛ̂ tsɔ́Ꞌ ŋɡɔ: «ŋu wɔ! Ŋ kɑ́ jí nu yi ɔ pɑ́Ꞌ ńdɔk ńcú pɔ́.» Pyɛ̂ pɛ́t ńcú cúnɛ, mɔ̂ŋkʉ̈ɔ́Ꞌ ɡɔ́ɔ ńtɔ́ŋ.

Lúkɑ́shi 22:62

Pyɛ̂ fú tɛtɑ́ɑ ńcẅɛt, ḿbuu ŋ́kíi tɛꞋ.

Lúkɑ́shi 7:13

Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»

Lúkɑ́shi 7:19

ńtúu wɔ́p ŋɡɔ pɔ́p ɡʉ ḿbíkŋɛ Yɛ́su ŋɡɔ ɑ Nzɑ́Ꞌŋkʉ ẅí pɛ́ kɑ pɔ́ ńzẅíꞋlɛ lɑ́, kɛ pɛ́ ḿbɛn ńzẅíꞋlɛ pɔ wɛcɔ́ ŋu ndɛꞋ ɔ́ɔ?

Jɑ̂ŋ 13:38

Yɛ́su tsɔ́Ꞌ ŋɡɔ: «Ɔ cú ŋɡɔ ɔ ɡʉ ŋ́ɡɑ́ tú yú ntɛ́ wɑ́ɑ? Lɑ́ mɔ ɛ́sẅíi wú, kwɑꞋ nɛ́nẅín, mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Ɛ́fɛ̂zɛ 2:11

Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.

Mɛnu ɛ́ ńdɑ́Ꞌ ńcẅɛt 2:5

Pʉʉ kɛ́ ŋ́kẅíitɛ zʉꞋ yí pʉʉ kɑ tʉ́ʉnɛ zúꞋu lɑ ḿvu sɛ́, ŋ́kúpmɛ mɑt wʉʉ ḿbɛn ɛ́fɑꞋ mɛfɑꞋ mí pʉʉ kɑ pɔ́ ɛ́fɑꞋ. Tɛ ɛ́ pɔɔ pɔ́Ꞌɔ pɔ́, mbɔ n dɑɑ ŋ́ɡɔ ńtɔ́, pʉʉ pɛ́t pɔ kɛ́ kúpmɛ mɑt, mbɔ ŋ ɡʉ ńtíi yʉʉ kyɛꞌ, ŋ́kúpmɛ zʉꞋ yɛ́.