Lúkɑ́shi 19:47 - Kɑɑ Fí

⁴⁷ Yɛ́su pɛn ḿbɔ́ lɛ́Ꞌ tsʉʉ, ḿbɔ́ pɔ tsɛt ndɑ́-nɛnɔŋpɔꞋ ńzíꞋ pʉɔ nɛ nu-Sɛ́, pɛtɑ́tndɑ́-pɑnɔ́ŋ pɔꞋ, pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ mbɑ pɛkɛ́m-Pɑyúdɑ pɔ́ ńdɔ́ɔ nɛɡɛ pɛ́ jẅí wɛ́.

Lúkɑ́shi 19:47 ပူးပေါင်းရင်းမြစ်များ

Mɑtʉ̈ɔ 21:23

Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»

Mɑtʉ̈ɔ 26:55

Ŋ́ɡɛ pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ lɑ́Ꞌ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑ́Ꞌ ŋkɑ́ yi pʉʉ ɡʉ ɡẅɛɛ ntsɔ́ŋ pɑ́Ꞌɑ ŋɡɔ́ku? Mɔ m̄bɔ́ lɛ́Ꞌ tsʉʉ ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́! Pʉʉ kɛ́ mbɔɔ wɑ́ɑ ɡẅɛɛ.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑ́lɛ́kúshi 12:12

Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Mɑ́lɛ́kúshi 14:1

Ɛ́ ɡɛ ḿbɔ́ ńtsʉ́Ꞌ ńjɑ́k lɛ́Ꞌ pɛ́pɑ́ pɛ́ jʉ́ ndínɑ ẅí pɛ́ kɑ pɔ́ ɛ́fúŋ nɛ́ Pɑ́skɑ, ḿbɔ́ mɛlɛ́Ꞌ mi pɛ́ kɑ pɔ́ ŋ́kwɛ́t mbɛlɛ̂ɛt kɛ́ fɛntɛ. Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔɔ shʉ́ pɑꞋ pɔ́p ɡʉ ɛ́sɔ́ ŋ́ɡẅɛɛ Yɛ́su, ńjẅí wɛ́,

Mɑ́lɛ́kúshi 14:49

Ŋ kɑ pɔ́ lɛ́Ꞌ tsʉʉ, ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́. Pʉʉ kɛ́ mbɔɔ wɑ́ɑ ɡẅɛɛ. Lɑ́, yɔ nu tɔ́ ńdɔk ŋ́ɡɛ yúu mi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ puutɛ.»

Lúkɑ́shi 19:48

Lɑ́ ńdɔ́ɔ kɛ́kɑ́ŋ, mbíꞋŋɡɔ lɑ́Ꞌ tsʉʉ kɑ pɔ́ ńtík mɛtúutɛ́ tɛꞋ ńzẅíꞋlɛ nu yi Yɛ́su cúnɛ.

Lúkɑ́shi 20:19

PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.

Jɑ̂ŋ 10:39

Pɔ́p pɛn ńdɔɔ shʉ́ nɛɡẅɛɛ wɛ́, lɑ́ ɑ sẅiklɛ tsɛt mbɔ́ mɔ́p.

Jɑ̂ŋ 18:20

Yɛ́su tsɔ́Ꞌ mbɔ̌ wɛ́ ŋɡɔ: «Ŋ kɑ pɔ́ sɑ́ɑnɛ sɑ́ɑnɛ́nɛ ńcú nu mbɔ̌ lɑ́Ꞌ, ŋ kɑ pɔ́ ńzíꞋ pʉɔ tsɛt mɛndɑ́-cúꞋlɛ, mbɑ tsɛt ndɑ́-nɔŋpɔꞋ, zʉꞋ yí Pɑyúdɑ cúꞋlɛ́nɛ zúꞋu. Mɔ ŋkɑɑ ḿbɔ́ ńcú yɛcɔ́ nu pɔ ńdʉɔ lʉɔmɛ́nɛ pɔ́.

Jɑ̂ŋ 7:19

Mɔ̌sɛ̂ɛ ŋkɑɑnɛ ɡɑ́ nɛpʉ́ʉ mbɔ̌ pʉʉ pɔ́ ɔɔ? Tɛ wɔ̌ nǔu pʉʉ wɔ ḿbɔ́ ńnɛn nǔu? Pʉʉ pɛn ńdɔɔ nɛjẅí wɑ́ɑ mɛlɑ́Ꞌ kʉ̈ɔ́?

Jɑ̂ŋ 7:44

Pɛcɔ́ pʉɔ nǔu pɔ́p pɔ́ ńdɔɔ nɛɡẅɛɛ Yɛ́su, lɑ́ wɛcɔ́ ŋu wɔ́p kɛ́ mbɔɔ kuꞋ nɛzɑ́p pɔ́ nǔu wɛ́ pɔ́.