Lúkɑ́shi 20:22 - Kɑɑ Fí

²² Sẅíi wɛk: “Nɛpʉ́ʉ nɛkŋɛ pɛꞋnɛ ḿbɛ́m ŋɡɔ pɛkŋɛ mɑꞋ ntsup-kɑ́sɑ-Pɑlɔ́mɑ kɛ ŋɡɑ́ŋ?”»

Lúkɑ́shi 20:22 ပူးပေါင်းရင်းမြစ်များ

Mɑtʉ̈ɔ 17:25

Pyɛ̂ tsɔ́Ꞌ ŋɡɔ: A ɡɑ́ ɡɑ́nɛ, ńcú pɔ́Ꞌɔ, ŋ́kúu ndɑ́, ḿbɛ́t pɔ kɛ́ ŋɑ́Ꞌ ntsu wɛ́, Yɛ́su cú mbɔ̌ wɛ́ ŋɡɔ: «Símɔ, ɔ kwɑŋɛ yú ŋɡɔ kʉ̈ɔ́. Ɛ́ ndǔ mbí yɔ pɛ́Ꞌɛ, pɛ́ wɔ̌ mɑꞋnɛ ntsup-ntʉ̈ɔꞋ pɔ́p mɛcɔ́ mɛntsup, mbɔ̌ pɛfɔɔ? Pɑlɑ́Ꞌ pɛ́ kɛ pɑlɑ́Ꞌ-ntʉɔꞋ?»

Lúkɑ́shi 20:21

Pɔ́p tɔ́ ḿbíkŋɛ Yɛ́su ŋɡɔ: «Ndɛ, pɛk sɛ́ ńjí ŋɡɔ ɔ sɛ́ ńcú nu, ḿbɛn ḿbɔ́ ńdɛꞋlɛ pɔ nu yi ɛ́ tʉ́ʉnɛ ndʉ́ŋndʉŋ, ɔ kɑ́ líŋɛ pʉɔ pɔ nǔu shʉ́ pɔ́, ńdɛꞋlɛ nu nɛ́nẅín, pɔ pɑꞋ Sɛ́ sɛ́ ḿbíkŋɛ ŋɡɔ pɛ́ ɡɛ pɔ́Ꞌɔ.

Lúkɑ́shi 20:23

Yɛ́su jí ŋɡɔ pɔ́p zẅíꞋ pɔ ntsu wɛ, ńcú mbɔ̌ pɔ́p ŋɡɔ:

Lúkɑ́shi 23:2

Ńzɛ nɛfɛn wɛ́ ŋɡɔ: «Pɛk jʉ́ɔ ŋu wɔ pɔ́ ńjúk ŋ́kɑ́t tsɛt ŋɡɔŋ wɛk ḿbʉ́ʉpɛ tú-lɑ́Ꞌ, ńtɔꞋ wɔ́p nɛmɑꞋ ntsup-ntʉ̈ɔꞋ, ŋ́ɡɑ́ mbɔ̌ kɑ́sɑ-Pɑlɔ́mɑ. A pɛn ḿbɔ́ ńcú ŋɡɔ ɑ Nzɑ́Ꞌŋkʉ ẅí Sɛ́ kɑ kɑꞋnɛ mbɔ̌ pɛk, ńdɔk ńcú ŋɡɔ ɑ fɔɔ.»

ŊwɑꞋnɛ-Gɑŋntúu Yɛ́su Kɛlístɔ 5:37

Ɛ́ lɑ́Ꞌ ḿbɔ́ ŋkɑ́ yi pɛ́ kɑ pɔ́ ɛ́sɑ́ŋ lɑ́Ꞌ, Jẅidɑ ŋu-Ŋɡɑlilɛɛ cẅɛt yɛ́ ɡúu. Pɛ́ cʉ́ɔ nzʉʉ yɛ́ tɛꞋ. Pɛ́ pɛn ńjẅí wɛ́ ɡúu, pʉɔ pɛ́ tɑ́kŋɛ ɛ́sɑt zʉꞋ, Yɔ́p mɛ.

Pʉɔ-Lɔ́mɑ 13:7

Pɔ́Ꞌɔ lɑ́, ɛ́ ɡʉ nǔu pɑsɑ́Ꞌŋɡɔŋ, pʉʉ ɡɑ́ yúu mi ɛ́ sɛ́ ḿbíkŋɛ ŋɡɔ pʉʉ ɡɑ́ mbɔ̌ mbɑ wɛ́tɛ́ ŋu lɑ́ mbɔ̌ wɛ́. Ɛ́ lɑɑ ḿbɔ́ ntsup-ŋɡɔŋ, pʉʉ ɡɑ́ mbɔ̌ ŋu ẅí ɑ cẅɛ́ɛnɛ ntsup-ŋɡɔŋ, ḿbɔ́ ŋkɑ́p yi nɛpʉ́ʉ sɛ́ ḿbíkŋɛ mbɔ̌ pʉʉ nǔu yɛcɔ́ nu, pʉʉ ɡɑ́ mbɔ̌ ŋu ẅí ɑ cẅɛ́ɛnɛ. Pʉʉ zúꞋ ntsu-ŋu ẅí ɛ́ sɛ́ ḿbíkŋɛ ŋɡɔ pɛ́ zúꞋ ntsu wɛ́, ŋ́ɡɑ́ mɛkuꞋ ŋu ẅí ɛ́ sɛ́ ḿbíkŋɛ ŋɡɔ pɛ́ ɡɑ́ mɛkuꞋ mɛ́.