Lúkɑ́shi 2:7 - Kɑɑ Fí

⁷ A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

Lúkɑ́shi 2:7 ပူးပေါင်းရင်းမြစ်များ

Mɑtʉ̈ɔ 1:25

Lɑ́ pɔ́pmɛ́ kɛ́ ńdɑ́Ꞌ ḿbɔɔ nɔɔ, tɛ ɑ ɡɛ ḿbí mɔ́ɔ ɛ̂wɑ́, Yɔsɛ̂p cẅi lík yɛ́ ŋɡɔ Yɛ́su.

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Lúkɑ́shi 10:34

A tɔ́ nɛjɔ́ŋ wɛ́, ńdɔk mɛluꞋ suk mɛfʉ́ŋ mɛ́, ńdɔk mɛɡwɛ́t ńcʉ̈ɔꞋ, ńdɔk yúu ndẅí ŋ́kút, tɛ ŋkɑ́ kuꞋ ɑ ńtíi wɛ́ ndǔ nɑɑ ẅí ɑ ɡɔ ńtɔ́, ńnɑ́ŋ ndǔ, ńdɔk wɛ́ ŋ́ɡʉ tɛ ŋ́kúu ndɑ́ yi pɛɡʉʉ píinɛ, lɑ́ ńdɛ́ zúꞋu, ńdɛ́ lɑ́Ꞌ ńdíŋɛ wɛ́.

Lúkɑ́shi 2:6

Ŋ́kúu zúꞋu, mɔ́ɔ zɛ nɛnɛ́m Mɑlíyɑ.

Lúkɑ́shi 2:8

Ɛ́ pɔ́ ŋkɑ́ ɛ̂yɑ́, pɑpyɛ́p mbí shʉ́ zúꞋu pɔ́ ńdɛ́ píi ḿbyɛ́p mbí yɔ́p,

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.