20 Ɔ kɑ́ pɔ́ ḿmuŋɛ nɛpʉ́ʉ-Sɛ́ pɔ́, Sɛ́ kɑ zɑ́p ŋɡɔ: Kɔɔ ɡɛ ɡɑp, kɔɔ jẅí ŋu, kɔɔ jʉ̈ɔ, kɔɔ tík sɔ́ɔ tú ŋu, ɡɑ́ mɛkuꞋ tɑ́t wu pɔ́p mɑ́ wu.»
Yɛ́su tsɔ́Ꞌ ḿbíkŋɛ wɛ́ ŋɡɔ: «Ɔ fúŋ wɑ́ɑ ŋɡɔ ŋu sʉ́Ꞌnɛ mɛlɑ́Ꞌkʉ̈ɔ́? Ɛ́ kɑ́ Pɔ́ ndɑꞋ Sɛ́ pɔ́, mbɔ wɛcɔ́ ŋu sʉ́Ꞌnɛ kɑ́ pɔ́ ɡú pɔ́.
Ŋu ɛ̂wɑ́ tsɔ́Ꞌ ŋɡɔ: «Tɛ ɛ́fú pɑꞋ ŋ kɑ pɛ́tnɛ mɔ́ɔsuu, n dɔ ŋ́kɛ́ ńtswɛ́ ŋ́ɡẅɛɛ nɛpʉ́ʉ ɛ̂nɑ́ ɡẅɛɛnɛ tsʉʉ.»
Pʉʉ zɛɛ ńjí nɛpʉ́ʉ ni ɛ́ cúnɛ ŋɡɔ: «Kɔɔ ɡɛ ɡɑp. Kɔɔ jẅí ŋu. Kɔɔ jʉ̈ɔ. Kɔɔ tík mík nǔu yúu-ŋu». Lɔk ŋ́kút mɛtú mɔnɛ mbʉ́ʉ tɛ mbɑ mɛcɔ́ pɔ́ ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋnɛ túmbʉʉ yú».
Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»
Nɛcɔ́ nɛpʉ́ʉ Sɛ́ ńcú ŋɡɔ: «Gɛ mɛkuꞋ-tɑ́t ɡu pɔ́p mɑ́ ɡu. Ɛ́ nduŋmbi nɛpʉ́ʉ ni Sɛ́ kɑ kɑꞋnɛ tsɔ́ꞋfɑꞋ nǔu.
Pʉʉ mbɔ́ŋkʉ̈ɔ́ pʉʉ zúꞋ ntsu-pɛtɑ̌ɑ pʉ́ʉ pɔ́p pɛmɑ́ pʉ́ʉ nǔu mbɑ kʉ̈ɔ́ lɑ́, mbíꞋŋɡɔ ɛ́ yúu mi ɛ́ pɔŋnɛ Tsɑpʉɔ.