Lúkɑ́shi 22:53 - Kɑɑ Fí

⁵³ Lɑ́ mɔ, ŋ kɑ pɔ́ lɛ́Ꞌ tsʉʉ, ŋ́kɛ́ ḿbɔ́ pɔ tsɛtsɛt pʉʉ tsɛt ndɑ́-nɛnɔŋpɔꞋ, pʉʉ kɛ ḿbɔɔ lɔ́ɔ nɛɡẅɛɛ wɑ́ɑ pɔ́. Lɑ́, yʉʉ ŋkɑ́ pʉ́ɔ, mbɔ ɛ́ ɡɔ́ɔ mɔ́ ŋ́kɛ́ ŋ́kuꞋ, ḿbɔ́ ŋkɑ́ yi Fɔɔ-mɛnu-nzɛ́nzʉ́ʉ tɔ́ mɔ́ tɛ ḿbɔ́ ɛ́sɑ́Ꞌ lɑ́Ꞌ yɛ.»

Lúkɑ́shi 22:53 ပူးပေါင်းရင်းမြစ်များ

Mɑtʉ̈ɔ 21:23

Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»

Lúkɑ́shi 22:52

Yɛ́su ɡɔ́ɔ ŋ́kɛ́ ńcú mbɔ̌ pɛtɑ́tndɑ́-pɑnɔ́ŋpɔꞋ pɔ́p pɛtɑ́tndɑ́ pɑpyɛ́p ndɑ́-nɛnɔŋpɔꞋ pɔ́p pɛkɛ́m-lɑ́Ꞌ pinɛ pɔ́p tɔ́nɛ nɛɡẅɛɛ wɛ́ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑꞋ ŋkɑ́ yi pʉʉ ɡʉ ɡẅɛɛ tsɔ́ŋ pɑꞋnɛ ŋɡɔ ku?

Lúkɑ́shi 22:54

Pɔ́p ɡẅɛɛ Yɛ́su ńdɔk ŋ́ɡʉ nɛ njɛ́Ꞌ tɑ́tndɑ́-pɑnɔ́ŋpɔꞋ, Pyɛ̂ cʉ́ɔ nzʉʉ pɔ́p, lɑ́ ŋ́kɛ́ ḿbɔ́ pɔ ŋɡɑ sɛsɑ.

Jɑ̂ŋ 12:27

Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»

Jɑ̂ŋ 13:30

Jẅidɑ cẅɛ́ɛ mbʉ̈ɔ́Ꞌ-yúujʉ́ pɔ́Ꞌɔ, ŋ́ɡɔ́ɔ ɛ́fú ndɑ́ ńcẅɛt. Mbɔ túꞋ lɑ́Ꞌ sʉ́ʉ.

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 7:30

Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 7:45

Pɑpyɛ́p ndɑ́-nɔŋpɔꞋ pínɛ pɛ́ lɑ́Ꞌnɛ ńtúu wɔ́p pɛn nzʉʉ ŋ́kẅɛ́ɛtɛ pɛtɑ́tndɑ́-pɑnɔŋpɔꞋ pɔ́p pɑfɑlísɑy, pɔ́p píkŋɛ wɔ́p ŋɡɔ pɔ́p kɑ́ lɔk Yɛ́su ńtɔ́ pɔ́ mɛlɑ́Ꞌ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Kɔlɔsíyɛ̂ŋ 1:13

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.