Lúkɑ́shi 20:41 - Kɑɑ Fí

⁴¹ Yɛ́su pɛn ńcú mbɔ̌ pɔ́p ŋɡɔ: «Pʉʉ kwɑŋɛ yʉ́ʉ ŋɡɔ pɛ́ zíꞋ pʉɔ ŋɡɔ Nzɑ́Ꞌŋkʉ ẅi Sɛ́ kɑ lɑ́Ꞌnɛ ŋ́kɑꞋ ŋɡɔ ɑ ɡʉ ńdɑ́Ꞌ ḿbɔ́ ŋu nǔu njẅɛt-Fɔɔ Ndɑvît pɛꞋnɛ ńdɔk ḿbɔ́ ŋɡɔ ku?»

Lúkɑ́shi 20:41 ပူးပေါင်းရင်းမြစ်များ

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Jɑ̂ŋ 7:42

Ntɛ́ ŋɡɔ pɛ́ kɑ ŋwɑꞋnɛ tsɛt ŋwɑꞋnɛ-ndɛn kɑɑ ŋɡɔ: «Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ nǔu njẅɛtndɑ́-fɔɔ Ndɑvît, ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ Mbɛ́tɛlɛhɛ̂m ẅí ɛ́ lɑ́Ꞌ pɛ́ fɔɔ Ndɑvît.»

ŊwɑꞋnɛ-Gɑŋntúu Yɛ́su Kɛlístɔ 2:30

Lɑ́ ɑ m̄bɔ́ Ŋɡɛ́mdʉ̈ɔ́Ꞌ-Sɛ́, ḿbɛn ḿbɔ́ ńjí nu yí Sɛ́ kɑ kɑꞋnɛ mbɔ̌ wɛ́ tɛ ŋ́kɑɑ ŋɡɔ jʉ́ Sɛ́ ɡʉnɛ ńdɑ́Ꞌ ŋ́ɡɛ, mɔ́ɔ ẅi ɑ cẅɛtnɛ nǔu njẅɛt yɛ nɑ́ŋnɛ nǔu kɔꞋ-nɛfɔɔ nɛ́.

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.