Lúkɑ́shi 2:14 - Kɑɑ Fí

¹⁴ «Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Lúkɑ́shi 2:14 ပူးပေါင်းရင်းမြစ်များ

Mɑtʉ̈ɔ 21:9

Lɑ́Ꞌ pɔ́ mbi, yɛcɔ́ pɔ́ nzʉʉ, ńnɛn ńcú ŋɡɔ: «Wûuẅíi»! Mbɔ̌ ŋu nǔu njẅɛt-fɔɔ Ndɑvît. Mbɔ́tnɛ pɔ́ mbɔ̌ ŋu ẅí ɑ tɔ́nɛ nǔu lík-Tsɑpʉɔ. Wûuẅíi mbɔ̌ Sɛ́ tɛ tʉ́nɛ́pú.

Lúkɑ́shi 1:79

ŋ́kyɛꞋ pʉɔ pi pɔ́p nɑ́ŋnɛ tsɛt nzɛ́nzʉ́ʉ, nɛvú pɛn ḿbɔ́ ńnʉk wɔ́p, ńcɑklɛ wɔ́p ńníꞋ tsɛt mɔ́fíitɛ.»

Lúkɑ́shi 19:38

ḿbɔ́ ńcú ŋɡɔ: «Mbɔ́tnɛ pɔ́ mbɔ̌ Fɔɔ ẅí ɑ tɔ́nɛ nǔu lík-Tsɑpʉɔ. Sɛ́ tʉ́nɛ́pú ḿbɔ́ Ŋɡɑŋ-mbɔ́tnɛ, ɡúꞋlɛ pɔ́ mbɔ̌ wɛ́ ẅi ɑ tɛ tʉ́nɛ́pú.»

Lúkɑ́shi 2:13

A cú tɛ ŋ́ɡɔ ḿmɛkŋɛ, kɑt-pɛcʉ̈ɔ́Ꞌ-Sɛ́ tɛ ńzɑ́ɑ pɛn ɛ́fú tʉ́nɛ́pú ńtɔ́ ŋ́kẅiꞋ nǔu wɛ́, pɔ́p pɛpɔ́p zɔp, ŋ́ɡúꞋlɛ Sɛ́ ḿbɔ́ ńcú ŋɡɔ:

Lúkɑ́shi 2:15

Pɛcʉ̈ɔꞋ-Sɛ́ kɑ lɛɛ tɛ ḿbɛn nɛ́ tʉ́nɛ́pú, pɑpyɛ́p mbí cú tsɛtsɛt pɔ́p ŋɡɔ: «Pɛkŋɛ ɡʉ tɛ ŋ́kúu Mbɛ́tɛlɛhɛ̂m, lɑ ńjʉ́ɔ nu yi ɛ́ cẅɛtnɛ zúꞋu liinɛ, nu yi ɛ́ cẅɛtnɛ tɛ Tsɑpʉɔ túu ŋɡɔ pɛ́ tɔ́ ɛ́sẅíi wɛkŋɛ lɑ́ɑ.»

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 17:4

Ŋ kɑ ɡɛ pɛ́ jʉ́ɔ nɛɡúꞋ wu ndǔ tsɛ́tsɑ́Ꞌ. M mɛk fɑꞋ yí ɔ kɑ ɡɑ́nɛ mbɔ̌ mɔ.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Ɛ́fɛ̂zɛ 1:6

A kɑ lɔk wɛkŋɛ ŋ́ɡɛ pʉɔ pɛ́ nɛpɔ́ yi pɛkŋɛ ɡʉ ŋ́ɡúꞋlɛ wɛ́ nǔu mɑ́mɑ́ nu kɛ́ fʉꞋ yi ɑ kɑ ɡɛnɛ. Ɛ́ kɑ lɛɛ nǔu pɑ́Ꞌ ɑ kɑ tɛmtɛ́nɛ wɛkŋɛ pɛ́ Mɔ́ɔ nɛ ẅi ɑ kɔŋnɛ wɛ́ tɛꞋ, ŋ́ɡɑ́ fuꞋ fɛ̌ɛ yɛkŋɛ, pɔ́Ꞌɔ ɛ́ pɔ́ kwɑꞋ mɑ́mɑ́ nu tɛꞋ.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Kɔlɔsíyɛ̂ŋ 1:20

ḿbɛn ŋ́kɔŋ ŋɡɔ ɑ ɡʉ ɛ́fú pɔ nǔu wɛ́, ɛ́shuŋ mbɑ kʉ̈ɔ́ lɑ́, ḿbɛn tík nɛjɔ́ŋ wɛ́, kɛ ɛ́ pɔ yúu mi ɛ́ ndǔ tsɛ́tsɑ́Ꞌ ɔɔ, kɛ tʉ́nɛ́pú ɔɔ, ɛ́ lɔk pɑ́Ꞌ Mɔ́ɔ nɛ kɑ tswɛtnɛ mɛci mɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ḿmik mbuu yi ɛ́ kɑ pɔ́nɛ tsɛtsɛt jʉ́ pɔ́p pʉɔmɛsɔŋ.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

Mɛnu ɛ́ ńdɑ́Ꞌ ńcẅɛt 5:13

M bɛn ńzúꞋ, kʉ̈ɔ́ lɑ́ yi Sɛ́ kɑ niitɛ́nɛ, yi ɛ́ tʉ́nɛ́pú, yi ɛ́ ndǔ tsɛ́tsɑ́Ꞌ, yi ɛ́ tsɛt tsɛ́tsɑ́Ꞌ, yi ɛ́ tsɛt ŋki kɛ́ nɛpɑt tɛ mbɑ kʉ̈ɔ́ lɑ́ yi ɛ́ ndǔmbí lɑ́, ɛ́ pɔ́ ńzɔp ńcú ŋɡɔ: Pɛ́ zɔp lík, ŋ́ɡɛ mɛkuꞋ ńtɔꞋ ŋɡúꞋ yɛ, ŋ́ɡɑ́ nɛsɑ́Ꞌ mbí mbɔ̌ ŋu ẅí ɑ nɑ́ŋnɛ nǔu kɔꞋ-nɛfɔɔ, mbɑ mbɔ̌ mɔ́ɔ-Njinjɔ nǔu mɛŋɡuꞋ mɛŋɡuꞋ.