Lúkɑ́shi 16:31 - Kɑɑ Fí

³¹ Lɑ́ Ábɛlɛhɑ̂m cú mbɔ̌ wɛ́ ŋɡɔ: «Pɔ́p lɑɑ ḿbɔɔ zúꞋ sẅiŋɛ-Mɔ̌sɛ̂ɛ mbɑ yi pɛŋɡɛ́mndʉ̈ɔ́Ꞌ-Sɛ́ pɔ́, mbɔ ŋu lɑɑ ńzɛɛ ńzẅíimɛ zẅíimɛnɛ, ńtɔ́ ɛ́sẅíi wɔ́p pɔ kʉ̈ɔ́ lɑ́, mbɔ pɔ́p kɛ́ pɛ́m.»

Lúkɑ́shi 16:31 ပူးပေါင်းရင်းမြစ်များ

Lúkɑ́shi 16:30

Ŋɡɑŋkɑ́p cú ŋɡɔ: «Ŋɡɑ́ŋ, mbɑ́ɑ Tɑ̌ɑ mɔ Ábɛlɛhɑ̂m, ɛ́ nu lɑ́, ŋu lɑɑ ɛ́fú lɑ́Ꞌ-pɛpfú ḿbɛn ńtɔ́ ɛ́sẅíi wɔ́p, mbɔ pɔ́p ɡɛ ńzúꞋ, ɛ́ kúpmɛ mɑt wɔp.»

Lúkɑ́shi 17:1

Yɛ́su pɛn ńcú mbɔ̌ ɡɑŋku pɛ́ ŋɡɔ: «Yúu mi ḿbɔ́ pɛ́ fú nǔu ɛ́fɑɑnɛ nu, ɛ́ lɑɑ ḿbɔ́ ɛ́ pɔɔ zɑ́k. Lɑ́, pɛ́ktú ŋu ẅí ɑ ɡɛ ŋ́ɡɛ ŋu fɑɑnɛ nu.»

Jɑ̂ŋ 5:47

Pɑ́Ꞌ pʉʉ kɑ́ pɔ́ ḿbɛ́m nu yí Mɔ̌sɛ̂ɛ kɑ ŋwɑꞋnɛ́nɛ pɔ́ lɑ́, pʉʉ ɡʉ ŋ́ɡɛ pɑ́Ꞌɑ lɑ́ ḿbɛ́m nu yí n cúnɛ?

ŊwɑꞋnɛ-Gɑŋntúu Yɛ́su Kɛlístɔ 19:8

Pɔ̂l lɔk pɛsɑŋ pɛtɑ́t, ŋ́kɛ́ ŋ́ɡʉ pɔ ndɑ́-cúꞋlɛ-pɑyúdɑ Ɛ́fɛ̂zɛ ɛ̂wɑ́. Ɛ́sẅíi nu-Sɛ́ ɛ́sɑ́ɑnɛ sɑ́ɑnɛ́nɛ, ɛ́sẅíi pʉɔ pɑ́Ꞌ nɛfɔɔ-Sɛ́ pɔ́nɛ, ńdɔɔ shʉ́ nɛkyɛ́Ꞌtɛ tɛ pɔ́p pɛ́m.

ŊwɑꞋnɛ-Gɑŋntúu Yɛ́su Kɛlístɔ 26:28

Fɔɔ Aŋɡɛlípɑ tsɔ́Ꞌ mbɔ̌ Pɔ̂l ŋɡɔ: «Ɔ kwɑŋɛ ŋɡɔ ɔ ɡʉ nɑ́Ꞌ ńdɔk pɔ pɑ́Ꞌɑ ŋ́ɡɛ ɛ fɛ́Ꞌnɛ ńtsʉ́Ꞌ ŋu-Kɛlístɔ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

2 Kɔlɛ̂ŋtɛ 4:3

Ɛ́ lɑɑ ḿbɛn ḿbɔ́ yi Ŋkʉʉ Sʉ́Ꞌnɛ ẅi pɛk cẅinɛ, ɛ́ mbɔ̌ pɛcɔ́ pʉɔ ḿbɛ́t pɔ tsɛt ŋkwɑ́, mbɔ ŋkwɑ́ pɔ́ pɔ́Ꞌɔ, pɔ mbɔ̌ pʉɔ pi pɔ́p sɛ́ ŋ́kʉɔ Sɛ́, lɑ́ ŋ́ɡɛ ḿbɛ́ pɛ́nɛ,

2 Kɔlɛ̂ŋtɛ 5:11

Pɑ́Ꞌ pɛk sɛ́ ńjí yúu mi pɛ́ fúŋnɛ ŋɡɔ nɛpɔ́k Tsɑpʉɔ lɑ́, pɛk nɑ́ŋ ńdɔɔ pɔ shʉ́, ŋ́ɡɛ pʉɔ tsuŋ ńjí pʉɔ pi pɛk pɛ́tɛ. Sɛ́ sɛ́ ńtsuŋ ńjí pʉɔ pi pɛk pɛ́tɛ, mɔ sɛ́ ŋ́kwɑŋɛ ŋɡɔ pʉʉ tsɛt tʉ́m pʉ́ʉ ḿbɔ́ ńtsuŋ ńjí ŋu wi mɔ wɛ́tɛ́.