Lúkɑ́shi 17:6 - Kɑɑ Fí

⁶ Yɛ́su cú ŋɡɔ: «Nɛsɑɑ-sɛ́súk yúu ŋ́kʉ̈ɔ́k tɛꞋ, ŋu wʉʉ lɑɑ ńzɛɛ ńzɑ́p tʉ́m yɛ́ nǔu Sɛ́ mbɑ mɔ́zʉꞋ pɔ́Ꞌɔ, mbɔ ɑ ɡɛ ńcú mbɔ̌ tʉ́ yi ɛ́ tʉ́ʉnɛ lɑɑ ŋɡɔ: Tsɔ́Ꞌnɛ ŋ́ɡʉ ńtʉ́ʉ tsɛt Mí, mbɔ ɛ́ ńzúꞋ ntsu wɛ́.»

Lúkɑ́shi 17:6 ပူးပေါင်းရင်းမြစ်များ

Mɑtʉ̈ɔ 14:29

Yɛ́su cú mbɔ̌ wɛ́ ŋɡɔ: Tɔ́! Pyɛ̂ cẅɛt tsɛt kɑnúꞋ, ḿbɔ́ ńnɛn ndǔ ŋki nɛɡʉ ńzɑ́Ꞌ wɛ́.

Mɑtʉ̈ɔ 17:20

A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Mɑtʉ̈ɔ 21:21

Yɛ́su pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńzɑ́p tʉ́m nǔu Sɛ́, tɛ mbɔɔ mʉꞋlɛ, mbɔ pʉʉ ɡʉ kuꞋ nɛɡɛ yúu mi ŋ ɡɛnɛ nǔu tʉ́-ŋɡɛ̌m lɑɑ tɛ ńdɛɛ pɔ́Ꞌɔ.» Mbɔ ɛ́ lɑɑ ḿbɔ́ pʉʉ kuꞋ nɛcú mbɔ̌ nɛŋkɔ́Ꞌ nɔ ŋɡɔ: «Fú zɑ́Ꞌɑ ŋ́ɡʉ ńtʉ́ʉ tsɛt ŋki kɛ́ nɛpɑt! Ɛ́ zúꞋ ntsu wʉ́ʉ.»

Mɑ́lɛ́kúshi 4:31

Ɛ́ ɡɔ́ɔ ɛ́fí mbiyúu mi ɛ́ kʉ̈ɔ́knɛ pɑꞋ yɛcɔ́ ntɛ́ nɛsɑɑ-sɛ́súk. Pɛ́ ɡɔ́ mɑꞋ, ɛ́ kʉ̈ɔ́k ńtsɑ mɛcɔ́ mɛmbi-yúupɛjʉ́ pinɛ pɛ́ pinɛ ŋkɑꞋ.

Mɑ́lɛ́kúshi 9:23

Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»

Lúkɑ́shi 13:19

Ɛ́ ɡɔ́ɔ ɛ́fí pɔ yɛcɔ́ ntɛ́ nɛsɑɑ-sɛ́súk yi ŋu kɑ pɛ́ɛnɛ ḿmɑꞋ ŋkɑ́Ꞌ yɛ́, ɛ́ ɡɛ sɑ́Ꞌ, ŋ́ɡúꞋ, tɛ ńtsʉ́Ꞌ tʉ́, ńtɔ́k mbɔ́ mɛ́, pɛshʉ́ŋ tɔ́ ḿbɑ́Ꞌ mɛŋkɑɑ mɔ́p tsɛt pɛpɔ́ pɛ́.»

Lúkɑ́shi 17:7

Pɛkŋɛ pɛ́ɛ fʉꞋ ŋɡɔ ŋu wʉʉ ɡẅɛɛ ŋɡɑŋfɑꞋ, ɑ lɑɑ ńjúk tɛt ńzʉ́Ꞌ nɑŋ, kɛ ńjúk ńtsiinɛ pɔ mɛyúumɛku ɔ́ɔ, ŋ́ɡɛ ḿbɛn nzʉʉ, mbɔ jʉ́ ẅi ɑ tɑ̌ɑfɑꞋ lɑ́, ɡɛ ńcú mbɔ̌ wɛ́ ŋɡɔ: «Gʉ ńnɑ́ŋ sɛ́ nɛtʉʉ ŋ́kwɛ́t yúu?

Lúkɑ́shi 19:4

A kʉ̈ɔ́ ŋ́ɡʉ mbi, nǔu shʉ́ yi Yɛ́su ḿbɔ́ ŋ́ɡʉ ńdɛɛ zúꞋu, ŋ́kɔ́Ꞌ ńzɑ́pmɛ tʉ́-síkɔmɔ̂, ḿbyɛ́p pɑꞋ ɑ ɡʉ ŋ́ɡɔ ńdɛɛ ɑ jʉ́ɔ wɛ́.

Lúkɑ́shi 7:13

Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»

Lúkɑ́shi 7:19

ńtúu wɔ́p ŋɡɔ pɔ́p ɡʉ ḿbíkŋɛ Yɛ́su ŋɡɔ ɑ Nzɑ́Ꞌŋkʉ ẅí pɛ́ kɑ pɔ́ ńzẅíꞋlɛ lɑ́, kɛ pɛ́ ḿbɛn ńzẅíꞋlɛ pɔ wɛcɔ́ ŋu ndɛꞋ ɔ́ɔ?

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.