Lúkɑ́shi 20:23 - Kɑɑ Fí

²³ Yɛ́su jí ŋɡɔ pɔ́p zẅíꞋ pɔ ntsu wɛ, ńcú mbɔ̌ pɔ́p ŋɡɔ:

Lúkɑ́shi 20:23 ပူးပေါင်းရင်းမြစ်များ

Mɑtʉ̈ɔ 16:1

Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 22:18

Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»

Lúkɑ́shi 20:20

Ŋ́ɡɔ́ɔ ńzɛ nɛpɔ́ ḿbɑ́tɛ wɛ́, ńtúu pɛ mɑ́nɑ́ŋ nzʉʉ yɛ, lɑ́ pɔ́p pɔ́ yɔ́p nzʉʉ yɛ pɔ pɑꞋ pʉɔ sʉ́Ꞌnɛ, lɑ́ ḿbɔ́ ńzẅíꞋlɛ pɑꞋ ɑ ɡɛ ɛ́fɑɑnɛ ntsu wɛ́, lɑ pɛ́ lɔk ŋ́ɡẅɛɛ wɛ́ ŋ́ɡɑ́ mbɔ̌ ŋɡɔ́mnɑɑ-Pɑlɔ́mɑ.

Lúkɑ́shi 20:22

Sẅíi wɛk: “Nɛpʉ́ʉ nɛkŋɛ pɛꞋnɛ ḿbɛ́m ŋɡɔ pɛkŋɛ mɑꞋ ntsup-kɑ́sɑ-Pɑlɔ́mɑ kɛ ŋɡɑ́ŋ?”»

Lúkɑ́shi 20:24

«Pʉʉ ńnyɛt wɑ́ɑ nɛ́ pɑk-ŋkɑ́p.» Pɛ́ ɡɑ́ mbɔ̌ wɛ́. A píknɛ ŋɡɔ: «Yɔ shʉ́-wɔ̌ ẅi ɛ́ nǔu ŋkɑ́p? Yɔ pɔ́ lík wɔ̌ yi ɛ́ nǔu?» Pɔ́p tsɔ́Ꞌ mbɔ̌ wɛ́ ŋɡɔ: «Ɛ́ wɛ Kɑ́sɑ, lík pɛn ḿbɔ́ pɔ yɛ́.»

Lúkɑ́shi 5:22

Yɛ́su ɡɔ́ɔ ńjí yúu mi pɔ́p sẅíitɛ́nɛ nǔu, ḿbíkŋɛ wɔ́p ŋɡɔ: «MbíꞋkʉ̈ɔ́ pʉʉ ɡẅɛɛ yɔ ntɛ́ kwɑŋɛ tsɛt tʉ́m pʉʉ?

Lúkɑ́shi 6:8

Lɑ́ Yɛ́su piitɛ ńjí kwɑŋɛ yɔ́p, ńcú mbɔ̌ pfú pɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi lɑ́Ꞌ.» A lɔ sɛ́ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

1 Kɔlɛ̂ŋtɛ 10:9

Pɛkŋɛ pɑ́ɑ nɛtsʉ́ʉnɛ Tsɑpʉɔ tsʉ́ʉnɛ́nɛ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ lɑ mɛnɔ́ tsúktɛ wɔ́p pɔ́p pfútɛ.

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.