Lúkɑ́shi 2:26 - Kɑɑ Fí

²⁶ Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

Lúkɑ́shi 2:26 ပူးပေါင်းရင်းမြစ်များ

Mɑtʉ̈ɔ 2:12

Pɔ́p nɑ́ŋ tɛ ḿbɔ́ ḿbɛn nzʉʉ, Sɛ́ lɔk njʉɔ ɛ́sẅíi wɔ́p ŋɡɔ: «Pɔ́p pɑ́ɑ nɛpɛn ńdɛɛ nɛjɔ́ŋ fɔɔ Ɛlɔ̂dɛ.» Pɔ́p ɡɔ́ɔ ŋ́kɛ́ ńtsʉ́Ꞌ ńdɛɛ pɔ ndúŋ ndɛꞋ lɑ ḿbɛn nɛ́ lɑ́Ꞌ pɔ́p.

Lúkɑ́shi 2:29

«Tsɑpʉɔ, ŋkɔ̂ɔnɛ pɑ́Ꞌɑ, ḿbɔ́ ɔ nɑ́ ŋɡɑŋfɑꞋ wu ɑ pɔ́tnɛ ḿpfú pɑ́Ꞌ ɔ kɑ cúnɛ.

Lúkɑ́shi 9:27

Pʉʉ tsúŋ ńjí ŋɡɔ, pɛcɔ́ pʉɔ pinɛ pɔ́p zɑ́Ꞌnɛ ŋkɔ̂ɔnɛ kɛ́ ɡɛ ḿpfú kɛ́ pɔ́ yi pɔ́p lɔk mík ńjʉ́ɔ nɛfɔɔ-Sɛ́ pɔ́.»

Jɑ̂ŋ 1:41

Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 4:29

«Pʉʉ tɔ́ ńjʉ́ɔ wɛcɔ́ ŋu ẅí ɑ sẅíinɛ wɑ́ɑ nɛ́ mɛnu tsʉʉ mí ŋ kɑ ɡɛnɛ. Tɛ ɑ kɑ́ pɔ́ pɔ Nzɑ́Ꞌŋkʉ ẅi Sɛ́ kɑ kɑꞋnɛ pɔ́ ɔɔ?»

Jɑ̂ŋ 8:51

Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 17:3

Pɔ̂l pɔ́ ńniitɛ ŋ́kyɛ́Ꞌtɛ ɛ́sẅíi wɔ́p ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ, kɑ ɡẅɛɛ nɛjʉ́ɔ ŋɡʉ̈ɔ́Ꞌ, ḿpfú, ḿbɛn ńzẅíimɛ nǔu nɛvú. Nzɑ́Ꞌŋkʉ ɛ̂wɑ́ Yɛ́su ẅi ɑ sẅíinɛ wɔ́p lɑɑ.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Ɛ́bɛlʉʉ 11:5

Ɛ́ kɑ fú pɔ nǔu pɑ́Ꞌ Ɛnɔk kɑ zɑ́pnɛ tʉ́m yɛ́ nǔu Sɛ́, lɑ Sɛ́ lɔk wɛ́ ŋ́ɡʉ ɡʉnɛ tɛ ɑ pɔɔ pfú. Pɛ́ lɔɔ wɛ́ mbɔɔ pɛn ńjʉ́ɔ wɛ́ pɔ́, mbíꞋŋɡɔ ɛ́ kɑ ɡɔ́ ḿbɔ́, mbɔ Sɛ́ lɔk wɛ́ ŋ́ɡʉ. ŊwɑꞋnɛ-Sɛ́ cú ŋɡɔ Sɛ́ kɑ ɡɔ́ ńdɔk wɛ́ ŋ́ɡʉ, mbɔ nu yɛ́ pɔŋ wɛ́.