Lúkɑ́shi 18:32 - Kɑɑ Fí

³² Pɛ́ ɛ́fɛn wɛ́ mbɔ̌ pɑkɛ́jí Sɛ́ pinɛ pɔ́p sɑ́Ꞌnɛ lɑ́Ꞌ yɔ, pɔ́p zɔɔtɛ wɛ́, ńtɛ́m sʉ́ʉ nǔu wɛ́, ńtẅik mɛ́tɛ́ nǔu wɛ́,

Lúkɑ́shi 18:32 ပူးပေါင်းရင်းမြစ်များ

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 20:19

ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 22:6

Pɛcɔ́ ɡẅɛɛ pɛtsiindɑ́ fɔɔ ɛ̂pɑ́, ŋ́ɡɑ́ɑnɛ wɔ́p, ńjẅítɛ wɔ́p.

Mɑtʉ̈ɔ 26:67

Pɔ́p ɡɔ́ɔ ŋ́kɛ́ ńtẅik mɛ́tɛ́ shʉ́-Yɛ́su, ŋ́kwɛn wɛ́, pɛcɔ́ pʉɔ pɔ́ ńtɛ́m mbɔ́ nɛtúutɛ yɛ́,

Mɑtʉ̈ɔ 27:2

pɔ́Ꞌɔ lɑ́, ŋ́ɡɛ pɛ́ kút wɛ́, ńdɔk wɛ́ ŋ́ɡʉ ŋ́ɡɑ́ mbɔ̌ ŋɡɔ́mnɑɑ Pilɑtɔ.

Mɑ́lɛ́kúshi 14:65

Pɛcɔ́ pʉɔ zɛ nɛtẅik mɛ́tɛ́ nǔu wɛ́, ŋ́kút shʉ́ wɛ́, ḿbɔ́ ńtswɑ́ɑ wɛ́, ńcú mbɔ̌ wɛ́ ŋɡɔ: «Lɔk nu-ŋɡɛ́mndʉ̈ɔꞋ-Sɛ́ wu ɛ̂wɑ́, ŋ́kyɛꞋ ŋu ẅí ɑ tswɑ́ɑnɛ wú.» Pɑpyɛ́p zʉꞋ pɔ́ ńtswɑ́ɑ mɛtúutɛ́ mɛ́.

Mɑ́lɛ́kúshi 15:1

Njí ɡɛ ḿbɔ́ ŋ́kiɛ, pɛtɑ́tndɑ́-pɑnɔŋpɔꞋ, pɔ́p pɛkɛ́m mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p pɑsɑ́Ꞌlɑ́Ꞌ pɛtsʉʉ mʉ́ʉ mbɑꞋmbɑꞋɑ́, ŋ́ɡɛ cúꞋlɛ, ŋ́kút Yɛ́su, ńdɔk wɛ́ ŋ́ɡʉ ŋ́ɡɑ́ mbɔ̌ Pilɑtɔ.

Lúkɑ́shi 18:33

ńdɔk ŋɡwɑɑ ńtswɑ́ɑ wɛ́, ŋ́ɡɛ pɛ́ jẅí wɛ́, ɑ pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.»

Lúkɑ́shi 23:1

Gɑŋ-cúꞋlɛ cú pɔ́Ꞌɔ, ńdɔ sɛ́ pɛtsʉʉ, ńdɔk Yɛ́su ŋ́ɡʉ nɛ́ mbi-Pilɑ́tu.

Lúkɑ́shi 23:11

Ɛlɔ̂dɛ pɔ́p pɛmɑ́kɑ́ɑ pɛ́ zɔɔtɛ Yɛ́su, ŋ́ɡwɛ wɛ́ tɛ ńtíi ndẅí-nɛfɔɔ ɛ́sɔ nǔu wɛ́, ńtúu ŋɡɔ, pɛ́ pɛn ńdɔk wɛ́ ḿbɛn ŋ́ɡɑ́ mbɔ̌ Pilɑ́tu.

Lúkɑ́shi 23:35

Lɑ́Ꞌ kɑ tʉ́ʉ ḿbɔ́ ńdíŋɛ pɑꞋ pɛ́ kẅiinɛ Yɛ́su. Pɑsɑ́Ꞌ lɑ́Ꞌ pɔ́ ńzɔɔtɛ Yɛ́su ńcú ŋɡɔ: «A kɑ cẅɛ́ɛ pɛcɔ́ pʉɔ ntsu-nɛvú, ɑ pɛn ńcẅɛ́ɛ kwɑꞋ yɛ́ tú, pɑꞋ ɑ lɑɑ ńcú tɛ ɛ́sẅíi nu ŋɡɔ ɑ Nzɑ́Ꞌŋkʉ ẅí Sɛ́ kɑ tsɔ́Ꞌnɛ.»

Jɑ̂ŋ 18:22

Yɛ́su cú pɔ́Ꞌɔ, wɛcɔ́ tɑ́Ꞌ nǔu pɑpyɛ́p ndɑ́-nɔŋpɔꞋ ẅí ɑ ḿbɔ́nɛ zúꞋu tɛ́m pɔ́ nɛtúutɛ yɛ́, ńcú ŋɡɔ: «Yɑ́ pɑ́Ꞌ ɔ tsɔ́Ꞌnɛ nu mbɔ̌ NɔŋpɔꞋ wɛ ɡwɛ́?»

Jɑ̂ŋ 18:28

Pɛ́ fú ntɔ́Ꞌ-Kɑyífɑ, ńdɔk Yɛ́su ŋ́ɡʉ nɛ́ njɛ́Ꞌ-ŋɡɔ́mnɑɑ-Pʉɔ-Lɔ́mɑ. Ɛ́ pɔ́ mbɑꞋmbɑꞋɑ́. Pɛkɛ́m pí pɔ́p lɔknɛ Yɛ́su ńtɔ́ kɛ́ mbɔɔ yɔ́p ndɑ́ ŋɡɔ́mnɑɑ kúu, ḿbɔ́k nɛtíi lɔ́Ꞌ, ɛ́ tɔꞋ wɔ́p nɛjʉ́ ndínɑ-Pɑ́skɑ.

Jɑ̂ŋ 18:30

Pɔ́p tsɔ́Ꞌ ŋɡɔ: «Ŋu ɛ̂wɑ́ lɑ́Ꞌ ḿbɔ́ pɛ́Ꞌɛ ḿbɔɔ nu kɛpɔŋ ɡɛ, mbɔ pɛk kɑ́ lɔk wɛ́ ńtɔ́ mbi wú pɔ́.»

Jɑ̂ŋ 18:32

Ɛ́ lɔk ḿbuutɛ nǔu nu yí Yɛ́su kɑ tsʉ́Ꞌ nɛcú ntɛ́ yí ɑ ɡʉ ŋ́ɡɛ ḿpfú ńcú.

Jɑ̂ŋ 18:35

Pilɑ́tɔ tsɔ́Ꞌ ŋɡɔ: «Ɔ zúꞋ ŋɡɔ mɔ ŋu Pɑyúdɑ? Pɑlɑ́Ꞌ pʉ́ʉ pɔ́p pɛkɛ́m-pɑnɔŋpɔꞋ fɛnnɛ wú mbɔ̌ mɔ. Ɔ kɑ ɡɛ ku?»

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.