Lúkɑ́shi 2:47 - Kɑɑ Fí

⁴⁷ Pʉɔ pi pɔ́p kɑ pɔ́ ńzúꞋ sẅíiŋɛ yɛ́ ḿbɔ́ ŋ́ɡʉ̈ɔꞋtɛ jínu yɛ́ mbɑ yɛ ntɛ́ nɛtsɔ́Ꞌ nu.

Lúkɑ́shi 2:47 ပူးပေါင်းရင်းမြစ်များ

Mɑtʉ̈ɔ 13:54

nɛ́ lɑ́Ꞌ pɔ́p, ŋ́kúu zúꞋu, ḿbɔ́ ńzíꞋ pʉɔ nɛ́ nu-Sɛ́ tsɛt ndɑ́-cúꞋlɛ-pɑyúdɑ. Pʉɔ pínɛ pɔ́p zúꞋu zúꞋ sẅiŋɛ yɛ́, ḿmɑɑ ńcú ŋɡɔ: «A lɔk yɔ jínu nɛ́ mɛtʉʉ nɛlɔk ŋ́ɡɛ mɛŋkʉꞋnɛ mɛnu ɛ́fú ɡɔ́?

Mɑtʉ̈ɔ 22:33

Nɔɔ-lɑ́Ꞌ yi ɛ́ m̄bɔ́nɛ zúꞋu kɑ pɔ́ ŋ́ɡʉ̈ɔꞋtɛ ntɛ́ yi Yɛ́su lɔknɛ ńzíꞋ pʉɔ nɛ́ yúu pɔ́Ꞌɔ.

Mɑtʉ̈ɔ 7:28

Yɛ́su zíꞋ pʉɔ nɛ́ mɔnɛ mɛnu tɛ ḿbɔ́tnɛ ńnɑ́ŋ, lɑ́Ꞌ puu ḿmɑɑ yɛ́ ntɛ́ nɛzíꞋ pʉɔ nɛ́ yúu,

Mɑ́lɛ́kúshi 1:22

A ḿbɔ́ ŋ́ɡɛ pɑꞋ ŋu Sɛ́ túunɛ wɛ́, ḿbɔɔ ŋ́ɡɛ pɑꞋ pɑkyɛ́Ꞌtɛ nɛpʉ́ʉ-Sɛ́ pɔ́, lɑ́Ꞌ zúꞋ sẅiŋɛ yɛ́, ḿmɑɑ tɛꞋ.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑ́lɛ́kúshi 6:2

Lɛ́ꞌ-nji yɔ́p ɡɛ ḿbɔ́, ɑ ɡʉ ndɑ́-cúꞌlɛ pɔ́p, ńzɛ nɛzíꞋ pʉɔ nɛ́ nu-Sɛ́, pʉɔ tɛ ńzɑ́ɑ zúꞋ sẅiŋɛ yɛ́, ḿmɑɑ tɛꞋ, ḿbɔ́ ńcú ŋɡɔ: «A lɔk mɔ mɛnu tsʉʉ ɛ́fú pɔ ɡɔ́? Wɔ̌ ɡɑ́nɛ yɔ ntɛ́ jínu mbɔ̌ wɛ́, mbɑ mɛtʉʉ nɛlɔk ŋ́ɡɛ yɔ ŋkʉꞋnɛ nu?

Lúkɑ́shi 2:18

Mbɑ wɔ̌ lɑ́ pɔ́ ńzúꞋ mɔnɛ mɛnu ntsu-pɑpyɛ́p mbí, ḿmɑɑ tɛꞋ.

Lúkɑ́shi 2:46

Ɛ́ ɡɔ ŋ́kuꞋ lɛ́Ꞌ pɛ́tɑ́t, pɔ́p jʉ́ɔ wɛ́ ndɑ́-nɛnɔŋpɔꞋ. A nɑ́ŋ tsɛtsɛt pɑkyɛ́Ꞌtɛ nɛpʉ́ʉ-Sɛ́, ḿbɔ́ ńzúꞋ mɛnu mi pɔ́p ḿbɔ́nɛ ńcú, ḿbɛn ḿbɔ́ ḿbíkŋɛ wɔ́p nɛ́ mɛcɔ́.

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Lúkɑ́shi 4:32

Pɛ́ mɑɑ yɛ ntɛ́ nɛzíꞋ pʉɔ nɛ́ yúu, mbíꞋŋɡɔ Sɛ́ kɑ pɔ́nɛ ŋ́ɡɑ́ wɛ́ nɛ́ mɛtʉʉ lɑ ɑ lɔk ńcú nu.

Jɑ̂ŋ 7:15

Ɛ́ kʉꞋnɛ pɑyúdɑ, pɔ́p cú ŋɡɔ: «A ɡɛ ŋɡɔ́ku ńjí ŋwɑꞋnɛ-ndɛn kɑɑ pɑ́Ꞌɑ, lɑ́ mbɔ ɑ ŋkɑɑ sɛkút zíꞋ?»

Jɑ̂ŋ 7:46

Pɑpyɛ́p ndɑ́-nɔŋpɔꞋ pʉ̈ɔt ŋɡɔ: «Pɛk ŋkɑɑ mɔ zúꞋ wɛcɔ́ ŋu sẅiŋɛ pɑ́Ꞌ ŋu ɛ̂wɑ́ pɔ́!»