Lúkɑ́shi 16:25 - Kɑɑ Fí

²⁵ Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Mɔ́ɔ wɑɑ, kẅíitɛ pɑꞋ ɔ kɑ pɛ́t ndǔ mbí ḿbɔ́ tsɛt fuꞋ, Lɑzɑ̂ɑ pɔ́ ńjʉ́ɔ ŋɡʉ̈ɔ́Ꞌ, ɛ́ pɛn ḿbɔ́ ŋkɔ̂ɔnɛ, Lɑzɑ̂ɑ pɔ́ tsɛt fuꞋ, ɔ pɔ́ ńjʉ́ɔ ŋɡʉ̈ɔ́Ꞌ.

Lúkɑ́shi 16:25 ပူးပေါင်းရင်းမြစ်များ

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑ́lɛ́kúshi 9:45

Ku yú lɑɑnɛ ḿbɔ́ ńtsʉ́ʉnɛ wú ńníꞋ tsɛt mɛfɑɑnɛ, ɔ zɑꞋ ḿmɛꞋ, mbi ɡu nɛpɔ́ kɛmku lɑ́ ńdɑ́Ꞌ ŋ́kɛ́ ḿbɔ́ ɡú, ńtsɑ nɛɡẅɛɛ mɛku mú mɛmbɑ́ lɑ́ pɛ́ mɑꞋ wú tsɛt múk,

Lúkɑ́shi 16:20

Wɛcɔ́ mbúŋ pɔ́ yí ɡú, lík yɛ́ pɔ́ ŋɡɔ Lɑzɑ̂ɑ. Mɛfʉ́ŋ puu ḿbɔ́ nǔu wɛ́ tɛꞋ, ɑ nɔɔ ntsundɑ́-ŋɡɑŋŋkɑ́p ɛ̂wɑ́,

Lúkɑ́shi 16:23

A kúu lɑ́Ꞌ pɛpfú, ḿbɔ́ ńjʉ́ɔ ŋɡʉ̈ɔ́Ꞌ tɛꞋ, ḿmɑꞋ lík ŋɡɑ sɛsɑ, ńjʉ́ɔ Ábɛlɛhɑ̂m, Lɑzɑ̂ɑ ńnɑ́ŋ nɛjɔ́ŋ yɛ́.»

Lúkɑ́shi 16:26

Ɛ́ zɛɛ ŋ́ɡɔ ḿbɔ́, mɑ́mɑ́ sɛ́m pɔ́ tsɛtsɛt pɛkŋɛ, tɛ ḿbɔ́ yi ŋu lɑɑ ɛ́fú zɑ́Ꞌnɛ ńdɔ́ɔ nɛɡʉ zɑ́Ꞌɑ, ɑ pɔɔ kuꞋ, ɛ́fú zɑ́Ꞌɑ ńdɔ́ɔ nɛtɔ́ zɑ́Ꞌnɛ, ɑ pɔɔ kuꞋ.»

Lúkɑ́shi 6:24

Lɑ́, pʉʉ kwɑꞋ pɛpɛktú pʉʉ pinɛ pʉʉ ɡɑŋyúu, mbíꞋŋɡɔ pʉʉ kɛ́ ŋ́ɡẅɛɛ mʉ́ʉ mɛyúu sʉ́Ꞌnɛ pɔ ndɑꞋ ŋkɔ̂ɔnɛ.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Pʉɔ-Lɔ́mɑ 8:7

Pɛcɔ́ pʉɔ nǔu sɛ̂ndúŋ-nɛvú mbíꞋŋɡɔ pʉɔ pi pɔ́p nɑ́ŋnɛ ńtík tʉ́m yɔ́p pɔ nǔu yúu mi mbʉʉ yɔp sɛ́ ɛ́sẅíi wɔ́p, pɛɡɑŋmbuu-Sɛ́. Pɔ́p kɑ́ kúꞋlɛ nɛpʉ́ʉ-Sɛ́ pɔ́, wɛcɔ́ shʉ́ nɛzɛɛ ŋ́kúꞋlɛ kɑ́ pɔ́ mbɔ̌ pɔ́p pɔ́.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

1 Tɛsɑlɔník 3:3

nɛpɔ́ yi ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, kɛ́ ɡɛ wɛcɔ́ ŋu tsɛtsɛt pʉʉ mʉꞋlɛ nǔu nu-Sɛ́ pɔ́. Pʉʉ zɛɛ ḿbɔ́ ńjí yʉ́ʉ ŋɡɔ ŋɡʉ̈ɔ́Ꞌ ɡẅɛɛ nɛkúu wɛkŋɛ pɑzɑptʉ́m nǔu Sɛ́.

Ɛ́bɛlʉʉ 11:25

A kɑ jʉ́ɔ yɛ́, ɛ́ pɔŋ mbɔ̌ wɛ́ nɛkúu tsɛtsɛt pʉɔ-Sɛ́ pɔ́p pɛpɔ́p tɛmtɛ ńjʉ́ɔ ŋɡʉ̈ɔ́Ꞌ, ńdɛɛ nɛzúꞋ sʉ́Ꞌnɛ nǔu mɔ́ɔ mɔ́ŋkɑ́ lɑ́ ŋ́kɛ́ ḿbɔ́ pɔ tsɛt mɛfɑɑnɛ.

1 Jɑ̂ŋ 2:15

Kɔɔ pʉʉ tík mík mʉ́ʉ nǔu ndǔmbí, kɔɔ pʉʉ tík mík nǔu yúu mi ɛ́ ndǔmbí. Ŋu lɑɑ ŋ́kɔŋ ndǔmbí, mbɔ ɑ kɑ́ pɔ́ ŋ́kɔŋ Sɛ́ Tɑ́t pɔ́,

Mɛnu ɛ́ ńdɑ́Ꞌ ńcẅɛt 7:14

N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.