Lúkɑ́shi 22:36 - Kɑɑ Fí

³⁶ A cú ŋɡɔ: «Ɛ́ ŋkɔ̂ɔnɛ pɑꞋnɛ, mbɔ ɛ́ kúpmɛ tɛ ŋu lɑɑ ŋ́ɡẅɛɛ mɔ́ɔpɑɑ-ŋkɑ́p wɛ, ɑ pɛ́ɛ, ŋ́ɡẅɛɛ pɑɑlyɛpnɛ yɛ, ɑ lyɛp. Ŋu ẅí ɑ kɑ́ ɡẅɛɛ níi-ntsɔ pɔ́, ɑ fɛn ndẅí-fɑ́k yɛ ńdɔk ńzúu yɛ.»

Lúkɑ́shi 22:36 ပူးပေါင်းရင်းမြစ်များ

Mɑtʉ̈ɔ 10:10

Kɔɔ pʉʉ ɡɔ ńcʉ́ɔ sɛ̂ndúŋ ńdyɛp pɑɑ, kɔɔ pʉʉ pɛ́ɛ ŋkúpmɛ-ndẅí, kɔɔ pʉʉ pɛ́ɛ ŋkúp-mɛtɑp, kɔɔ pʉʉ tẅɛꞋ ntẅí. N cú pɑ́Ꞌɑ mbíꞋŋɡɔ ŋu lɑɑ ḿbɔ́ ɛ́fɑꞋ ɡɔ́ lɑ́, mbɔ yúujʉ́ pɛ́ ɡʉ ɛ́fú zúꞋu.

Lúkɑ́shi 22:35

Yɛ́su pɛn ḿbíkŋɛ ɡɑŋku pɛ́ ŋɡɔ: «Pʉʉ kẅíitɛ ŋkɑ́ yi ŋ kɑ túunɛ wʉ́ʉ ŋɡɑ sɛsɑ, pʉ́ʉ kɑ ɡʉ kɛ́ mɔ́ɔpɑɑ kɛ́ pɑɑlyɛpnɛ kɛ́ mɛtɑp, pʉʉ kɛ ńtswɛ́ ńnɛn pɛꞋnɛ, ńdɑ́Ꞌ ńjɑ́k kʉ̈ɔ́?» Pɔ́p cú ŋɡɔ ŋɡɑ́ŋ, yúu ŋkɑɑ zɑ́k.

Lúkɑ́shi 22:37

N cú pɑꞋnɛ, nu yí pɛ́ kɑ ŋwɑꞋnɛnɛ ntɛ́ wɑ́ɑ sɛ́ ŋ́ɡʉ ḿbuutɛ. Pɛ́ kɑ ŋwɑꞋnɛ tsɛt ŋwɑꞋnɛ ŋɡɔ: «Pɛ́ ɡʉ ńdɑ́Ꞌ ɛ́sɑ́ŋ wɛ́ tsɛtsɛt pɛfút. Mbɑ kʉ̈ɔ́ lɑ́ kɛ ḿbɔ́ pɑꞋnɛ ńzɛ zɛnɛ nɛpuutɛ.»

Lúkɑ́shi 22:38

Gɑŋku pɛ́ cú mbɔ̌ wɛ́ ŋɡɔ: «Tsɑpʉɔ, mɛníi-ntsɔ mɑ́ɑ sɛ́ mɛmbɑ́.» Yɛ́su cú ŋɡɔ: «pʉʉ nɑ́ pɑ́Ꞌ.»

Jɑ̂ŋ 15:20

Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

1 Tɛsɑlɔník 3:4

Pʉʉ kẅíitɛ pɑ́Ꞌ pɛk kɑ pɛ́tnɛ tsɛtsɛt pʉʉ, ḿbiitɛ ɛ́sẅíi wʉ́ʉ ŋɡɔ ŋɡʉ̈ɔ́Ꞌ ɡʉ ńtɔ́ nǔu pɛkŋɛ. Ɛ́ kɑ kɛ́ ńtɔ́ tɛ pʉʉ pɔ́ ńjí yʉ́ʉ.

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.