Lúkɑ́shi 20:47 - Kɑɑ Fí

⁴⁷ Pɔ́p kɛ́nɛ ḿbɛn ńdɔk jínu ńcẅɛ́ɛ yúu pɛpfúk, ńtsʉ́Ꞌ nɛcɛꞋlɛ Sɛ́, ńdɔk nɛcú nu ɛ́ sɑk ɛ́fú mík pʉɔ. Sɛ́ ɡʉ ńdɑ́Ꞌ ńzɑ́p yɔ́p tsɑ́ŋ ɛ́ tɛn tɛꞋ.»

Lúkɑ́shi 20:47 ပူးပေါင်းရင်းမြစ်များ

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 23:14

(Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ ɡɑŋ-mɛfʉklɛ, pʉʉ ɡẅɛɛnɛ pɛpfúk ńcẅɛ́ɛ mɛndɑ́ mɔ́p, ńtsʉ́Ꞌ nɛcɛꞋlɛ Sɛ́, ńcú nu ɛ́ sɑk, nɛlɔk ɛ́fú mík-pʉɔ, pɔ́p kwɑŋɛ ŋɡɔ pʉʉ pʉɔ sʉ́Ꞌnɛ. Ɛ́ ɡʉ ńdɛɛ pɔ́Ꞌɔ, pʉʉ lɑ́Ꞌ ŋ́kúu tsɛt ŋɡʉ̈ɔ́Ꞌ ɡwɛ́.

Mɑ́lɛ́kúshi 12:40

ḿbɛn ńdɔk jínu ńcẅɛ́ɛ yúu pɛpfúk, ńtsʉ́ꞌ nɛcɛꞋlɛ Sɛ́, ńdɔk nɛcú nu ɛ́ sɑk, ɛ́fú mík-pʉɔ, Sɛ́ ɡʉ ńdɑ́Ꞌ ńzɑ́p yɔp ŋɡʉ̈ɔ́Ꞌ ɛ́ tɛn tɛꞋ.»

Lúkɑ́shi 12:1

Yɛ́su pɔ́ sẅiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ ńtɔ́ nɛjɔ́ŋ wɛ́, zʉꞋ fyɛ́tnɛ fyɛ́tnɛ́nɛ tɛ pɛ́ pɔ́ ńnʉŋtɛ mɛku pʉɔ. A ɡɔ́ cú nu mbɔ̌ lɑ́Ꞌ, ḿbiitɛ ńcú mbɔ̌ ɡɑŋku pɛ́ ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-Fɑlísɑy, kɔɔ pʉʉ tsʉ́Ꞌ ɡɑŋmɛfʉ́klɛ pɑ́Ꞌ pɔ́p.

Lúkɑ́shi 20:46

«Pʉʉ lʉ́ɔꞋ pɑkyɛ́Ꞌtɛ nɛpʉ́ʉ-Mɔ̌sɛ̂ɛ. Pɔ́p kɔŋ nɛmɑꞋ mɛsɛsɑ ndẅí ńdɔk ḿbɔ́ ŋ́kɑ́t, ḿbɛn ŋ́kɔŋ ŋɡɔ pɛ́ cɛꞋlɛ wɔ́p ndǔ zɑ́n. Ŋ́kúumɛndɑ́-cúꞋlɛ, ŋ́kɑŋ yɔ́p zʉꞋ pɔ mbi. Pɔ́p kúu zʉꞋ mɛtsɑ́ɑtɛ, ńnɑ́ŋ pɔ nǔu zʉꞋ pɛlʉ́m.

Lúkɑ́shi 21:1

Yɛ́su pɛ́t ḿbɔ́ pɔ ndɑ́-nɛnɔŋpɔꞋ, ɛ́shɔtnɛ ḿbɔ́ ńdíŋɛ zʉꞋ, ńjʉ́ɔ pɑ́Ꞌ ɡɑŋyúu sɛ́ ńníꞋ yúu-pɔꞋ tsɛt zʉꞋ yi pɛ́ níꞋnɛ yúu pɔꞋ zúꞋu.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.