Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lúkɑ́shi 18:14 - Kɑɑ Fí

14 Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

အခန်းကိုကြည့်ပါ။ ကော်ပီ




Lúkɑ́shi 18:14
39 ပူးပေါင်းရင်းမြစ်များ  

Jínɛ ŋɡɔ, ŋu ŋ́ŋɑ́Ꞌ mbʉʉ yɛ, mbɔ Sɛ́ ɡʉ ŋ́kɔk wɛ́ ŋ́ɡɑ́ sɛ́, ŋu pɛn ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡʉ ŋ́kɑꞋ wɛ́.


«Pɛpɔ́ttú pʉɔ pinɛ pɔ́p jínɛ ŋɡɔ pɔ́p mbi-Sɛ́ ḿbɔɔ yɛcɔ́ yúu kuꞋ, mbíꞋŋɡɔ pɔ́p jʉ́ pii nɛfɔɔ-Sɛ́.


A kɔk pɛfɔɔ ndǔ kɔꞋ-nɛfɔɔ nɔ́p ńtsẅíkŋɛ pɛpúŋ ndǔ.


Ŋu ɛ̂wɑ́ pɔ́ ńzɔŋ tú yɛ́, ńcú ŋɡɔ: «Ɛ́ pʉ́ɔ lɑ́ tɛ ḿbɔŋ, lɑ́ mɔ́ɔmɑ́ mɔ ŋumɛsɔŋ pɑ́Ꞌɑ ḿbɔ́ wɔ̌?»


Ɛ́ pɔ́Ꞌɔ, lɑ́ m bɔ́ ŋɡɔ ŋu lɑɑ ŋ́ŋɑ́Ꞌ mbʉʉ yɛ, mbɔ Sɛ́ ɡɛ ŋ́kɔk wɛ́ ŋ́ɡɑ́ sɛ́, ŋ́kɛ́ ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡɛ ḿbʉꞋ wɛ́ ńtík tíknɛ.»


A cú mbɔ̌ pɔ́p ŋɡɔ: «Pʉʉ pɑ́ ẅi pʉʉ júknɛ ɛ́fúklɛ pʉɔ ŋɡɔ pʉʉ pʉɔ sʉ́Ꞌnɛ, lɑ́, Sɛ́ kɛ́ ḿbɔ́ ńjí pɑꞋ tʉ́m yʉ́ʉ pɔ́nɛ. Pʉʉ jí ŋɡɔ: Nu yi pʉɔmɛsɔŋ jʉ́ɔnɛ ŋɡɔ ɛ́ nu tɛꞋ, ɛ́ mbi Sɛ́ ḿbɔ́ nu-sʉ́ʉ.»


Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»


Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ lɔk pɔ mɛfɑꞋ mɛ́ pɔ́, ńzɑ́p pɔ ndɑꞋ tʉ́m yɛ́ nǔu Sɛ́ ẅí ɑ ɡɛnɛ ŋu kɛpɔŋ tsʉ́Ꞌ ŋu ẅi ɑ ndʉ́ŋndʉŋ mbi wɛ́, Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.


Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.


Mbɔ wɔ̌ fɛn pʉɔ pi Sɛ́ kɑ zɑ́Ꞌnɛ yɔ́p ntsɑŋ? Ŋɡɑŋ kɑ pɔ́ ɡú pɔ́, mbíꞋŋɡɔ Sɛ́ kɑ lɔknɛ wɔ́p ŋ́ɡɛ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,


Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.


Pʉʉ kɔk mbʉʉ yʉʉ ŋ́ɡɑ́ sɛ́ mbi Tsɑpʉɔ, ɑ pʉꞋ wʉ́ʉ.


Lɑ́, Sɛ́ kɑ lɑ́Ꞌ mɔ́ ŋ́ɡɑ́ fuꞋ níinɛ yʉkŋɛ, pɔŋtʉ́m yɛ́ nzʉʉ pɛkŋɛ ɡúꞋ ńdɛɛ kʉ̈ɔ́ lɑ́. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lʉꞋ pɑŋɑ́Ꞌlɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pí pɔ́p kɔknɛ mbʉʉ yɔp ŋ́ɡɑ́ sɛ́.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ