Lúkɑ́shi 17:16 - Kɑɑ Fí

¹⁶ Ńtɔ́ ńnɔɔ kɛpkɛ́p mbi Yɛ́su, ŋ́ɡɑ́ pɑ́Ꞌlɑ́ mbɔ̌ wɛ́. Ŋɡɑŋ ḿbɔ́ ŋu-Sɑmɑlîi.

Lúkɑ́shi 17:16 ပူးပေါင်းရင်းမြစ်များ

Mɑtʉ̈ɔ 10:5

Yɛ́su ɡɔ́ ńtúu ɡɑŋntúu pɔnɛ ntsɔ̌ppɑ́ nɛ́ nɛɡɛ́m, ńcú mbɔ̌ pɔ́p ŋɡɔ: Kɔɔ pʉʉ ɡʉ tsɛt mɛlɑ́Ꞌ pʉɔ pínɛ pɔ́p kɑ́ pɔ́ Pɑyúdɑ pɔ́, kɔɔ pʉʉ kúu tsɛt mɛtʉ́sɔŋ Pɑsɑmɑlii.

Mɑtʉ̈ɔ 2:11

ńjɛ́Ꞌ ŋ́kúu tsɛt ndɑ́, ńjʉ́ɔ mɔ́ɔ pɔ́p mɑ́ wɛ Mɑlíyɑ, ŋ́kẅíꞋlɛ sɛ́, ŋ́ɡɑ́ mɛkuꞋ-mɔ́ɔ ḿbɛn ńtɑꞋ pɑɑ yɔ́p, ńníꞋ shɔŋ-mɔ́ɔ nɛ́ yúu pɑ́Ꞌ tʉ́n-ŋɡɔ̂l pɔ́p yɛcɔ́ tʉʉndɛn lii ntɛ́ yɛ́pɑ́.

Mɑ́lɛ́kúshi 5:33

Mɑŋɡɛ́ ɛ̂wɑ́ tsʉꞋ ŋ́ɡwɛt ɡwɛtnɛ, mbíꞌŋɡɔ ɑ kɑ jí yúu mi ɛ́ lɛɛnɛ nǔu wɛ́, ŋ́ɡɔ́ɔ ŋ́kɛ́ ńtɔ́, ńnɔɔ mɛku-Yɛ́su, ɛ́sẅíi wɛ́ kwɑꞋ nu yí ɛ́ lɛɛnɛ tsʉʉ.

Lúkɑ́shi 17:17

Yɛ́su kɛ́ ńcú ŋɡɔ: «pʉɔ nɛɡɛ́m fíitɛ, pɛ pɛ́nɛ́pfuꞋú pɔ́ pɔ ɡɔ́?

Lúkɑ́shi 5:8

Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»

Jɑ̂ŋ 4:9

Mɑŋɡɛ́-Sɑmɑlîi cú mbɔ̌ Yɛ́su ŋɡɔ: «Ɔ ŋu-Pɑyúdɑ, ḿbɛn ńdɔ́ɔ ŋki nɔ́nɛ mbɔ̌ mɔ mɑŋɡɛ́-Sɑmɑlîi ɔɔ?» A kɑ pɔ́ ńcú pɔ́Ꞌɔ, mbíꞋŋɡɔ pɑyúdɑ pɔ́p Pɑsɑmɑlîi ŋkɑɑ ḿbɔ́ ńzúꞋnɛ pɔ́.

Jɑ̂ŋ 5:23

Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

1 Kɔlɛ̂ŋtɛ 14:25

Yúu mi ɛ́ ńzɛɛnɛ ḿbɔ́ tsɛt tʉ́m yɛ́ yi lʉɔmɛ́nɛ, cẅɛt mɑ́ntɑ́ɑ, ɑ kẅíꞋlɛ sɛ́, ɛ́sɔp shʉ́ wɛ́ sɛ́, ŋ́ɡɔ ḿbɔ́ ŋ́ɡúꞋlɛ Sɛ́, ḿbɔ́ ńcú ŋɡɔ: «Ɛ́ nɛ́nẅín Sɛ́ tsuŋ ḿbɔ́ tsɛtsɛt pʉʉ.»

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 5:14

Pɛ́ zɔp pɔ́Ꞌɔ, mɛyúumɛku mɑ́ mɛ́nɛ́kwɑ ɡɔ́ɔ ŋ́kɛ́ ŋɡɔ ɛ́ pɔ́Ꞌɔ. Pɛlʉ́m pɑ́ ɡɔ́ɔ ŋ́kɛ́ ŋ́kẅíꞋlɛ sɛ́, ŋ́ɡúꞋlɛ Sɛ́.