Lúkɑ́shi 22:31 - Kɑɑ Fí

³¹ Yɛ́su pɛn ńcú mbɔ̌ Pyɛ̂ ŋɡɔ: «Símɔ̂ŋ, Símɔ̂ŋ, Sɑ́ttɑ ńdɑ́Ꞌ mɔ́ ńdɔ́ɔ nɛtɑꞋ wʉ́ʉ pɛtsʉʉ ńtíitɛ, pɑꞋ pɛ́ tɑꞋnɛ mɛkúu ńtíitɛ lɑ́.

Lúkɑ́shi 22:31 ပူးပေါင်းရင်းမြစ်များ

Mɑtʉ̈ɔ 26:30

Ŋ́ɡɛ pɔ́Ꞌɔ, pɔ́p pɛ́pɔ́p ɡɔ́ɔ ŋ́kɛ́ ńzɔp mɛŋki ńdɔk ŋ́ɡúꞋlɛ Sɛ́, ŋkɑ́ kuꞋ pɔ́p cẅɛt, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ.

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Lúkɑ́shi 10:41

Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 9:4

A tsɔ́Ꞌnɛ ḿvu sɛ́, ńzúꞋ ŋɡi-ŋu cú mbɔ̌ wɛ́ ŋɡɔ: «Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́?»

1 Kɔlɛ̂ŋtɛ 5:5

ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»

2 Kɔlɛ̂ŋtɛ 2:11

ńjí ŋɡɔ pɛkŋɛ kɛ́ nɑ́ Sɑ́ttɑ ɑ lɛɛ wɛkŋɛ pɔ́, mbíꞋŋɡɔ pɛkŋɛ kɑ́ pɔ́ ḿmuŋɛ yúu mi ɑ nzʉʉ pɛkŋɛ ńdɔɔ pɔ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

Mɛnu ɛ́ ńdɑ́Ꞌ ńcẅɛt 12:10

M bɛn ŋ́kɛ́ ńzúꞋ wɛcɔ́ ŋu lɔk ŋɡi tɛnnɛ, ɛ́fú tʉ́nɛ́pú ḿbɔ́ ńcú ŋɡɔ: «Ɛ́ pʉ́ɔlɑɑ, mbɔ ŋkɑ́ yi pɛ́ ɡʉ ńduk kuꞋ. Ɛ́ pʉ́ɔlɑɑ, mbɔ ŋkɑ́ yi Sɛ́ wɛkŋɛ ɡʉ ńnyɛt mɛtʉʉ mɛ́, jʉ́ tsʉ́Ꞌnɛ ɛ́sɑ́Ꞌ pʉɔ ɛ́ kuꞋ. Ɛ́ pʉ́ɔlɑɑ, mbɔ ŋkɑ́ yi Nzɑ́Ꞌŋkʉ wɛ ẅí ɑ kɑ tsɔ́Ꞌnɛ ɡʉ ńnyɛt mɛ́ mɛtʉʉ kuꞋ. MbíꞋŋɡɔ pɛ́ tsʉ́ʉ ŋu ẅí ɑ ḿbɔ́ ńjúk ńtʉ́ʉ mbi Sɛ́ wɛkŋɛ nɛnɛm pɔ́p nɛtúꞋ, ɛ́fɛn pɔ́ɔpɛ́mɑ́ pɛkŋɛ. Pɛ́ tsʉ́ʉ wɛ́ ḿmɑꞋ ndǔ tsɛ́tsɑ́Ꞌ.»