Lúkɑ́shi 20:6 - Kɑɑ Fí

⁶ Ḿbɛn ŋ́ɡɔ, ɛ́ fú mbɔ̌ pʉɔmɛsɔŋ, mbɔ lɑ́Ꞌ ɡʉ ńdɔk mɛŋɡɔꞋ ńtɛ́m wɛkŋɛ ńjẅí, mbíꞋŋɡɔ pɔ́p tsɛt yɔ́p tú ḿbɔ́ ńjí ŋɡɔ Jɑ̂ŋ kɑ pɔ́ ŋɡɛ́mndʉ̈ɔꞋ-Sɛ́.»

Lúkɑ́shi 20:6 ပူးပေါင်းရင်းမြစ်များ

Mɑtʉ̈ɔ 11:9

Tɛ pʉʉ m̄bɔ́ ŋ́ɡʉ nɛjʉ́ɔ pɔ wɔ̌? Ŋɡɛ́mndʉ̈ɔ́Ꞌ-Sɛ́ kîi? Ɔ́ɔŋ lɑ́ ŋ kɛ́ ɛ́sẅíi wʉ́ʉ, ɑ kɑ pɔ́ jʉ́, lɑ́ ńtsɑ mbɑ ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 14:5

Ɛlɔ̂dɛ zúꞋ, ńzɛ nɛlɔɔ shʉ́ nɛjẅí Jɑ̂ŋ, lɑ́ ḿbɔ́ ḿbɔ́k mík-pɑyúdɑ. MbíꞋŋɡɔ pɔ́p pɛtsʉʉ kɑ pɔ́ ńjí ŋɡɔ Jɑ̂ŋ Ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 21:26

Ḿbɛn ŋɡɔ pʉɔmɛsɔŋ, mbɔ lɑ́Ꞌ kɛ́ ɡɛ ńnɑ́ wɛkŋɛ pɔ́, mbíꞋŋɡɔ pʉɔ tsʉʉ sɛ́ ńjí ŋɡɔ Jɑ̂ŋ kɑ pɔ́ Ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 21:46

ńdɔɔ shʉ́ nɛɡẅɛɛ wɛ́, lɑ́ ḿbɔ́k mík-lɑ́Ꞌ, mbíꞌŋɡɔ lɑ́Ꞌ kɑ pɔ́ ńjí ŋɡɔ Yɛ́su Ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 26:5

Lɑ́ pɔ́p pɔ́ ńcú ŋɡɔ kɔɔ pɛ́ kɛ́ ŋ́ɡẅɛɛ wɛ́ lɛ́Ꞌ-ndínɑ, ḿbɔ́k lɑ́Ꞌ nɛtɑ́k zʉꞋ.

Mɑ́lɛ́kúshi 12:12

Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Lúkɑ́shi 1:76

Sɑkɑlíyɑ pɛn ńcú ŋɡɔ: «Ɛ́ ɡʉ nǔu ɡu mɔ́ɔ wɑɑ, mbɔ pɛ́ ŋ́ɡɛ ńdɑ́Ꞌ ɛ́fúŋ wú ŋɡɔ ŋɡɛ́mndʉ̈ɔ́Ꞌ-Sɛ́, Sɛ́ ẅi ɑ piꞋnɛ mbɑ kʉ̈ɔ́ lɑ́. Tsɑpʉɔ ɡɔ ḿbɛn ńtɔ́, mbɔ ɔ piitɛ ḿbɔ́ mbi ńniitɛ sɛ̂ndúŋ yɛ́.

Lúkɑ́shi 20:5

Pɔ́p zúꞋ, ŋ́kwɑŋɛ tsɛtsɛt pɔ́p ŋɡɔ: «Pɛkŋɛ lɑɑ ŋ́ɡɔ, Sɛ́ kɑ túunɛ wɛ́, mbɔ ɑ ɡɛ ḿbíkŋɛ wɛkŋɛ ŋɡɔ tɛ mɛlɑ́Ꞌkʉ̈ɔ́ pɛkŋɛ ŋ́kɑɑ pɛ́m nu-Jɑ̂ŋ pɔ́ ɔɔ?

Lúkɑ́shi 20:7

Ŋ́kwɑŋɛ pɑꞋɑ, ńtsʉ́Ꞌ ńtsɔ́Ꞌ pɔ ŋɡɔ, pɔ́p kɑ́ jí ŋu ɑ m̄bɔ́ ńdɔk wɛ́ ńtʉʉ pɔ́.

Lúkɑ́shi 7:30

Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Jɑ̂ŋ 10:41

Pʉɔ tɛ ńzɑ́ɑ tɔ́ nɛjɔ́ŋ yɛ́, ḿbɔ́ ńcú ŋɡɔ: «Jɑ̂ŋ ŋkɑɑ ɡɛ yɛcɔ́ nu mɑ̌ɑmɑɑnɛ pɔ́, lɑ́ kʉ̈ɔ́ lɑ́ yi ɑ kɑ cúnɛ nǔu ŋu mbɛ́ɛnɛ wɔ kɑ pɔ́ nu nɛ́nẅín.»

ŊwɑꞋnɛ-Gɑŋntúu Yɛ́su Kɛlístɔ 5:26

Tɑ́tndɑ́-pɑpyɛ́p zʉꞋ pɔ́p pʉɔ pɛ́ ɡʉ nɛlɔk wɔ́p ńtɔ́. Lɑ́ ŋ́kɛ́ ḿbɔɔ lɔk tʉʉ ŋ́ɡẅɛɛ wɔ́p pɔ́. MbíꞋŋɡɔ lɑ́Ꞌ kɑ pɔ́ zúꞋu tɛꞋ. Pɔ́p pɔ́ ḿbɔ́k pɑ́Ꞌ pɛ́ ɡʉ ńdɔk mɛŋɡɔꞋ ńtɛ́mtɛ wɔ́p ńjẅítɛ.