Lúkɑ́shi 18:39 - Kɑɑ Fí

³⁹ Pʉɔ pinɛ pɔ́p ḿbɔ́nɛ mbi ńnɛn, pɔ́ ŋ́kɑkŋɛ wɛ́ ŋɡɔ ɑ nɑꞋ. Lɑ́ ɑ mɛkŋɛ ŋ́ɡɑ́ ŋɡi yɛ tʉ́ ŋɡɔ: «Yɛ́su, ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɑ́ɑ.»

Lúkɑ́shi 18:39 ပူးပေါင်းရင်းမြစ်များ

Mɑtʉ̈ɔ 7:7

Pʉʉ lɔ́ɔ, Sɛ́ ɡʉ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡʉ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́, ɑ ɡʉ ńtsɔ́Ꞌ ŋ́ɡɑ́ mbɔ̌ pʉʉ.

Mɑtʉ̈ɔ 8:26

A cú mbɔ̌ pɔ́p ŋɡɔ: «Pʉʉ pɔ́k kʉ̈ɔ́? Pʉʉ lɔɔ ńzɑ́p tʉ́m nǔu Sɛ́ ŋkɑ́ tsʉʉ pɔ́!» Ńcú pɔ́Ꞌɔ, ńdɔ sɛ́, ńcʉ̈ɔ́k fɛ́m pɔ́p ŋki. ZʉꞋ nɑꞋ ŋ́ɡɔ kɛ̂m.

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Lúkɑ́shi 11:52

Ndɔ́ɔ tú pʉʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ kíitɛ sɛ̂ndúŋ ẅi pʉɔmɛsɔŋ lɛɛnɛ nǔu lɑ́ ńjí yúu mi Sɛ́ cúnɛ, ńdʉꞋ kwɑꞋ wʉ́ʉ ɡúu nɛlɛɛ nǔu, ḿbɛn ńtɑɑtɛ pʉɔ pinɛ pɔ́p sɛ́ ńtsɑ́ɑ nɛlɛɛ pɔ́Ꞌɔ.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Lúkɑ́shi 18:15

Pɛcɔ́ pʉɔ ɡɛ ńdɔk mbɑ pɔ́ɔmbɔ́t, ńtɔ́ mbi Yɛ́su ŋɡɔ ɑ zɑ́p mbɔ̌ tú pɔ́p, ɡɑŋku pɛ́ jʉ́ɔ ḿbɔ́ ńtɔ́Ꞌ pîpɑ́ pʉɔ.

Lúkɑ́shi 18:38

A ɡɔ́ɔ ńzɛ nɛkíi nɛ́ ŋɡi tɛnnɛ ńcú ŋɡɔ: «Yɛ́su ŋu nǔu njẅɛt-fɔɔ Ndɑvît, tsɑ́ɑ mɛjʉ́ŋ mɑ́ɑ.»

Lúkɑ́shi 18:40

Yɛ́su tʉ́ʉ ńcú ŋɡɔ pɛ́ lɔk wɛ́ ńtɔ́ ŋ́ɡɑ́ mbɔ̌ wɛ́, ɑ tɔ́ tɛ ŋ́kúu nɛjɔ́ŋ yɛ́, Yɛ́su píkŋɛ wɛ́ ŋɡɔ:

Lúkɑ́shi 19:39

Pɛcɔ́ Pɑ́fɑlísɑy pinɛ pɔ́p ḿbɔ́nɛ yɔ́p zúꞋu, fú tsɛtsɛt lɑ́Ꞌ, ńcú mbɔ̌ Yɛ́su ŋɡɔ: «Cícɑ, ɡɛ ɡɑŋku pú nɑꞋ!»

Lúkɑ́shi 8:49

Ḿbɔ́ ńcú mbɔ̌ wɛ́ pɔ́Ꞌɔ, ŋu fú njɛ́Ꞌ-Yɑyɛ́lɔ ńcú mbɔ̌ Yɑyɛ́lɔ ŋɡɔ, kɔɔ pɛn ḿbɑ́klɛ Tsɑpʉɔ níinɛ, mɔ́ɔ nu pfú.

2 Kɔlɛ̂ŋtɛ 12:8

ɛ́ ŋkɑ́ yɛ́tɑ́t pɑ́Ꞌ m búꞋnɛ mbɔ́ mbɔ̌ Tsɑpʉɔ ŋɡɔ ɑ fú nǔu mɔ ńcẅɛɛtɛ yîyɑ́ ŋɡʉ̈ɔ́Ꞌ,